利未记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
20:1 Sí-hêng ê Kui-tēng
Siōng-chú hoan-hù Mô͘-se kóng,
20:2 " Lí tio̍h koh tùi I-su-la-el lâng kóng: Kiàn-nā I-su-la-el lâng á-.sī tī I-su-la-el tiong kià-kha ê chhut-gōa lâng, ēng kakī ê kiáⁿ-jî hiàn hō͘ Mô͘-lo̍k ê, it-tēng tio̍h hō͘ i sí, hit tē-hng ê lâng tio̍h ēng chio̍h-thâu kā i tìm-sí.
20:3 Góa mā beh tùi hit-ê lâng pìⁿ-bīn, kā i tùi jîn-bîn tiong-kan chián-tû, in-ūi i ēng kiáⁿ-jî hiàn hō͘ Mô͘-lo̍k, kā Góa ê sèng-só͘ òe lahsap, siat-to̍k Góa ê sèng-miâ.
20:4 Hitê lâng ēng kiáⁿ-jî hiàn hō͘ Mô͘-lo̍k, hit só͘-chāi ê lâng nā tèⁿ-chò bô khòaⁿ-.tio̍h, mā bô hō͘ i sí,
20:5 Góa beh tùi hit-ê lâng kah i ê ke pìⁿ-bīn, kā i kah só͘-ū tòe i kiâⁿ siâ-îm ê, to̍h-sī kah Mô͘-lo̍k kiâⁿ siâ-îm ê, lóng kā i tùi jîn-bîn tiong-kan chián-tû.
20:6 " Lâng phian-ǹg hō͘ kúi hū-sin ê kah kiâⁿ siâ-su̍t-ê, tòe in kiâⁿ siâ-îm, Góa beh tùi hit-ê lâng pìⁿ-bīn, kā i tùi jîn-bîn tiong-kan chián-tû.
20:7 Só͘-í, lín tio̍h kakī sèng-kiat lâi chiâⁿ-sèng, in-ūi Góa sī Siōng-chú — lín ê Siōng-tè.
20:8 Lín tio̍h siú Góa ê lu̍t-lē lâi chò. Góa sī hō͘ lín chiâⁿ-sèng ê Siōng-chú.
20:9 " Kiàn-nā chiù-chó͘ lāu-pē á-.sī lāu-bú ê, it-tēng tio̍h hō͘ i sí; i chiù-chó͘ lāu-pē á-.sī lāu-bú, i ê chōe tio̍h kui tī i ê sin chiūⁿ.
20:10 " Kah pa̍t lâng ê bó͘ kiâⁿ kan-îm, to̍h-sī kah i chhù-piⁿ ê bó͘ kiâⁿ kan-îm ê, kan-hu kah îm-hū it-tēng tio̍h hō͘ in sí.
20:11 Lâng kah āu-bó su-thong ê, to̍h-sī lêng-jio̍k i ê lāu-pē; in nn̄g lâng it-tēng tio̍h hō͘ in sí, in ê chōe kui tī in.
20:12 Lâng kah sim-pū su-thong ê, it-tēng tio̍h hō͘ in nn̄g lâng lóng sí; in kiâⁿ ge̍k-lûn ê tāichì, in ê chōe kui tī in.
20:13 Lâng nā chhin-chhiūⁿ kah chabó͘ lâng kau-ha̍p sio-siâng khì kah chapo͘ lâng kau-ha̍p, in nn̄g lâng kiâⁿ khó-ò͘ⁿ ê tāichì; it-tēng tio̍h hō͘ in sí, in ê chōe kui tī in.
20:14 Lâng nā chhōa bó͘ sòa chhōa bó͘ ê lāu-bú, to̍h-sī ke̍k pháiⁿ ê tāichì, tio̍h ēng hóe kā chit saⁿ-ê lâng sio sí, bián-tit lín tiong-kan ū chit khoán ê pháiⁿ hêng-ûi.
20:15 Lâng kah siù kau-ha̍p, i it-tēng tio̍h sí, mā tio̍h kā hit chiah siù thâi-sí.
20:16 Cha-bó͘ lâng chhin-kīn siù lâi kah i kau-ha̍p, lí tio̍h thâi-sí hit-ê chabó͘ lâng kah siù, it-tēng tio̍h hō͘ in sí, in ê chōe kui tī in.
20:17 " Lâng nā khan i ê chí-mōe, bô-lūn tâng-pē á-.sī tâng-bú ê, i khòaⁿ i ê ē-sin, i khòaⁿ i ê ē-sin, che sī kiàn-siàu ê tāichì; in tio̍h tī i ê jîn-bîn ê ba̍k-chiu chêng hông chián-tû. I ū lō͘-hiān i ê chí-mōe ê ē-sin, tio̍h tam-tng i ê chōe.
20:18 Cha-bó͘ lâng keng-kî kàu, lâng nā kah i tâng-pâng, lō͘-hiān i ê ē-sin, ánne, i ū lō͘-hiān chabó͘ lâng ê hoeh-goân, chabó͘ lâng mā ū lō͘-hiān i ê hoeh-goân, in nn̄g-ê tio̍h tùi in ê jîn-bîn tiong-kan hông chián-tû.
20:19 " Lāu-bú ê chí-mōe-á-.sī lāu-pē ê chí-mōe, m̄ thang lō͘-hiān in ê ē-sin, ánne to̍h-sī lêng-jio̍k kut-jio̍k ê chhin, in tio̍h tam-tng in kakī ê chōe.
20:20 Lâng nā kah i ê chím-ḿ su-thong, to̍h-sī lêng-jio̍k i ê chek-peh; in tio̍h tam-tng in kakī ê chōe, ē chi̍t-sì-lâng bô kiáⁿ.
20:21 Lâng chhōa hiaⁿ-tī ê bó͘, che sī lahsap ê tāichì, i ū lêng-jio̍k i ê hiaⁿ-tī, in it-tēng ē bô kiáⁿ.
20:22 " Só͘-í, lín tio̍h siú Góa it-chhè ê lu̍t-lē kah Góa só͘-ū ê hoat-tō͘ lâi kiâⁿ, bián-tit Góa só͘ chhōa lín khì tòa ê tē kā lín thò͘ chhut-.khì.
20:23 Góa tī lín ê bīn-chêng só͘ kóaⁿ-chhut ê jîn-bîn, lín m̄ thang chun-thàn in ê hong-sio̍k, in-ūi in kiâⁿ chiahê só͘-ū ê tāichì, só͘-í, Góa thó-ià in.
20:24 Chóng-.sī, Góa bat tùi lín kóng: Lín ē sêng-chiap in ê tē, Góa beh ēng hit-ê tē siúⁿ-sù hō͘ lín chò sán-gia̍p, to̍h-sī lâu leng kah bi̍t ê tē. Góa sī Siōng-chú — lín ê Siōng-tè, tùi bān-bîn ê tiong-kan kā lín hun-pia̍t chhut-.lâi.
20:25 Só͘-í, lín tio̍h hun-pia̍t chheng-khì kah bô chheng-khì ê siù, chheng-khì kah bô chheng-khì ê chiáu-chiah; á-.sī siù, á-.sī khîm, á-.sī pê tī tē-.ni̍h só͘-ū ê oa̍h-mi̍h, Góa só͘ kā lín hun-pia̍t chò bô chheng-khì ê, lín m̄ thang ūi tio̍h in tì-sú kakī chò-chhut thang thó-ià ê tāichì.
20:26 Lín tio̍h kui tī Góa lâi chò sèng, in-ūi Góa sī sèng ê Siōng-chú, tùi bān-bîn ê tiong-kan kā lín hun-pia̍t chhut-.lâi, lâi kui tī Góa.
20:27 " Ū kúi hū-sin á-.sī kiâⁿ siâ-su̍t ê, bô-lūn lâm-lí it-tēng tio̍h hō͘ i sí; lâng tio̍h ēng chio̍h-thâu kā in tìm-sí, in ê chōe tio̍h kui tī in kakī."
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。