圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

撒迦利亚书线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

14:1

Ê-lú-sa-lèm kah Lia̍t Kok

Lí khòaⁿ, Siōng-chú ê ji̍t teh beh kàu, lí ê châi-bu̍t ē hō͘ lâng pun tī lín tiong-kan.
14:2 In-ūi I beh chū-chi̍p bān-kok lâi kah Ê-lú-sa-lèm kau-chiàn, siâⁿ ē siū kong-phòa, chhù-the̍h ē siū chhiúⁿ-kiap, chabó͘ lâng ē siū lêng-jio̍k, siâⁿ lāi ê jîn-bîn chi̍t-pòaⁿ ē hông lia̍h-.khì; só͘ chhun lo̍h-.lâi ê jîn-bîn iû-goân tī siâⁿ lāi, bô tì-sú chián-tû.
14:3 Hit sî, Siōng-chú ē chhut-khì kah hiahê kok kau-chiàn, chhin-chhiūⁿ chá-chêng lîm-tīn ê ji̍t kau-chiàn.
14:4 Tng hit ji̍t, I ê kha ē khiā tī Kaⁿ-ná soaⁿ, chit-ê soaⁿ tī Ê-lú-sa-lèm thâu-chêng ê tang pêng. Kaⁿ-ná soaⁿ ē tùi tiong-ng li̍h-.khui, tùi tang kàu sai, chiâⁿ-chò ke̍k tōa ê soaⁿ-kok. Soaⁿ ê chi̍t-pòaⁿ ē î-sóa ǹg pak, chi̍t-pòaⁿ î-sóa ǹg lâm.
14:5 Lín ē tùi góa ê soaⁿ-kok tiong tô-cháu, in-ūi soaⁿ-kok ē thàu kàu A-sah, lín ē tô-cháu chhin-chhiūⁿ Iô-tah ông U-chi-iah ê nî-kan, ūi tio̍h tē-tāng ê tô-cháu sio-siâng. Siōng-chú — góa ê Siōng-tè teh beh lîm-kàu, só͘-ū ê sèng ê ē kah I lâi.
14:6 Hit ji̍t ê kng ē m̄-chiâⁿ kng, m̄-chiâⁿ àm.
14:7 Ē ū chi̍t-ê te̍k-pia̍t ji̍t sī Siōng-chú só͘ chai ê, m̄-sī ji̍t, mā m̄-sī mê, kàu ê-hng sî chiah ū kng.
14:8 Hit ji̍t ē ū oa̍h-chúi tùi Ê-lú-sa-lèm chhut-.lâi, chi̍t-pòaⁿ lâu-khì tang-hái, chi̍t-pòaⁿ lâu-khì se-hái; kôaⁿ-thiⁿ, joa̍h-thiⁿ lóng sī ánne.
14:9 Siōng-chú beh tī choân tē chò ông. Tng hit ji̍t, Siōng-chú to̍k-it, I ê miâ mā sī to̍k-it.
14:10 Choân tē tùi Ge-bah kàu Ê-lú-sa-lèm lâm-hong ê Lim-móng, ē piàn kah chhin-chhiūⁿ A-la̍h-bah. Ê-lú-sa-lèm ē seng koân tiàm tī i ê pún só͘-chāi, to̍h-sī tùi Biān-iá-mín ê mn̂g kàu thâu chi̍t-ê mn̂g ê só͘-chāi, koh kàu kak-thâu ê mn̂g, mā tùi Ha-na-nel ê lâu, it-ti̍t kàu ông ê chiú-khut.
14:11 Ē ū lâng tòa tī hit tiong-kan, bô koh ū chiù-chó͘. Ê-lú-sa-lèm ē an-jiân thài-pêng.
14:12 Hiahê lia̍t kok kah Ê-lú-sa-lèm kau-chiàn ê, Siōng-chú ē ēng chit khoán ê chai-hō kā in kong-kek; in ê kha iáu khiā-.leh ê sî, in ê bah ē hiú-nōa, ba̍k-chiu ē hiú-nōa tī ba̍k-chiu khang, chi̍h ē hiú-nōa tī chhùi lāi.
14:13 Tng hit ji̍t, Siōng-chú ē hō͘ in tiong-kan tōa jiáu-loān. In ta̍k lâng ēng chhiú sio khiú, koh khí chhiú hō͘-siōng kong-kek.
14:14 Iô-tah mā beh kah Ê-lú-sa-lèm kau-chiàn. Hit sî, sì-kho͘-ûi lia̍t kok ê châi-bu̍t, to̍h-sī kim, gîn, saⁿ-khò͘, ē chek-chū chin chē.
14:15 Hitê só͘ beh lîm-kàu tī bé, lô, lo̍k-tô, lî-á, í-ki̍p iâⁿ tiong só͘-ū ê chengseⁿ ê chai-hō, kah chit-ê chai-hō kāng-khoán.
14:16 Só͘-ū lâi kong-kek Ê-lú-sa-lèm ê lia̍t kok chhun lo̍h-.lâi ê lâng, ē nî-nî khí-lâi kèng-pài tōa ê ông — bān-kun ê Siōng-chú, mā siú Tah-pò͘-pêⁿ-cheh.
14:17 Tē chiūⁿ bān-cho̍k tiong, kiàn-nā bô chiūⁿ Ê-lú-sa-lèm kèng-pài tōa ê ông — bān-kun ê Siōng-chú ê, tī in hia ē bô lo̍h hō͘.
14:18 Ai-gi̍p cho̍k nā bô khí-.lâi, ē bô lo̍h hō͘ tī in hia; ē ū chai-hō, to̍h-sī Siōng-chú ēng lâi kong-kek hiahê bô khí-lâi siú Tah-pò͘-pêⁿ-cheh ê lia̍t kok ê.
14:19 Che to̍h-sī Ai-gi̍p ê hêng-hoa̍t, mā sī hiahê bô khí-lâi siú Tah-pò͘-pêⁿ-cheh ê lia̍t kok ê hêng-hoa̍t.
14:20 Tng hit ji̍t, bé ê hâm-lêng ē khek jī, ánne siá, " Chò sèng kui tī Siōng-chú ". Siōng-chú tiān lāi ê oe ē chhin-chhiūⁿ tôaⁿ chêng ê óaⁿ.
14:21 Kiàn-nā Ê-lú-sa-lèm kah Iô-tah ê oe lóng ē chò sèng kui bān-kun ê Siōng-chú. Kiàn-nā hiàn chè ê lóng ē ēng chiahê oe, chú bah tī hit lāi-bīn. Tng hit ji̍t, tī bān-kun ê Siōng-chú ê tiān lāi, bô koh ū Ka-nân lâng.

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.