版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

使徒行传 线上收听:中文和合本 现代中文译本修订版 现代台语 台语圣经 台语(长老会传播中心授权) 客语 现代客语 粤语和合本 希腊文(WH-NT) 下载档案 关于语音圣经

8:1 Sàu-lô mā chàn-tông sat-hāi Su-tê-hoa-no͘h.

Sàu-lô Pek-hāi Kàu-hōe

Hit ji̍t, Ê-lú-sa-lèm ê kà ē tú tio̍h tōa pek-hāi, sù-tô͘ í-gōa só͘-ū ê sìn-tô͘, lóng sì-sòaⁿ khì Iô-tá-iah kah Sa-má-lī-a ê ta̍k só͘-chāi.
8:2 Ū chi̍t-kóa kèng-khiân ê lâng kā Su-tê-hoa-no͘h bâi-chòng, ūi tio̍h i pi-siong tōa-siaⁿ thî-khàu.
8:3 Hit sî, Sàu-lô hē chhiú pek-hāi kàu-hōe, ji̍p-khì ta̍k-ê sìn-tô͘ ê chhù, bô-lūn lâm-lí lóng thoa chhut-.lâi, kā in sàng-khì koaiⁿ lo̍h kaⁿ.
8:4

Hui-li̍p-pò͘ khì Sa-má-lī-a thoân Hok-im

In-ūi ánne, hiahê sì-sòaⁿ ê lâng khì ta̍k só͘-chāi thoân hok-im.
8:5 Hui-li̍p-pò͘ khì Sa-má-lī-a ê siâⁿ, tùi hia ê lâng soan-iông Ki-tok.
8:6 Chèng lâng thiaⁿ tio̍h Hui-li̍p-pò͘ só͘ kóng ê ōe, koh khòaⁿ tio̍h i só͘ kiâⁿ ê sîn-jiah, chiū ēng sim thiaⁿ Hui-li̍p-pò͘ ê ōe.
8:7 In-ūi chin chē lâng hō͘ siâ-sîn hū-sin, siâ-sîn tōa-siaⁿ hoah chiū tùi só͘ hū-sin ê lâng chhut-.khì. Chin chē piàn-sūi-.ê, pái-kha-.ê, mā lóng tit tio̍h i hó.
8:8 Hitê siâⁿ ê lâng tōa hoaⁿ-hí.
8:9 Chóng-.sī, ū chi̍t-ê lâng, miâ kiò-chò Sí-mòng, í-chêng bat tī siâⁿ lāi kiâⁿ siâ-su̍t, chū-khoa chò tōa, hō͘ Sa-má-lī-a ê lâng tio̍h-kiaⁿ kah gāng-.khì;
8:10 Siâⁿ lāi ê lâng tōa-tōa sè-sè choan-sim thiaⁿ i, kóng, " Chit-ê lâng sī Siōng-tè ê koân-lêng, sī lâng teh kóng ê ' Tōa-lêng-ê'. "
8:11 In lóng choan-sim thiaⁿ i, in-ūi i kàu taⁿ chin kú ēng siâ-su̍t hō͘ in tio̍h-kiaⁿ kah gāng-.khì.
8:12 In sìn Hui-li̍p-pò͘ só͘ thoân ê hok-im, tâm-lūn Siōng-tè kok-tō͘ kah I-é-su Ki-tok ê miâ liáu-āu, chiū ū lâm-lí chiap siū sé-lé.
8:13 Liân Sí-mòng kakī mā sìn. I niá siū sé-lé liáu-āu, chiū kā Hui-li̍p-pò͘ tòe tiâu-tiâu. I khòaⁿ tio̍h Hui-li̍p-pò͘ só͘ kiâⁿ ê sîn-jiah kah só͘ chò ê tōa koân-lêng kî-sū, chiū tio̍h-kiaⁿ kah gāng-.khì.
8:14 Ê-lú-sa-lèm ê sù-tô͘ thiaⁿ tio̍h Sa-má-lī-a í-keng chiap-la̍p Siōng-tè ê tō-lí, chiū chhe Piat-tò͘ kah Iô-há-neh khì in hia.
8:15 In khì-kàu-ūi chiū thè hiahê sìn-tô͘ kî-tó, hō͘ in thang tit tio̍h Sèng Sîn chhiong-móa.
8:16 In-ūi in tú niá siū sé-lé, kui tī Chú I-é-su ê miâ niā-niā, Sèng Sîn iáu-bōe lîm-kàu in tiong-kan jīm-hô lâng.
8:17 Piat-tò͘ kah Iô-há-neh kā in hōaⁿ-chhiú, in chiū tit tio̍h Sèng Sîn chhiong-móa.
8:18 Sí-mòng khòaⁿ tio̍h hō͘ sù-tô͘ hōaⁿ-chhiú ê lâng lóng tit tio̍h Sèng Sîn, chiū hiàn chîⁿ hō͘ in,
8:19 Kóng, " Chhiáⁿ lín mā kā chit-ê koân-lêng hō͘ góa, thang hō͘ góa kā i hōaⁿ-chhiú ê lâng ē-tàng tit tio̍h Sèng Sîn. "
8:20 Piat-tò͘ tùi i kóng, " Lí ê chîⁿ kah lí chò-hóe bia̍t-bông! In-ūi lí siūⁿ kóng Siōng-tè ê un-sù ē-tàng ēng chîⁿ lâi bé!
8:21 Chit-ê tāichì bô lí ê hūn kah lí bô koan-hē, in-ūi tī Siōng-tè ê bīn-chêng, lí chûn-sim put-liông.
8:22 Só͘-í, lí tio̍h hóe-kái, tû-khì chit-ê pháiⁿ liām-thâu, kiû Chú khòaⁿ ē-tàng hō͘ lí tit tio̍h sià-bián á-bē.
8:23 Góa khòaⁿ-chhut lí sim-lāi chhiong-móa tham-sim kah chi̍t-tò͘, hō͘ siâ-ok khún-pa̍k. "
8:24 Sí-mòng ìn kóng, " Chhiáⁿ lí thè góa kiû Chú, hō͘ lí só͘ kóng ê tāichì lóng bē lîm-kàu góa. "
8:25 Piat-tò͘ kah Iô-há-neh chò kiàn-chèng lâi thoân Chú ê tō-lí, jiân-āu tńg-khì Ê-lú-sa-lèm. In iân-lō͘ tī Sa-má-lī-a lâng ê chin chē chng-thâu thoân hok-im.
8:26

Hui-li̍p-pò͘ kah Ai-si-o-pí-a ê thài-kàm

Chú ê thiⁿ-sài tùi Hui-li̍p-pò͘ kóng, " Khí-.lâi, ǹg lâm pêng khì, kiâⁿ tùi Ê-lú-sa-lèm lo̍h-khì Ga-jah ê hit tiâu lō͘. " Chit tiâu sī thong-kòe khòng-iá ê lō͘.
8:27 Hui-li̍p-pò͘ khí-lâi chiū chhut-hoat. Tī lō͘ tiong, i tú tio̍h chi̍t-ê Ai-si-o-pí-a ê thài-kàm, to̍h-sī Ai-si-o-pí-a lú-ông Kan-ta-ke ê châi-bū tāi-sîn.
8:28 I lâi Ê-lú-sa-lèm kèng-pài soah, beh tńg-.khì. I chē tī chhia-.ni̍h teh tha̍k I-sá-iah sian-ti ê chheh.
8:29 Sèng Sîn kā Hui-li̍p-pò͘ kóng, " Chìn chêng khì tòe-óa hit tâi bé-chhia. "
8:30 Hui-li̍p-pò͘ chiū cháu-óa-.khì, thiaⁿ tio̍h i teh tha̍k I-sá-iah sian-ti ê chheh, chiū mn̄g i kóng, " Lí teh tha̍k ê, lí ū liáu-kái bô? "
8:31 Thài-kàm ìn kóng, " Bô lâng kā góa kái-soeh, góa ná ē liáu-kái? " I chiū chhiáⁿ Hui-li̍p-pò͘ chiūⁿ chhia lâi chò-hóe chē.
8:32 I teh tha̍k ê hit-tōaⁿ keng-tián sī, I chhin-chhiūⁿ iûⁿ hō͘ lâng khan khì thâi, chhin-chhiūⁿ iûⁿ-á tī chián-mn̂g ê lâng bīn-chêng bô chhut siaⁿ, lóng bô khui chhùi.
8:33 I pi-bî siū bô kong-gī ê sím-phòaⁿ, bô lâng thè I chú-chhî kong-tō. Siáⁿ lâng ē-tàng thoân-su̍t I ê sè-tāi? In-ūi I tī tē-chiūⁿ ê oa̍h-miā í-keng kiat-sok à. " (chù, ISI 53:7-8)
8:34 Thài-kàm mn̄g Hui-li̍p-pò͘ kóng, " Chhiáⁿ-mn̄g, sian-ti kóng chiahê ōe sī teh chí siáⁿ lâng? Sī chí kakī á-.sī chí pa̍t lâng? "
8:35 Hui-li̍p-pò͘ chiū tùi hit-tōaⁿ keng-tián khai-sí, tùi i thoân I-é-su ê hok-im.
8:36 In tùi hit tiâu lō͘ lo̍h-.khì, lâi-kàu ū chúi ê só͘-chāi, thài-kàm kóng, " Lí khòaⁿ, chia ū chúi, góa kám ē-tàng tī chia niá siū sé-lé? "
8:37 Hui-li̍p-pò͘ kā i kóng, " Lí nā choân-sim sìn, chiū thang niá siū sé-lé. " I ìn kóng, " Góa sìn I-é-su Ki-tok sī Siōng-tè ê Kiáⁿ. "( Chù, goân pán-pún bô chit chat, ū ê chhau-pún ke chit chat )
8:38 Thài-kàm chiū hoan-hù thêng chhia. Hui-li̍p-pò͘ kah thài-kàm nn̄g lâng lo̍h chúi, Hui-li̍p-pò͘ chiū kā i sé-lé.
8:39 Tùi chúi-.ni̍h khí-.lâi ê sî, Siōng-tè ê Sèng Sîn kā Hui-li̍p-pò͘ chiap-khì. Thài-kàm chiū ánne bô koh khòaⁿ tio̍h i, m̄ koh iáu-sī hoaⁿ-hoaⁿ hí-hí, kè-sio̍k i ê lō͘-thêng.
8:40 Āu-lâi, ū lâng tī A-só-to͘ khòaⁿ tio̍h Hui-li̍p-pò͘, i iân-lō͘ tī ta̍k-ê siâⁿ-chhī thoân hok-im, it-ti̍t kàu Kai-sa-lī-a.


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本中文标准译本恢复本思高译本吕振中译本NET圣经中译本圣经公会四福音书共同译本深文理和合本新遗诏圣经原文直译(参考用)ESVKJVBBEWEBASVDarbyERV新约原文现代台语2021版汉字现代台语2021版全罗圣经公会巴克礼台汉本现代台语2013版全罗现代台语2013版汉字红皮圣经全罗红皮圣经汉罗巴克礼全罗巴克礼汉罗圣经公会现代客语全罗圣经公会现代客语汉字汕头客语圣经全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经卑南语多纳鲁凯语马可福音茂林鲁凯语马可福音万山鲁凯语马可福音圣经公会泰雅尔语圣经圣经公会邹语圣经圣经公会鲁凯语圣经赛德克族Tgdaya语圣经公会阿美语2019圣经公会阿美语1997圣经公会太鲁阁语圣经圣经公会达悟语新约圣经藏语圣经武加大译本新武加大译本官话和合本北京官话译本文理和合本浅文理和合本王元德官话译本俄罗斯正教文理译本白日升徐约翰文理译本神天圣书文理委办译本施约瑟浅文理译本马殊曼译本高德译本胡德迈译本粦为仁译本徐汇官话新译福音王多默圣史宗徒行实萧舜华官话四人小组译本圣保禄书翰并数位宗徒涵牍德如瑟四史圣经译注郭实腊新遗诏书和旧遗诏圣书宗徒大事录和新经译义马相伯救世福音俄罗斯正教新遗诏圣经卜士杰新经公函与默示录太平天国文理译本许彬文四史全编



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。