西番雅书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 Ê-lú-sa-lèm ê Chōe-ok kah Kiù-sio̍k
Chit-ê pōe-ge̍k, ù-òe, pō-gio̍k ê siâⁿ ū chai-hō à!
3:2 I bô chun-thàn só͘ tùi i kóng ê ōe, bô siū kà-sī, bô óa-khò Siōng-chú, bô chhin-kīn i ê Siōng-tè.
3:3 I ê kùi-cho̍k tī hit tiong-kan sī hm̄-hm̄ háu ê sai, i ê sím-phòaⁿ-koaⁿ sī ê-hng sî ê chhâi-lông, chi̍t-tiám-á mi̍h mā bô lâu kàu kòe chá-khí.
3:4 I ê sian-ti sī phû-phiò, kúi-chà ê lâng; i ê chè-si sī siat-to̍k sèng-só͘, koh oai-khiok lu̍t-hoat.
3:5 Siōng-chú sī kong-gī ê, tiàm tī in tiong-kan, bô kiâⁿ put-gī, ta̍k chá-khí hián-chhut I ê kong-pêⁿ, bô keh-tn̄g; to̍k-to̍k put-gī ê lâng m̄-chai kiàn-siàu.
3:6 Siōng-chú kóng, " Góa í-keng tû-bia̍t lia̍t kok, in ê siâⁿ-lâu húi-hoāi. Góa hō͘ in ê ke-lō͘ hi-bî, tì-sú bô lâng keng-kòe; in ê siâⁿ húi-bia̍t, bô lâng tī hia, bô lâng tòa.
3:7 Góa kóng: Lí to̍k-to̍k tio̍h kèng-ùi Góa, tio̍h siū kà-sī, chiah hō͘ i ê chhù bô chiàu Góa só͘ pān-lí i ê lâi siū tû-bia̍t. Chóng-.sī, in thàu-chá khí-.lâi, kakī pāi-hoāi in it-chhè ê só͘ kiâⁿ.
3:8 Siōng-chú kóng, " Só͘-í, lín tio̍h thèng-hāu Góa, kàu Góa khí-lâi chhiúⁿ-toa̍t ê ji̍t; in-ūi Góa í-keng tiāⁿ tio̍h ì-sù, chio-chi̍p lia̍t kok, hōe-chi̍p lia̍t pang, kā Góa ê siū-khì, to̍h-sī Góa béng-lia̍t ê siū-khì, lóng piàⁿ lo̍h-khì tī in tiong-kan. Choân tē ē hō͘ Góa tōa siū-khì ê hóe sio-bia̍t.
3:9 " Hit sî, Góa beh hō͘ bān-bîn ê giân-gí piàn-chò chheng-khì, thang kiû-kiò Siōng-chú ê miâ, tâng-sim chi̍t-ì lâi ho̍k-sāi I.
3:10 " Ǹg Góa kî-tó ê, to̍h-sī Góa sì-sòaⁿ ê chú-bîn, ē tùi Kú-si̍t hô gōa lâi, hiàn lé-mi̍h hō͘ Góa.
3:11 Tng hit ji̍t, lí it-tēng bô in-ūi lí it-chhè tek-chōe Góa ê tāichì lâi kakī kiàn-siàu, in-ūi tī hit sî, Góa beh tùi lí tiong-kan tû-khì khoa-kháu kiau-ngō͘ ê lâng, lí chiū bô koh tī Góa ê sèng-soaⁿ kiau-ngō͘.
3:12 Góa mā beh lâu khùn-khó͘ sànchhiah ê jîn-bîn tī lí ê tiong-kan, in ē óa-khò Siōng-chú ê miâ.
3:13 I-su-la-el só͘ chhun lo̍h-.lâi ê jîn-bîn teh beh bô kiâⁿ pháiⁿ, bô kóng pe̍h-chha̍t, chhùi lāi bô kúi-chà ê chi̍h; in ē ún chia̍h ún khùn, bô lâng hō͘ in kiaⁿ. "
3:14 Khoài-lo̍k Chi Koa
Si-óng ê jîn-bîn, eng-kai tio̍h chhiùⁿ koa; I-su-la-el, tio̍h hoaⁿ-hí lâi kiû kiò! Ê-lú-sa-lèm ê jîn-bîn, tio̍h móa-sim hoaⁿ-hí khoài-lo̍k!
3:15 Siōng-chú í-keng tû-khì lí ê chōe-àn, kóaⁿ-chhut lí ê tùi-te̍k. I-su-la-el ê ông — Siōng-chú tī lí tiong-kan, lí bián koh kiaⁿ chai-hō.
3:16 Tng hit ji̍t, I ē kā Ê-lú-sa-lèm kóng: M̄-thang kiaⁿ! Si-óng, lí ê chhiú m̄ thang sôe lo̍h-.khì.
3:17 Siōng-chú — lí ê Siōng-tè tī lí ê tiong-kan, to̍h-sī Choân-lêng-.ê, chín-kiù-chiá; I ē ūi tio̍h hoaⁿ-hí lí lâi khoài-lo̍k, I ē in-ūi thiàⁿ lí lâi tiām-tiām, koh ūi tio̍h hoaⁿ-hí lí lâi chhiùⁿ koa.
3:18 In-ūi him-bō͘ cheh-kî lâi iu-būn ê, Góa beh kā in chū-chi̍p, in sī sio̍k lí ê, in tam-tng lêng-jio̍k chhin-chhiūⁿ taⁿ tāng-tàⁿ.
3:19 Lí khòaⁿ, hit tong-sî, Góa beh pān hiahê khó͘-to̍k lí ê, beh chín-kiù pái-kha-.ê, beh chū-chi̍p siū kóaⁿ-tio̍k ê, hiahê tī choân tē siū lêng-jio̍k ê, Góa beh hō͘ in tit tio̍h oló miâ-siaⁿ.
3:20 Hit sî, Góa beh hō͘ lín lâi, hit sî Góa beh kā lín chū-chi̍p; in-ūi Góa hō͘ lín siū lia̍h ê lâng tī lín ê ba̍k chêng tò tńg-.lâi ê sî, chiū beh hō͘ lín tī tē-chiūⁿ bān-bîn ê tiong-kan, tit tio̍h miâ-siaⁿ kah oló. Che sī Siōng-chú kóng ê.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。