使徒行传 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 粤语和合本 希腊文(WH-NT) 下载档案 关于语音圣经
18:1 Páu-lô tī Ko-lîn-to
Chit-ê tāichì liáu-āu, Páu-lô lī-khui A-thé-nè khì Ko-lîn-to.
18:2 Tī hia tú tio̍h chi̍t-ê miâ kiò-chò A-ku-lah ê Iô-tá-iah lâng. I tī Pong-to͘ chhut-sì kah i ê bó͘ Pu-lí-su-ki-lah tú-á tùi I-ta-lí-ah lâi, in-ūi Ku-láu-tio hông-tè bēng-lēng Iô-tá-iah lâng lóng tio̍h lī-khui Lô-má. Páu-lô khì chhōe in.
18:3 In-ūi in lóng sī kāng-tô͘ chò pò͘-pêⁿ ê hâng-gia̍p, Páu-lô chiū kah in chò-hóe tòa, ha̍p teh chò-kang.
18:4 Ta̍k-ê An-hioh-ji̍t, Páu-lô lóng tī hōe-tn̂g kah lâng piān-lūn, khó͘-khǹg Iô-tá-iah lâng kah Hi-la̍h lâng lâi sìn Chú.
18:5 Se-la̍h kah Tî-mó͘-theh tùi Ma-ke-tó-niah lo̍h-lâi liáu-āu, Páu-lô chiū choân-sim thoân-tō, tùi Iô-tá-iah lâng kiàn-chèng I-é-su sī Ki-tok.
18:6 In tùi-khòng Páu-lô koh kā i húi-pòng ê sî, i chiū pōaⁿ saⁿ ê thô͘-soa hún piáu-sī khòng-gī, tùi in kóng, " Lín ê sí-oa̍h chāi tī lín, bô góa ê koan-hē. Tùi taⁿ í-āu, góa beh khì gōa-pang lâng hia. "
18:7 Páu-lô chiū lī-khui, khì chi̍t-ê miâ kiò-chò Thê-to Iû-sú-toh ê chhù. Hitê lâng sī kèng-pài Siōng-tè ê gōa-pang lâng, i ê chhù tī hōe-tn̂g ê keh-piah.
18:8 Hōe-tn̂g ê chú-koán Ku-lí-su-pò͘ kah i ê choân ke lóng sìn Chú, koh ū chin chē Ko-lîn-to lâng thiaⁿ tio̍h tō-lí liáu-āu lâi sìn Chú, mā niá siū sé-lé.
18:9 Ū chi̍t àm, Siōng-tè tī ī-siōng tiong tùi Páu-lô kóng, " M̄-bián kiaⁿ, tio̍h kè-sio̍k kóng, m̄ thang tiām-khì.
18:10 In-ūi góa kah lí tông-chāi, bô lâng ē lâi kong-kek siong-hāi lí, jî-chhiáⁿ góa ū chin chē chú-bîn tī chit-ê siâⁿ. "
18:11 Páu-lô tòa hia chi̍t nî koh la̍k kò-goe̍h, kā Siōng-tè ê tō-lí kà-sī hiahê lâng.
18:12 Gâ-lióng chò A-kha-iah chóng-tok ê sî, Iô-tá-iah lâng liân-ha̍p kong-kek Páu-lô, kā i thoa-khì hoat-têng,
18:13 Kò i kóng, " Chit-ê lâng siàn-tōng lâng, ēng ûi-pōe lu̍t-hoat ê hong-sek lâi kèng-pài Siōng-tè! "
18:14 Páu-lô tú beh khui chhùi, Gâ-lióng tùi Iô-tá-iah lâng kóng, " Iô-tá-iah lâng, che nā-sī siáⁿ-mi̍h hoān-hoat á-.sī hoān chōe ê tāichì, góa tong-jiân tio̍h nāi-sim thiaⁿ lín ê khòng-sò͘.
18:15 Chóng-.sī, che kì-jiân sī lín teh piān-lūn lín ê lu̍t-hoat ê jī-gán kah bêng-chheng, lín to̍h kakī khì kái-koat, góa bô ài pān chit khoán ê tāichì! "
18:16 I chiū kā in kóaⁿ-chhut hoat-têng.
18:17 Chèng lâng chiū lia̍h hōe-tn̂g ê chú-koán Só͘-su-thé-neh, tī hoat-têng chêng kā i phah. Chiahê tāichì Gâ-lióng lóng bô chhap.
18:18 Páu-lô Tńg-khì Ai-ti-o-khè
Páu-lô tī Ko-lîn-to koh kah hōe-iú tòa kúi-nā ji̍t liáu-āu, in chiū lī-khui hia kah Pu-lí-su-ki-lah hām A-ku-lah chò-hóe chē chûn khì Su-lī-a. Páu-lô ū hē goān, chiū tī Kian-khu-lia̍h chián thâu-mn̂g.
18:19 In lâi-kàu Ê-hu-soh, Páu-lô kā in lâu tòa hōe-tn̂g gōa-kháu, kakī ji̍p-khì kah Iô-tá-iah lâng piān-lūn.
18:20 Tāi-ke chhiáⁿ Páu-lô ke tòa kúi ji̍t, i bô tap-èng.
18:21 Beh lī-pia̍t ê sî, Páu-lô kā in kóng, " Nā-sī Siōng-tè ín-chún, góa ē koh tńg-lâi lín chia. " Jiân-āu chē chûn lī-khui Ê-hu-soh.
18:22 I tī Kai-sa-lī-a lo̍h chûn, tùi hia tńg-khì Ê-lú-sa-lèm, kā kàu-hē chhéng-an liáu-āu, chiah lo̍h-khì Ai-ti-o-khè.
18:23 Páu-lô tī hia tòa kúi ji̍t liáu-āu koh chhut-hoat, keng-kòe Ga-la̍h-tia kah Hu-lú-gia̍h ê tē-khu, kian-kò͘ chèng bûn-tô͘ ê sìn-sim.
18:24 A-po-lô tī Ê-hu-soh Káng-tō
Ū chi̍t-ê miâ kiò-chò A-po-lô ê Iô-tá-iah lâng lâi-kàu Ê-hu-soh. I tī A-le̍k-san-toh chhut-sì, sī ū ha̍k-būn ê lâng, tùi keng-tián mā put-chí-á cheng-thong.
18:25 I bat ha̍k-si̍p Chú ê lō͘, koh jia̍t-sim kā I-é-su ê tāichì siông-sè kóng-lâi kà-sī lâng; sûi-jiân i kantaⁿ chai Iô-há-neh ê sé-lé niā-niā.
18:26 A-po-lô tī hōe-tn̂g hó-táⁿ khai-sí káng-tō, Pu-lí-su-ki-lah kah A-ku-lah thiaⁿ-.tio̍h, chiū chhōa i lâi in tau, koh khah chèng-khak kā i kái-soeh Siōng-tè ê tō-lō͘.
18:27 Āu-lâi, A-po-lô koat-tēng beh khì A-kha-iah ê sî, Ê-hu-soh ê sìn-tô͘ kā i kó͘-lē, koh siá phoe chhiáⁿ A-kha-iah ê bûn-tô͘ kā i chiap-thāi. I khì-kàu hia liáu-āu, hiahê óa-khò Siōng-tè ê un-tián lâi sìn Chú ê lâng, siū tio̍h chin tōa ê pang-chān,
18:28 In-ūi tī kong-khai ê piān-lūn tiong, i chhut-la̍t piān-tó Iô-tá-iah lâng, kin-kì keng-tián lâi chèng-bêng I-é-su sī Ki-tok.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。