启示录 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 福州话 粤语和合本 希腊文(WH-NT) 下载档案 关于语音圣经
12:1 Hū-jîn lâng, I ê Kiáⁿ kah Liông
Tī thiⁿ-téng koh ū chi̍t-ê tōa tiāu-thâu chhut-hiān, chi̍t-ê hū-jîn-lâng seng-khu chhēng ji̍t-thâu, kha-ta̍h goe̍h-niû, thâu-khak tì cha̍p-jī lia̍p chheⁿ ê bián-liû.
12:2 I ū hoâi-īn teh beh seⁿ kiáⁿ, chhui-chūn ê kan-khó͘ kah thàng-thiàⁿ hō͘ i tōa-siaⁿ kiò-khó͘.
12:3 Tī thiⁿ-téng koh ū lēng-gōa chi̍t-ê tiāu-thâu chhut-hiān, chi̍t bóe chhiah-sek ê tōa bé lêng, ū chhit-ê thâu, cha̍p ki kak, thâu-khak tì chhit téng ông-koan.
12:4 Hit bóe liông ēng bóe-liu kā thiⁿ-téng saⁿ-hūn chi-it ê chheⁿ sàu lo̍h-khì tē-chiūⁿ; liông khiā tī teh beh seⁿ kiáⁿ ê hū-jîn-lâng bīn-chêng, teh thèng-hāu i seⁿ-liáu thang thun-chia̍h i ê kiáⁿ.
12:5 Hitê hū-jîn-lâng seⁿ chi̍t-ê chapo͘ kiáⁿ, to̍h-sī chiong-lâi beh ēng thih-koái thóng-tī bān-pang ê; i ê kiáⁿ hō͘ lâng chiap-khì Siōng-tè ê bīn-chêng, lâi-kàu I ê pó-chō hia.
12:6 Hū-jîn lâng tô-cháu khì khòng-iá, Siōng-tè tī hia ū ūi tio̍h i chún-pī chi̍t-ê só͘-chāi, thang hō͘ i tī hia siū chiàu-kò͘ chi̍t-chheng nn̄g-pah la̍k-cha̍p kang.
12:7 Mî-khá-el kah Liông
Tī thiⁿ-téng chiū hoat-seng chiàn-cheng, Mî-khá-el chhōa i ê sù-chiá khì kah liông kau-chiàn, lêng mā chhōa i ê sù-chiá khí-lâi èng-chiàn.
12:8 Liông chiàn-su, i kah i ê sù-chiá tī thiⁿ-téng chiū bô só͘-chāi thang tòa.
12:9 Hit bóe tōa bóe liông chiū hō͘ lâng hiat chhut-.lâi; i to̍h-sī hit bóe lāu- chôa, kiò-chò Mô͘-kúi, mā kiò-chò Sa-tán, choân sè-kài lóng siū i bê-he̍k. I hông hiat lo̍h-lâi tē-chiūⁿ, i ê sù-chiá mā kah i chò-hóe hông hiat lo̍h-.lâi.
12:10 Hit sî, góa thiaⁿ tio̍h tī thiⁿ-téng ū tōa-siaⁿ kóng, " Lán Siōng-tè ê chín-kiù, koân-lêng kah kok-tō͘ í-keng si̍t-hiān à. I siat-li̍p ê Ki-tok mā teh hián-sī I ê koân-pèng, in-ūi mê-ji̍t tī lán ê Siōng-tè ê bīn-chêng teh khòng-kò lán ê hiaⁿ-tī chí-mōe ê hit-ê, taⁿ í-keng hông hiat lo̍h-khì à.
12:11 In khò iûⁿ-ko ê hoeh kah in só͘ kiàn-chèng ê sìn-sit, í-keng iâⁿ-kòe hit bóe liông; in sīm-chì goān-ì hi-seam in ê sèⁿ-miā.
12:12 Só͘-í, chiahê thiⁿ kah tòa tī hit tiong-kan ê lâng, lín lóng tio̍h hoaⁿ-hí! M̄ koh, tē kah hái ū chai-hō, in-ūi Mô͘-kúi í-keng lo̍h-khì kàu lín hia; i chhiong-móa tōa siū-khì, in-ūi i chai-iáⁿ kakī ê sî-kan chhun bô gōa kú à.
12:13 Liông Jiok Hitê Hū-jîn-Lâng
Hit bóe liông chi̍t ē chai-iáⁿ kakī hông hiat lo̍h-khì tē-chiūⁿ, chiū khì jiok hit-ê seⁿ chapo͘ kiáⁿ ê hū-jîn-lâng.
12:14 Hitê hū-jîn-lâng ū tit tio̍h tōa eng-chiáu ê nn̄g ki si̍t, thang hō͘ i poe khì khòng-iá, kàu i kakī ê só͘-chāi. I tī hia tit tio̍h chiàu-kò͘, lóng bô koh siū hit bóe lāu- chôa ê kong-kek, it-ti̍t kàu Siōng-tè khòaⁿ-chò sek-tòng ê sî-kî.
12:15 Hit bé chôa tī hū-jîn-lâng ê āu-bīn, tùi chhùi thò͘-chhut chhin-chhiūⁿ tōa hô ê chúi, beh kā hū-jîn-lâng chhiong-khì.
12:16 Tāi-tē lâi pang-chān hū-jîn-lâng, khui chhùi kā liông thò͘-chhut ê hô chúi thun lo̍h-.khì.
12:17 Liông tùi hū-jîn-lâng siū-khì, chiū khì kah hū-jîn-lâng kî-tha ê kiáⁿ-sun, to̍h-sī chun-siú Siōng-tè ê kài-bēng kah ūi I-é-su chò kiàn-chèng ê lâng kau-chiàn.
12:18 Hit sî, liông chiū khiā tī hái piⁿ ê soa téng.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。