创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 Ba-bel Thah
Hit sî, thian-hā ê kháu-im, giân-gí lóng sio-siâng.
11:2 In sóa khì tang pêng ê sî-chūn, tī Sī-nal tē tú tio̍h chi̍t-phiàn ê pêng-goân, chiū tòa tī hia.
11:3 In tāi-ke chham-siông kóng, " Lâi! Lán tio̍h chò chng, sio hō͘ i se̍k. " In ū chng thang tāi-thè chio̍h, koh ū tá-má-ka thang tāi-thè hoe-thô͘.
11:4 In koh kóng, " Lâi! Lán tio̍h khí siâⁿ kah thah, thah-téng tú thiⁿ, ūi lán li̍p chi̍t-ê miâ, bián-tit lán sì-sòaⁿ tī choân tē. "
11:5 Siōng-chú kàng-lîm, beh khòaⁿ sè-kan lâng só͘ khí ê siâⁿ kah thah.
11:6 Siōng-chú kóng, " Lí khòaⁿ, chiahê jîn-bîn lóng ha̍p-it, giân-gí mā sio-siâng, hiān-kim í-keng khai-sí chò chit-ê tāichì, í-āu in só͘ beh chò ê, bô chi̍t hāng ē-tàng kìm-chí.
11:7 Lâi! Lán lo̍h-lâi-.khì, tī hia phah-loān in ê kháu-im, hō͘ in tāi-ke ê giân-gí bē siong-thong. "
11:8 Chiū ánne, Siōng-chú hō͘ in tùi hia sì-sòaⁿ tī choân tē; in chiū thêng kang, bô koh khí hit-ê siâⁿ.
11:9 Só͘-í, hit-ê siâⁿ miâ kiò-chò Ba-bel, in-ūi Siōng-chú tī hia phah-loān thian-hā ê giân-gí; Siōng-chú hō͘ lâng tùi hia sì-sòaⁿ tī choân tē-chiūⁿ.
11:10 Sé-mh ê Ka-phó͘
( LTS 1: 24-27)
Sé-mh ê sè-hē kì tī ē-té: Sé-mh chi̍t-pah hòe, tōa-chúi í-āu nn̄g nî seⁿ Al-pak-sat.
11:11 Sé-mh seⁿ Al-pak-sat liáu-āu, iáu oa̍h gō͘-pah nî, koh ū seⁿ kiáⁿ-jî.
11:12 Al-pak-sat saⁿ-cha̍p-gō͘ hòe seⁿ Se-la̍h.
11:13 Al-pak-sat seⁿ Se-la̍h liáu-āu, iáu oa̍h sì-pah khòng saⁿ nî, koh ū seⁿ kiáⁿ-jî.
11:14 Se-la̍h saⁿ-cha̍p hòe seⁿ Ê-bel.
11:15 Se-la̍h seⁿ Ê-bel liáu-āu, iáu oa̍h sì-pah khòng saⁿ nî, koh ū seⁿ kiáⁿ-jî.
11:16 Ê-bel saⁿ-cha̍p-sì hòe ê sî seⁿ Hoa-le̍k.
11:17 Ê-bel seⁿ Hoa-le̍k liáu-āu, iáu oa̍h sì-pah saⁿ cha̍p nî, koh ū seⁿ kiáⁿ-jî.
11:18 Hoa-le̍k saⁿ-cha̍p hòe seⁿ Le-ú.
11:19 Hoa-le̍k seⁿ Le-ú liáu-āu, iáu oa̍h nn̄g-pah khòng káu nî, koh ū seⁿ kiáⁿ-jî.
11:20 Le-ú saⁿ-cha̍p-jī hòe seⁿ Se-luk.
11:21 Le-ú seⁿ Se-luk liáu-āu, iáu oa̍h nn̄g-pah khòng chhit nî, koh ū seⁿ kiáⁿ-jî.
11:22 Se-luk saⁿ-cha̍p hòe seⁿ Na-kho͘l.
11:23 Se-luk seⁿ Na-kho͘l liáu-āu, iáu oa̍h nn̄g-pah nî, koh ū seⁿ kiáⁿ-jî.
11:24 Na-kho͘l jī-cha̍p káu hòe seⁿ Tha-la̍h.
11:25 Na-kho͘l seⁿ Tha-la̍h liáu-āu, iáu oa̍h chi̍t-pah cha̍p-káu nî, koh ū seⁿ kiáⁿ-jî.
11:26 Tha-la̍h chhit-cha̍p hòe seⁿ A-bú-lâm, na-kho͘l, Khal-lân.
11:27 Tha-la̍h ê Ka-phó͘
Tha-la̍h ê sè-hē kì tī ē-té: Tha-la̍h seⁿ A-bú-lâm, na-kho͘l, Khal-lân; Khal-lân seⁿ Ló-toh.
11:28 Khal-lân tī i ê pún-tē Kal-tí-ah ê El siâⁿ, sí tī i ê lāu-pē Tha-la̍h ê bīn-chêng.
11:29 A-bú-lâm kah Na-kho͘l, kok ū chhōa bó͘. A-bú-lâm ê bó͘ miâ kiò-chò Sa-lái; na-kho͘l ê bó͘ miâ kiò-chò Mil-kah, sī Khal-lân ê chabó͘ kiáⁿ; Khal-lân sī Mil-kah ê lāu-pē, mā sī I-su-kah ê lāu-pē.
11:30 Sa-lái bô hoâi-īn, bô kiáⁿ.
11:31 Tha-la̍h chhōa i ê kiáⁿ A-bú-lâm kah i ê sun Ló-toh, to̍h-sī Khal-lân ê kiáⁿ, í-ki̍p i ê sim-pū Sa-lái, to̍h-sī i ê kiáⁿ A-bú-lâm ê bó͘, in chò-hóe chhut Kal-tí-ah ê El siâⁿ, beh khì Ka-nân tē; in kàu Khal-lân chiū tòa tī hia.
11:32 Tha-la̍h oa̍h kàu nn̄g-pah khòng gō͘ hòe; Tha-la̍h sí tī Khal-lân.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。