圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

加拉太书线上收听:中文和合本现代中文译本修订版现代台语台语圣经台语(长老会传播中心授权）客语现代客语福州话粤语和合本希腊文(WH-NT) 下载档案关于语音圣经

3:1

Khò Lu̍t-hoat Á-sī Sìn-gióng

Lín chiahê gōng Ga-la̍h-tia lâng! I-é-su Ki-tok tèng si̍p-jī-kè, í-keng tùi lín hián-bêng tī lín ê ba̍k-chiu chêng, kám m̄-sī? Taⁿ lín sī khì hō͘ siáⁿ lâng bê-khì?
3:2 Góa kantaⁿ mn̄g lín chi̍t hāng tāichì, Lín chêng niá-siū Sèng Sîn sī khò siú lu̍t-hoat, á-.sī khò sìn só͘ thiaⁿ-.tio̍h ê hok-im?
3:3 Lín ná ē hiah gōng? Lín kì-jiân tùi khò Sèng Sîn khai-sí, chitmá beh khò jio̍k-thé lâi oân-sêng, sī-.bô?
3:4 Lín siū hiah chē kan-khó͘ kám lóng bô chhái-kang? It-tēng sī ū lō͘-ēng chiah tio̍h.
3:5

A-bu-la-hàm Sī Gī Lâng ê Lē

Siōng-tè sù lín Sèng Sîn, koh tī lín tiong-kan kiâⁿ sîn-jiah, sī in-ūi lín siú lu̍t-hoat, á-.sī in-ūi lín sìn só͘ thiaⁿ-.tio̍h ê hok-im?
3:6 Keng-tián ánne kóng, A-bu-la-hàm sìn Siōng-tè, Siōng-tè chiū kā i khòaⁿ-chò sī gī lâng. （ Chù, CSK 15:16)
3:7 Só͘-í, lín tio̍h chai, ū sìn ê lâng chiah sī A-bu-la-hàm ê kiáⁿ-sun.
3:8 Keng-tián chá to̍h khòaⁿ-chhut, Siōng-tè beh hō͘ gōa-pang lâng tùi sìn lâi kah Siōng-tè ū hô-hó ê koan-hē, só͘-í, kā chit-ê hó siau-sit seng thoân hō͘ A-bu-la-hàm, kóng, " Bān pang ē in-ūi lí lâi siū Siōng-tè ê chiok-hok! " (chù, CSK 12:3)
3:9 Án-ne, só͘-ū sìn ê lâng, mā ē kah ū sìn ê A-bu-la-hàm chò-hóe siū chiok-hok!
3:10 Hiahê óa-khò chun-siú lu̍t-hoat ê lâng, lóng oa̍h tī chiù-chó͘ ē-bīn, in-ūi ū kì-chài, bô chun-siú kì tī lu̍t-hoat-su só͘ kui-tēng lâi kiâⁿ ê lâng, lóng tio̍h siū Siōng-tè chiù-chó͘. (chù, SBK 27:26)
3:11 Án-ne, bô lâng ē-tàng óa-khò lu̍t-hoat lâi kah Siōng-tè kiàn-li̍p hô-hó ê koan-hē, in-ūi keng-tián ū kóng, Tùi sìn lâi kah Siōng-tè ū hô-hó koan-hē ê lâng ē tit tio̍h oa̍h-miā. (chù, HPK 2:4)
3:12 M̄ koh, lu̍t-hoat m̄-sī ēng sìn chò kin-kì. Keng-tián ū ánne kóng, chun-siú lu̍t-hoat ê lâng ē khò hiahê lu̍t-hoat lâi oa̍h. (chù, LBK 18:5)
3:13 Ki-tok í-keng siū chiù-chó͘ lâi kiù-sio̍k lán thoat-lī lu̍t-hoat ê chiù-chó͘, in-ūi ū kì-chài, só͘-ū tiàu tī chhâ-thâu téng ê lâng, lóng tio̍h siū Siōng-tè ê chiù-chó͘. (chù, SBK 21:23)
3:14 Ki-tok ánne chò sī beh kā A-bu-la-hàm ê hok-khì thong-kòe Ki-tok I-é-su lâi sù hō͘ gōa-pang lâng, mā beh hō͘ lán tùi sìn lâi niá-siū Siōng-tè só͘ èng-ín ê Sèng Sîn.
3:15

Lu̍t-hoat kah Èng-ín

Hiaⁿ-tī chí-mōe, góa ēng lán ji̍t-siông seng-oa̍h ê chi̍t-ê lē lâi soat-bêng, khè-iok it-tān sêng-li̍p, chiū bē ēng-tit kā i hùi-tû á-.sī ke-thiⁿ.
3:16 Siōng-tè ū kah A-bu-la-hàm í-ki̍p i ê kiáⁿ-sun li̍p-iok. Keng-tián pēng bô chí chin chē lâng kóng, " Kiáⁿ-kiáⁿ sun-sun ". Sī kóng, " Lí ê kiáⁿ-sun. " Che sī teh chí chi̍t-ê lâng, to̍h-sī Ki-tok.
3:17 Góa ê ì-sù sī kóng, Siōng-tè ū kah A-bu-la-hàm li̍p-iok, koh tap-èng beh siú iok. Sì pah saⁿ cha̍p nî āu chiah chhut-hiān ê lu̍t-hoat bē tàng hùi-tû hit-ê iok, lâi hō͘ Siōng-tè ê èng-ín kui tī khang-khang.
3:18 In-ūi sêng-chiap Siōng-tè só͘ sù ê sán-gia̍p nā-sī kin-kì lu̍t-hoat, chiū bô koh khò èng-ín; chóng-.sī, Siōng-tè sù sán-gia̍p hō͘ A-bu-la-hàm sī chiàu èng-ín.
3:19 Án-ne, lu̍t-hoat ū siáⁿ lō͘-ēng? Lu̍t-hoat sī ūi tio̍h beh hō͘ lâng chai siáⁿ-mi̍h sī kòe-sit, iû thiⁿ-sài thong-kòe chi̍t-ê tiong-kan-jîn só͘ siat-li̍p ê, it-ti̍t kàu hit ūi tit tio̍h èng-ín ê Kiáⁿ-sun lâi-lîm ê sî chiū kiat-sok.
3:20 M̄ koh, sio̍k tan-hong ê tāichì bô su-iàu tiong-kan-jîn, Siōng-tè sī tan-hong teh chò chit-hāng tāichì.
3:21

Lu̍t-hoat ê Iân-khí kah Bo̍k-tek

Án-ne kóng-khí-.lâi, lu̍t-hoat kah Siōng-tè ê èng-ín kám ū chhiong-tu̍t? Choa̍t-tùi bô! In-ūi Nā-sī lu̍t-hoat ē hō͘ lâng tit tio̍h oa̍h-miā, lâng chiū ē-tàng khò lu̍t-hoat lâi kah Siōng-tè kiàn-li̍p hô-hó ê koan-hē.
3:22 Chóng-.sī, keng-tián kóng bān-bîn lóng ûi tī chōe-ok lāi, Siōng-tè chí ū thong-kòe sìn I-é-su Ki-tok, lâi chò niá-siū èng-ín ê kin-kì. Chiahê èng-ín sī beh siúⁿ-sù hō͘ hiahê sìn ê lâng.
3:23 Chóng-.sī, tī chit-ê" Sìn "ê sî-tāi lâi-lîm í-chêng, lán siū lu̍t-hoat kàm-sī tiâu-.leh, it-ti̍t kàu " Sìn "ê sî-tāi, " Sìn "chiah hián-bêng chhut-lâi ûi-chí.
3:24 Án-ne, tī Ki-tok lâi-lîm í-chêng, lu̍t-hoat chò lán ê kàm-hō͘-jîn, chhōa lán lâi kui Ki-tok, hō͘ lán tùi" Sìn " Lâi kah Siōng-tè hô-hó.
3:25

Tī Ki-tok Lāi-bīn Chiâⁿ-chò Chi̍t Thé

Chit-má" Sìn "ê sî-tāi í-keng lâi-lîm, lu̍t-hoat to̍h bô koh chò lán ê kàm-hō͘-jîn.
3:26 Lín tāi-ke tùi sìn lâi kah Ki-tok I-é-su kiat-liân, lóng chiâⁿ-chò Siōng-tè ê kiáⁿ-jî.
3:27 Lín só͘-ū niá siū sé-lé lâi kah Ki-tok kiat-liân ê lâng, lóng ji̍p tī Ki-tok, ū I ê oa̍h-miā.
3:28 Án-ne, bô hun Iô-tá-iah lâng á-.sī gōa-pang lâng, lô͘-lē á-.sī chū-iû ê lâng, chapo͘ lâng á-.sī chabó͘ lâng, tī Ki-tok I-é-su lāi-bīn lóng chiâⁿ-chò chi̍t thé.
3:29 Lín kì-jiân sio̍k Ki-tok, to̍h-sī A-bu-la-hàm ê kiáⁿ-sun, chiū ē-tàng sêng-siū Siōng-tè tùi A-bu-la-hàm ê èng-ín.

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本中文标准译本恢复本思高译本吕振中译本NET圣经中译本圣经公会四福音书共同译本深文理和合本新遗诏圣经官话和合本北京官话译本文理和合本浅文理和合本王元德官话译本俄罗斯正教文理译本白日升徐约翰文理译本神天圣书文理委办译本施约瑟浅文理译本马殊曼译本高德译本胡德迈译本粦为仁译本徐汇官话新译福音王多默圣史宗徒行实萧舜华官话四人小组译本圣保禄书翰并数位宗徒涵牍德如瑟四史圣经译注郭实腊新遗诏书和旧遗诏圣书宗徒大事录和新经译义马相伯救世福音俄罗斯正教新遗诏圣经卜士杰新经公函与默示录太平天国文理译本许彬文四史全编原文直译(参考用)
英文:ESVKJVBBEWEBASVDarbyERV
原文与古译本:新约原文
台客语:现代台语2021版汉字现代台语2021版全罗圣经公会巴克礼台汉本现代台语2013版全罗现代台语2013版汉字红皮圣经全罗红皮圣经汉罗巴克礼全罗巴克礼汉罗圣经公会现代客语全罗圣经公会现代客语汉字汕头客语圣经全民台语圣经全罗全民台语圣经汉罗全民台语圣经Ruby
其他:圣经公会布农语圣经卑南语多纳鲁凯语马可福音茂林鲁凯语马可福音万山鲁凯语马可福音圣经公会泰雅尔语圣经圣经公会邹语圣经圣经公会鲁凯语圣经赛德克族Tgdaya语圣经公会阿美语1997圣经公会阿美语2019圣经公会太鲁阁语圣经圣经公会达悟语新约圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.