歌罗西书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
2:1 Góa ài lín chai, ūi tio̍h lín kah Lâu-tí-kiah lâng, í-ki̍p hiahê m̄ bat kìⁿ-kòe góa ê bīn ê lâng, góa sī gōa-ni̍h-á teh phah-piàⁿ.
2:2 Góa ê bo̍k-tek sī beh hō͘ in ê sim tit tio̍h kó͘-lē, ē-tàng ēng thiàⁿ-sim lâi hō͘-siōng kiat-liân, ēng hong-hù ê lí-kái-le̍k sán-seng kàu-gia̍h ê sìn-sim, lâi khak-si̍t jīn-bat Siōng-tè ê ò-pì, to̍h-sī Ki-tok pún-sin.
2:3 Tī Ki-tok ê lāi-bīn ū ún-chông it-chhè tì-hūi kah tì-sek ê pó-pòe.
2:4 Góa ánne kóng, sī ūi tio̍h beh hō͘ lín bián siū hoa-giân khá-gí ê bê-he̍k.
2:5 Sûi-jiân góa bô tī lín hia, sim-sîn khiok kah lín chò-hóe. Góa khòaⁿ-kìⁿ lín ê seng-oa̍h kui-kui kú-kú, koh kian-kò͘ sìn-khò Ki-tok, kám-kak hui-siông hoaⁿ-hí.
2:6 Chhò-gō͘-ê Koan-liām Ui-hia̍p Kàu-hōe
Lín kì-jiân chiap-la̍p Chú Ki-tok I-é-su, chiū tio̍h kah I kiat-liân lâi kiâⁿ-ta̍h,
2:7 Chiàu lín só͘ siū ê kà-sī, tèng-kin tī Ki-tok ê lāi-bīn, put-toān seng-tióng, hō͘ sìn-sim ē ná kian-kò͘, koh móa-sim kám-siā.
2:8 Tio̍h kín-sīn, chiah bē hō͘ lâng ēng khang-hi ê tiat-ha̍k kā lín bê-he̍k, in-ūi hiahê lūn-soat sī kin-kì lâng ê thoân-soat kah ú-tiū tiong khòng-chè lâng ê siâ-lêng, m̄-sī kin-kì Ki-tok.
2:9 In-ūi Siōng-tè oân-chéng ê sîn-sek lóng kū-thé tiàm tī Ki-tok lāi-bīn,
2:10 Lín kah I kiat-liân chiū tit tio̍h hong-sēng ê oa̍h-miā. I sī chóng-thâu, chhiau-oa̍t lêng-kài ê chip-chèng-chiá kah chiáng-koân-chiá.
2:11 Lín mā í-keng chiap-siū kah Ki-tok kiat-liân ê kat-lé; m̄-sī ēng lâng ê chhiú lâi kiâⁿ ê kat-lé, sī thong-kòe Ki-tok hō͘ lín thoat-lī jio̍k-thé chōe-sèng ê kat-lé.
2:12 In-ūi lín niá siū sé-lé ê sî, lín ū kah Ki-tok tâng-chê bâi-chòng, koh tùi sé-lé, thong-kòe lín sìn Siōng-tè hō͘ Ki-tok tùi sí-lâng tiong koh-oa̍h ê tōa koân-lêng, hō͘ lín mā kah Ki-tok tâng-chê oa̍h khí-.lâi.
2:13 Hitê í-chêng in-ūi hoān chōe kah jio̍k-thé bô siū kat-lé ê léng í-keng sí-.khì, taⁿ Siōng-tè hō͘ lín kah Ki-tok chò-hóe koh-oa̍h. Siōng-tè í-keng sià-bián lán só͘-ū ê chōe-kò,
2:14 Chhat-siau tùi lán put-lī koh tī lu̍t-hoat siōng sok-pa̍k lán ê chōe-chè kì-lio̍k; I kā i tèng tī si̍p-jī-kè téng, lâi kā i hùi-tû tiāu.
2:15 Tī si̍p-jī-kè téng, Ki-tok chhin-chū kái-tû hiahê lêng-kài ê chip-chèng-chiá kah chiáng-koân-chiá ê koân-sè, tī Ki-tok khái soân ê hâng-lia̍t tiong, hō͘ in chò chiàn-hoān lâi kong-khai sī-chiòng.
2:16 Só͘-í, m̄ thang tī lim-chia̍h, siú cheh-kî, chhe-it á-.sī An-hioh-ji̍t ê būn-tê hō͘ lâng phoe-phêng.
2:17 Chiahê lóng sī chiong-lâi ê tāichì ê iáⁿ, si̍t-thé sī Ki-tok.
2:18 M̄-thang siū hiahê thiau-kang khiam-pi lâi kèng-pài thiⁿ-sài ê lâng éng-hióng, soah hō͘ lín sit-khì eng-kai tit tio̍h ê pò-siúⁿ; hiahê lâng óa-khò hoàn-sióng, chiàu in jio̍k-thé ê sim-su, kantaⁿ teh phòng-hong.
2:19 In bô kè-sio̍k kah chò thâu ê Ki-tok kiat-liân. Choân seng-khu tio̍h tùi chit-ê thâu tit tio̍h êng-ióng, chiahê chat kah kin tio̍h kiat-liân khí-.lâi, chiàu Siōng-tè ê chí-ì lâi tióng-sêng.
2:20 Kah Ki-tok Tâng-sí Tâng-oa̍h
Lín kì-jiân kah Ki-tok tâng-chê sí, í-keng thoat-lī chi-phòe ú-tiū ê siâ-lêng, lín ná ē iáu koh chhin-chhiūⁿ sio̍k chit sè-kan ê lâng teh seng-oa̍h? Lín ná ē iáu koh teh siú chiahê kui-lē?
2:21 Chhin-chhiūⁿ kóng, " M̄-thang the̍h chit-ê", " M̄-thang chia̍h hit-ê", " M̄-thang bong hit-ê".
2:22 Chiahê chí-put-kò sī lâng chō chhut-.lâi ê kàu-kui kah kà-sī, ēng liáu chiū bô lō͘-ēng.
2:23 Piáu-bīn khòaⁿ khí-.lâi, pài thiⁿ-sài, ké khiam-pi, ge̍k-thāi kakī ê seng-khu kahná sī ū tì-hūi, kî-si̍t tùi khòng-chè jio̍k-thé ê chêng-io̍k lóng bô lō͘-ēng.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。