撒迦利亚书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
4:1 Kim Teng-tâi ê Ī-siōng
Hitê kah góa kóng-ōe ê sù-chiá koh lâi kā góa kiò-chhéⁿ, chhin-chhiūⁿ lâng teh khùn hông kiò-chhéⁿ.
4:2 I kā góa kóng, " Lí khòaⁿ tio̍h siáⁿ-mi̍h? " Góa kóng, " Góa khòaⁿ-.tio̍h, lí khòaⁿ, ū chi̍t-ê teng-tâi, sī kui ki ēng kim chò ê, téng-bīn ū chi̍t-ê iû kūi, teng-tâi téng ū chhit chóaⁿ teng, téng-bīn ê teng-chóaⁿ ū chhit ki kóng.
4:3 Koh ū nn̄g châng ê kaⁿ-ná chhiū, chi̍t châng tī iû kūi ê chiàⁿ pêng, chi̍t châng tī iû kūi ê tò pêng.
4:4 Góa mn̄g kah góa kóng-ōe ê sù-chiá kóng, " Góa ê chú ah, chiahê sī siáⁿ-mi̍h? "
4:5 Kah góa kóng-ōe ê sù-chiá ìn góa kóng, " Lí kám m̄-chai chiahê sī siáⁿ-mi̍h? " Góa kóng, " Góa ê chú ah, góa m̄-chai. "
4:6 Siōng-tè tùi Cho-lô-ba-bel ê Èng-ín
I ìn góa kóng, " Che sī Siōng-chú hoan-hù Cho-lô-ba-bel ê ōe. Kóng, ' M̄-sī ēng koân-sè, m̄-sī ēng lêng-le̍k, to̍h-sī ēng Góa ê Sèng Sîn. Che sī bān-kun ê Siōng-chú kóng ê. '
4:7 Tōa soaⁿ, lí sī siáⁿ-mi̍h? Tī Cho-lô-ba-bel ê bīn-chêng, lí ē chiâⁿ-chò pêⁿ-tē. I ē hō͘ chhù-kak-thâu ê chio̍h-thâu chhut-.lâi, koh ū tōa hoaⁿ-hí ê siaⁿ tōa-siaⁿ hoah, ' Un-hūi, un-hūi kui I! '"
4:8 Siōng-chú ê ōe koh lîm-kàu góa, kóng,
4:9 " Cho-lô-ba-bel ê chhiú ū hē chit keng tiān ê tē-ki, i ê chhiú mā beh oân-sêng chit-ê kang, lí chiū ē chai sī bān-kun ê Siōng-chú chhe-phài góa lâi-kàu lín chia.
4:10 Siáⁿ lâng khòaⁿ-khin chit-ê sió-khóa tāichì ê ji̍t? Chit chhit-ê sī Siōng-chú ê ba̍k-chiu, tī choân tē chhut-ji̍p, khòaⁿ tio̍h Cho-lô-ba-bel ê chhiú the̍h chîn-sòaⁿ chiū hoaⁿ-hí.
4:11 Góa koh mn̄g i kóng, " Chit-ê teng-tâi chó-iū hit nn̄g châng kaⁿ-ná chhiū sī siáⁿ-mi̍h ì-sù? "
4:12 Góa koh mn̄g i kóng, " Kaⁿ-ná chhiū ê nn̄g ki, tùi nn̄g ki kim ê kóng lâu chhut kim iû, sī siáⁿ-mi̍h ì-sù? "
4:13 I ìn góa kóng, " Lí kám m̄-chai chiahê sī siáⁿ-mi̍h ì-sù? " Góa kóng, " Góa ê chú ah, góa m̄-chai. "
4:14 I kóng, " Che sī nn̄g-ê siū boah-iû ê, khiā tī phó͘-thiⁿ-ē ê Chú ê piⁿ-á. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。