玛拉基书 线上收听:中文和合本 现代中文译本修订版 现代台语 台语圣经 客语 福州话 下载档案 关于语音圣经
4:1 Siōng-chú ê Ji̍t-chí teh beh Kàu
Bān-kun ê Siōng-chú kóng, " Lí khòaⁿ, hit ji̍t teh beh kàu, chhin-chhiūⁿ hóe-lô͘ teh to̍h, kiàn-nā kiau-ngō͘ ê kah kiâⁿ pháiⁿ ê ē chhin-chhiūⁿ chháu-iù, tī hit-ê beh lâi ê ji̍t ē choân-pō͘ kā i sio-tiāu, kin kah ki lóng bô lâu-.leh.
4:2 To̍k-to̍k lín kèng-ùi Góa ê miâ ê lâng, ē ū kong-gī ê ji̍t khí-lâi chiò lín, i ê kng-sòaⁿ（ chù, goân-bûn sī"si̍t"） ū i-tī ê kong-hāu, lín ē chhut-lâi tiô-thiàu, chhin-chhiūⁿ gû-tiâu lāi pûi ê gû-á.
4:3 Tī Góa só͘ tiāⁿ tio̍h ê ji̍t, lín ē thún-ta̍h pháiⁿ lâng, in-ūi in ē tī lín ê kha chêng chò hóe-hu. Che sī bān-kun ê Siōng-chú kóng ê.
4:4 " Lín tio̍h ē kì-tit Góa ê lô͘-po̍k — Mô͘-se ê lu̍t-hoat, to̍h-sī Góa tī Ho-lep ūi tio̍h I-su-la-el jîn-bîn só͘ hoan-hù i ê, to̍h-sī lu̍t-lē kah hoat-tō͘.
4:5 " Lí khòaⁿ, Siōng-chú tōa koh thang kiaⁿ ê ji̍t iáu-bōe kàu ê chìn-chêng, Góa ē chhe sian-ti E-li-iah kàu lín hia.
4:6 I ē hō͘ lāu-pē ê sim oa̍t tńg-lâi ǹg i ê kiáⁿ, kiáⁿ ê sim oa̍t tńg-lâi ǹg i ê lāu-pē, bián-tit Góa lâi chiù-chó͘ chit-ê tē. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。