约翰二书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
1:1 Chhéng-an
Góa chò tiúⁿ-ló, siá phoe kià hō͘ Siōng-tè kéng-soán ê hu-jîn kah i ê kiáⁿ-jî. Góa chin sim thiàⁿ lín; m̄ nā góa, só͘-ū bat chin-lí ê lâng mā lóng thiàⁿ lín;
1:2 In-ūi ū chin-lí tiàm tī lán ê sim-lāi, koh ē éng-oán kah lán tông-chāi.
1:3 Goān Thiⁿ-pē Siōng-tè kah Thiⁿ-pē ê Kiáⁿ I-é-su Ki-tok sù lán un-tián, liân-bín kah pêng-an, hō͘ lán ê seng-oa̍h chhiong-móa chin-lí kah thiàⁿ-sim.
1:4 Chin-lí kah Thiàⁿ-sim
Góa chin hoaⁿ-hí khòaⁿ-kìⁿ lí ê kiáⁿ-jî tiong-kan ū lâng teh chun-chiàu Thiⁿ-pē ê kài-bēng, tī chin-lí tiong seng-oa̍h.
1:5 Chhin-ài ê hu-jîn, taⁿ góa khún-kiû lí, tāi-ke tio̍h sio-thiàⁿ. Góa siá ánne hō͘ lí, m̄-sī sin ê kài-bēng, sī lán tùi khí-thâu to̍h niá-siū ê.
1:6 Lán chiàu Siōng-tè ê kài-bēng seng-oa̍h, che to̍h-sī sio-thiàⁿ. Chit-ê kài-bēng sī lín tùi khí-thâu to̍h thiaⁿ-.tio̍h ê.
1:7 Ū chin chē bê-he̍k lâng ê lâi-kàu chit sè-kan, in m̄ sêng-jīn I-é-su Ki-tok chiâⁿ-chò lâng kàng-lîm sè-kan; chit khoán lâng teh bê-he̍k lâng, mā kah Ki-tok chò tùi-te̍k.
1:8 Lín tio̍h kín-sīn, chiah bē sit-khì lán lô-khó͘ ê sêng-kó, hoán-tńg ē tit tio̍h móa-móa ê pò-siúⁿ.
1:9 Bô kian-siú koh phian-lī Ki-tok kà-sī ê lâng, in ê gán-tiong bô Siōng-tè; kian-siú kà-sī ê lâng, chiah ū kah Thiⁿ-pē í-ki̍p Kiáⁿ kiat-liân.
1:10 Nā ū lâng khì lín hia bô thoân chit-ê kà-sī, lín m̄ thang chiap-la̍p i ji̍p-khì lín ê chhù, mā m̄ thang kā i chhéng-an;
1:11 In-ūi nā kā i chhéng-an, i só͘ chò ê pháiⁿ tāichì lí mā ū hūn.
1:12 Kiat-bóe ê Chhéng-an
Góa ū chin chē tāichì beh kā lín kóng, m̄ koh, bô ài ēng chóa kah pit; góa khah ǹg-bāng khì lín hia, tng-bīn chò-hóe kóng, thang hō͘ lán ê hoaⁿ-hí chhiong-móa.
1:13 Kah lí pêⁿ-pêⁿ siū Siōng-tè kéng-soán ê chí-mōe ê kiáⁿ-jî, mā kā lí chhéng-an.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。