版本选择 有地理sitephoto 查字典 本章地图 影像 [ 条列 | 表格 | 整段 ] 繁 简 语态 度量衡 其他 阅读计画

新版上一章 下一章    查询或移至： 说明

民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

23:1 Pa-lân tùi Ba-al kóng, " Lí tī chia kā góa khí chhit chō tôaⁿ, kā góa chún-pī chhit chiah gû-káng, chhit chiah iûⁿ-káng. "
23:2 Ba-al chiàu Pa-lân ê ōe lâi kiâⁿ; Ba-al kah Pa-lân tī ta̍k chō ê tôaⁿ, hiàn chi̍t chiah gû-káng, chi̍t chiah iûⁿ-káng.
23:3 Pa-lân tùi Ba-al kóng, " Lí khiā tī lí sio-chè ê piⁿ-á, góa chiām-chhiáⁿ chìn-chêng khì, kiámchhái Siōng-chú lâi tú tio̍h góa; I chí-sī góa siáⁿ-mi̍h, góa ē kā lí kóng. " Pa-lân chiū khì bô chháu-ba̍k ê soaⁿ.
23:4 Siōng-tè tú tio̍h Pa-lân, Pa-lân tùi I kóng, " Góa í-keng chún-pī chhit chō tôaⁿ, tī ta̍k chō tôaⁿ hiàn chi̍t chiah gû-káng, chi̍t chiah iûⁿ-káng. "
23:5 Siōng-chú ēng ōe kau-tài Pa-lân, koh kā i kóng, " Lí tńg-khì Ba-al hia, tio̍h ánne kā i kóng. "
23:6 I chiū tńg-khì Ba-al hia, khòaⁿ tio̍h i kah Mô͘-ap ê siú-léng lóng khiā tī i sio-chè ê piⁿ-á.
23:7 Pa-lân chiū thê-khí i ê koa, kóng: Ba-al chhōa góa tùi A-lâm lâi, Mô͘-ap ông chhōa góa chhut tang pêng ê soaⁿ, kóng: Lâi! Kā góa chiù-chó͘ Iâ-kop; lâi! Chiù-mē I-su-la-el.
23:8 Siōng-tè bô chiù-chó͘ ê, góa ná ē chiù-chó͘? Siōng-chú bô chiù-mē ê, góa ná ē chiù-mē?
23:9 In-ūi góa tùi chiahê soaⁿ-giâm khòaⁿ, koh tùi soaⁿ-bóe-liu koan-khòaⁿ, lí khòaⁿ, chiahê jîn-bîn beh kakī tòa. Bô lia̍t tī chiahê kok ê tiong-kan.
23:10 Siáⁿ lâng ē-tàng sǹg Iâ-kop ê thô͘-soa? siáⁿ lâng ē-tàng sǹg I-su-la-el ê sì-hūn chi-it? Góa goān chhin-chhiūⁿ gī lâng ê sí lâi sí, mā chhin-chhiūⁿ i ê kiat-kio̍k lâi kiat-kio̍k.
23:11 Ba-al tùi Pa-lân kóng, " Lí tùi góa chò ê sī siáⁿ-mi̍h? Góa kiò lí lâi chiù-chó͘ góa ê tùi-te̍k, lí khòaⁿ, lí lóng sī kā in chiok-hok.
23:12 Pa-lân ìn kóng, " Siōng-chú só͘ kau-tài góa ê ōe, góa kám bián tio̍h kín-sīn lâi kóng? "
23:13

Pa-lân Tē-jī pái ê Ī-giân

Ba-al tùi i kóng, " Kiû lí kah góa khì pa̍t ūi, tī hia thang khòaⁿ tio̍h in, lí chí ū ē khòaⁿ tio̍h in ê chi̍t kak-thâu, bē tàng só͘-ū khòaⁿ-.tio̍h; tī hia tio̍h ūi góa kā in chiù-chó͘. "
23:14 Tùi hit sî, Ba-al chiū chhōa Pa-lân kàu Só-hui ê soaⁿ-iá, chiūⁿ Pi-su-gah ê soaⁿ-thâu, khí chhit chō tôaⁿ, ta̍k chō tôaⁿ hiàn chi̍t chiah gû-káng, chi̍t chiah iûⁿ-káng.
23:15 Pa-lân tùi Ba-al kóng, " Lí tòa chia, khiā tī lí sio-chè ê piⁿ-á, thèng-hāu góa khì hia kìⁿ Siōng-chú. "
23:16 Siōng-chú tú tio̍h Pa-lân, ēng ōe kau-tài i, koh kóng, " Lí tńg-khì Ba-al hia, tio̍h ánne kóng. "
23:17 I chiū tńg-khì Ba-al hia, khòaⁿ tio̍h i khiā tī sio-chè ê piⁿ-á, Mô͘-ap ê siú-léng mā kah i tī hia. Ba-al mn̄g i kóng, " Siōng-chú kám ū kóng siáⁿ-mi̍h ōe? "
23:18 Pa-lân chiū thê-khí i ê koa, kóng: Ba-al, khí-lâi thiaⁿ; Chip-pol ê kiáⁿ, lí àⁿ hīⁿ-khang lâi thiaⁿ góa.
23:19 Siōng-tè m̄-sī chhin-chhiūⁿ lâng, ē kóng pe̍h-chha̍t, mā m̄-sī lâng ê kiáⁿ, ē hō͘-hóe; I í-keng kóng, kám bô kiâⁿ? I kóng-chhut, kám bô èng-giām?
23:20 Lí khòaⁿ, góa hōng-bēng chiok-hok, I só͘ èng-ín ê hok-khì, góa bē kā i péng tò-tńg.
23:21 I bô khòaⁿ tio̍h Iâ-kop ū kòe-sit, tī I-su-la-el bô khòaⁿ tio̍h ū kan-ok, Siōng-chú — i ê Siōng-tè kah i tông-chāi; tī in tiong-kan ū oló ông ê siaⁿ.
23:22 Siōng-tè chhōa in chhut Ai-gi̍p; in chhin-chhiūⁿ ū iá-gû ê la̍t.
23:23 Iâ-kop tiong choa̍t-tùi bô hoat-su̍t, I-su-la-el tiong mā bô chiam-pok; kàu-sî lūn-khí Iâ-kop kah I-su-la-el beh kóng: Siōng-tè kiâⁿ hiahni̍h tōa ê tāichì!
23:24 Lí khòaⁿ, chiahê jîn-bîn khí-lâi chhin-chhiūⁿ bó ê sai, théng-sin chhin-chhiūⁿ kang ê sai; iáu-bōe chia̍h só͘ la̍k tio̍h ê mi̍h, iáu-bōe lim siū kā-sí ê ê hoeh, koat-toàn bô tó-.leh.
23:25 Ba-al tùi Pa-lân kóng, " Lí lóng m̄ thang kā in chiù-chó͘, mā m̄ thang kā in chiok-hok. "
23:26 Pa-lân ìn Ba-al kóng, " Góa kám bô kā lí kóng, kiàn-nā Siōng-chú só͘ kóng ê, góa beh chun-thàn? "
23:27

Pa-lân Tē-saⁿ pái ê Ī-giân

Ba-al tùi Pa-lân kóng, " Lâi! Góa chhōa lí khì pa̍t só͘-chāi, kiámchhái Siōng-chú hoaⁿ-hí lí tī hia ūi góa kā in chiù-chó͘. "
23:28 Ba-al chiū chhōa Pa-lân kàu hit-ê khòaⁿ lo̍h-.khì, ē khòaⁿ tio̍h khòng-iá ê Pau-al ê soaⁿ téng.
23:29 Pa-lân tùi Ba-al kóng, " Lí tī chia kā góa khí chhit chō tôaⁿ, koh tī chia kā góa chún-pī chhit chiah gû-káng, chhit chiah iûⁿ-káng. "
23:30 Ba-al chiū chiàu Pa-lân ê ōe khì kiâⁿ, tī ta̍k chō tôaⁿ hiàn chi̍t chiah gû-káng, chi̍t chiah iûⁿ-káng.

上一章 下一章    查询或移至： 说明

[ 条列 | 表格 | 整段 ] 繁 简 语态 重新查询 影像 本章地图 度量衡 其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本


各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.