提摩太前书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
4:1 Ké ê Kàu-su
Sèng Sîn bêng-bêng kóng, Tī āu-lâi ê sî-kî ē ū lâng khì-sak sìn-gióng, ì-ài hiahê bê-he̍k lâng ê siâ-lêng kah kúi-sîn ê kà-sī.
4:2 Chit khoán ê kà-sī sī tùi kóng pe̍h-chha̍t ê lâng ê gūi-siān lâi ê; in ê liông-sim í-keng hō͘ Mô͘-kúi ēng jia̍t ê thih-ìn ù chò kì-hō, lâi kui-sio̍k Mô͘-kúi à.
4:3 In kìm-chí kè-chhōa, kìm-kài chi̍t-kóa chia̍h-mi̍h, to̍h-sī Siōng-tè só͘ chhòng-chō, beh hō͘ sìn koh liáu-kái chin-lí ê lâng ēng kám-siā ê sim lâi niá-siū ê.
4:4 In-ūi Siōng-tè só͘ chhòng-chō ê mi̍h lóng sī hó, nā ēng kám-siā ê sim lâi niá-siū, chiū bô chi̍t hāng sī kìm-khī.
4:5 Só͘-ū ê chia̍h-mi̍h, thong-kòe Siōng-tè ê ōe kah lâng ê kî-tó, chiū chiâⁿ chò sèng-kiat.
4:6 Ki-tok I-é-su ê Hó Chhe-ēng
Lí nā kā chiahê tāichì thê-chhéⁿ hiaⁿ-tī chí-mōe, chiū ē chiâⁿ-chò Ki-tok I-é-su ê hó chhe-ēng, tùi só͘ sìn ê tō-lí kah só͘ sūn-ho̍k ê hó kà-sī lâi tit tio̍h pôe-ióng.
4:7 Tio̍h khì-sak chho͘-sio̍k ê ōe kah bô-iáⁿ bô-chiah ê thoân-soat. Ūi tio̍h beh ū kèng-khiân ê seng-oa̍h, tio̍h kè-sio̍k chhau-liān kakī.
4:8 Chhau-liān seng-khu chí ū tām-po̍h-á lī-ek; m̄ koh, kèng-khiân tùi ta̍k hāng tāichì lóng ū lī-ek, in-ūi ū èng-ín thang tit tio̍h hiān-kim kah chiong-lâi ê oa̍h-miā.
4:9 Chit-kù ōe lán thang siong-sìn, ta̍t-tit lán oân-choân chiap-siū.
4:10 Ūi tio̍h chit-ê bo̍k-tek, lán lô-khó͘ phah-piàⁿ, in-ūi lán ê ǹg-bāng chāi tī éng-oán oa̍h ê Siōng-tè, I sī jîn-lūi ê Kiù-chú, te̍k-pia̍t sī sìn-tô͘ ê Kiù-chú.
4:11 Lí tio̍h kā chiahê tāichì kā in khoàn-bián kah kà-sī.
4:12 M̄-thang in-ūi lí ê siàu-liân hō͘ lâng khòaⁿ-khin, tio̍h tī kóng-ōe, hêng-ûi, thiàⁿ-sim, sìn-sim kah sûn-kiat ta̍k hong-bīn, chò sìn-tô͘ ê bô͘-hoān.
4:13 Tio̍h tì-ì tha̍k keng-tián, khoàn-bián kah kà-sī, it-ti̍t kàu góa lâi.
4:14 M̄-thang hut-lio̍k lí só͘ niá-siū ê sio̍k-lêng un-sù, to̍h-sī thong-kòe sian-ti ê ōe kah tiúⁿ-ló-thoân ê hōaⁿ-chhiú sù hō͘ lí ê.
4:15 Lí tio̍h tì-ì choan-sim khì chò chiahê tāichì, hō͘ chèng lâng khòaⁿ tio̍h lí ê chìn-pō͘.
4:16 Lí kakī tio̍h kín-sīn, mā tio̍h chù-ì lí ê kà-sī, tio̍h tiāⁿtiāⁿ koan-sim koh chò chiahê tāichì, in-ūi ánne chò chiah ē kiù lí pún-sin kah thiaⁿ lí kà-sī ê lâng.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。