玛拉基书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 Siōng-chú be̍k-sī ê ōe, kau-thok Ma-la-ki thoân hō͘ I-su-la-el ê.
1:2 Siōng-chú Tùi I-su-la-el ê Thiàⁿ
Siōng-chú kóng, " Góa ū thiàⁿ lín. " M̄ koh, lín kóng, " Lí tī siáⁿ-mi̍h tāichì thiàⁿ goán? " Siōng-chú kóng, " E-sáu kám m̄-sī Iâ-kop ê a-hiaⁿ? Chóng-.sī, Góa thiàⁿ Iâ-kop,
1:3 oàn-hūn E-sáu, hō͘ i ê soaⁿ hong-hùi, kā i ê sán-gia̍p kau hō͘ khòng-iá ê soaⁿ-káu. "
1:4 E-tóm kóng, " Goán chitmá sûi-jiân húi-hoāi, iáu koh beh khí hong-hùi ê só͘-chāi. " Bān-kun ê Siōng-chú ánne kóng, " In ē kā i khí khí-.lâi, Góa beh kā i húi-tiāu, lâng ē kā i chheng-chò ' Chōe-ok ê kéng-kài', chò ' Siōng-chú éng-oán siū-khì ê chú-bîn. '"
1:5 Lín ē chhin-ba̍k khòaⁿ-.tio̍h, mā ē kóng, " Tī I-su-la-el kéng-kài ê gōa-bīn, Siōng-chú beh chò tōa! "
1:6 Kéng-kài Chè-si
" Khòaⁿ-khin Góa ê miâ ê chè-si, bān-kun ê Siōng-chú tùi lín kóng: Kiáⁿ chun-kèng i ê lāu-pē, lô͘-po̍k chun-kèng i ê chú-lâng; Góa nā chò pē, Góa tī tó-ūi tit tio̍h chun-kèng? Góa nā chò chú-lâng, Góa tī tó-ūi tit tio̍h kèng-ùi? " Lín chiū kóng, ' Goán tī siáⁿ-mi̍h tāichì khòaⁿ-khin Lí ê miâ? '
1:7 Lín ēng bô chheng-khì ê piáⁿ hiàn tī Góa ê tôaⁿ, iáu koh kóng, ' Goán tī siáⁿ-mi̍h tāichì siat-to̍k Lí? ' In-ūi lín kóng, Siōng-chú ê toh sī thang khòaⁿ-khin ê.
1:8 Lín ēng chheⁿmê-.ê chengseⁿ hiàn chò chè-mi̍h, che kám m̄-sī pháiⁿ? Ēng pái-kha á-.sī ū pēⁿ ê chengseⁿ lâi hiàn, che kám m̄-sī pháiⁿ? Lín chhì hiàn hō͘ lín ê chóng-tok, i kám ē hoaⁿ-hí lâi chiap-la̍p lín? Che sī bān-kun ê Siōng-chú kóng ê. "
1:9 Taⁿ góa khǹg lín chiahê chè-si, tio̍h khì khún-kiû Siōng-chú si un kā lán liōng-chêng. Chit khoán tāichì sī lín ê chhiú chò chhut-.lâi ê, I kám ē chiap-la̍p lín tiong-kan ê chi̍t-ê lâng? Che sī bān-kun ê Siōng-chú kóng ê. "
1:10 Siōng-chú kóng, " Goān lín tiong-kan ū lâng ē khì koaiⁿ tiān mn̂g, bián-tit lín pe̍h-pe̍h tī Góa ê tôaⁿ khí hóe. " Bān-kun ê Siōng-chú kóng, " Góa bô hoaⁿ-hí lín, mā bô beh tùi lín ê chhiú chiap-la̍p lé-mi̍h. "
1:11 Bān-kun ê Siōng-chú kóng, " Tùi ji̍t chhut kàu ji̍t lo̍h ê só͘-chāi, Góa ê miâ tī lia̍t pang tiong chò tōa, ta̍k só͘-chāi lóng hōng Góa ê miâ sio hiuⁿ, hiàn chheng-khì ê lé-mi̍h, in-ūi Góa ê miâ tī lia̍t pang tiong chò tōa. "
1:12 Chóng-.sī, lín kā I siat-to̍k, kóng, ' Siōng-chú ê toh bô chheng-khì, i téng-bīn ê chia̍h-mi̍h sī thang khòaⁿ-khin ê. '
1:13 Lín koh kóng, ' Lí khòaⁿ, hiahni̍h lo-so hùi-khì! ' Mā am phīⁿ-khang thó-ià I. " Che sī bān-kun ê Siōng-chú kóng ê. Lín kā só͘ chhiúⁿ ê, pái-kha-.ê, phòa-siùⁿ ê, the̍h-lâi hiàn chò lé-mi̍h, Góa kám ē tùi lín ê chhiú chiap-la̍p? Che sī Siōng-chú kóng ê.
1:14 Ké hó ê lâng, tī kui tīn tiong ū kang ê chengseⁿ, i hē goān ê sî chiū ēng ū khoat-tiám ê hiàn hō͘ Chú, chit khoán ê lâng thang chiù-chó͘. In-ūi Góa sī tōa kun-ông, Góa ê miâ tī lia̍t kok tiong sī thang kiaⁿ-ùi ê. Che sī bān-kun ê Siōng-chú kóng ê. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。