哈巴谷书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 Ha-bá-kok ê Kî-tó
Sian-ti Ha-bá-kok ê kî-tó, ēng Si-gi-io-nah（ Chù, Ho̍k-sò͘ hêng, Si-phian 7:1 ê Si-ga-ióng sī tan-sò͘ hêng ） tiāu,
3:2 Siōng-chú ah, góa thiaⁿ tio̍h Lí ê siau-sit chiū kiaⁿ-hiâⁿ. Siōng-chú ah, kiû Lí tī chiahê nî ê tiong-kan, koh heng-khí Lí ê só͘ chò, tī chiahê nî ê tiong-kan hián-hiān; tī siū-khì ê sî, ē kì-tit liân-bín.
3:3 Siōng-tè tùi Thê-man lâi, sèng-.ê tùi Pa-lân soaⁿ kàu. [Sè-la̍h] I ê êng-kng jia-khàm chiahê thiⁿ; I ê miâ-siaⁿ chhiong-móa tē.
3:4 I ê chhàn-lān chhin-chhiūⁿ kng; tùi I ê chhiú ū chhut kng-sòaⁿ, tī hia I ê lêng-le̍k khǹg-.leh.
3:5 Tī I ê thâu-chêng ū un-e̍k liû-hêng, tī I ê āu-bīn ū jia̍t-chèng hoat-seng.
3:6 I khiā-.leh, chiū niû tāi-tē, I koan-khòaⁿ, kóaⁿ-sòaⁿ lia̍t pang. Éng-oán chûn-chāi ê soaⁿ li̍h-khui; kú-tn̂g ê soaⁿ-niá pang-hām; I ê só͘ kiâⁿ, chū chá í-lâi to̍h sī ánne.
3:7 Góa khòaⁿ tio̍h Ku-siang ê pò͘-pêⁿ tú tio̍h hoān-lān, Mí-tiân tē ê tiùⁿ-lî gī-gī chhoah.
3:8 Siōng-chú ah, Lí khiâ Lí ê bé, chē tī Lí chín-kiù ê chhia, kám sī bô hoaⁿ-hí chiahê kang, siū-khì chiahê hô, thòng-hūn hái-iûⁿ?
3:9 Lí ê kiong lóng lō͘-chhut, tùi chiahê chi-cho̍k só͘ chiùchōa ê lóng sī chin-si̍t ê ōe. [Sè-la̍h] Lí ēng kang-hô kā tāi-tē hun-khui.
3:10 Soaⁿ-niá khòaⁿ tio̍h Lí, chiū kiaⁿ-hiâⁿ; tōa-chúi, thàu hong keng-kòe, chhim-ian chhut i ê siaⁿ, tōa éng chhèng koân.
3:11 In-ūi Lí ê chìⁿ siā chhut kng, Lí ê chhiuⁿ ê kng iām-iām sih, ji̍t kah goe̍h thêng-chí tī i ê ūi-tì.
3:12 Lí siū-khì lâi piàn-kiâⁿ tē-chiūⁿ, Lí tōa siū-khì, phah lia̍t kok chhin-chhiūⁿ teh phah ngó͘-kok.
3:13 Lí chhut-lâi beh kiù Lí ê chú-bîn, chín-kiù Lí ê siū boah-iû ê, pháiⁿ lâng chhù lāi ê thâu-ba̍k, Lí kā i phah-chhùi, kā i ê kin-ki lō͘-hiān kàu chīn-thâu. [Sè-la̍h]
3:14 Lí ēng i kakī ê chhiuⁿ chha̍k-thàu i chiàn-sū ê thâu; in lâi chhin-chhiūⁿ kńg-lê-á hong, beh kā góa kóaⁿ-sòaⁿ. In só͘ hoaⁿ-hí ê sī thau-thau-á thun-chia̍h sànchhiah lâng.
3:15 Lí khiâ bé ta̍h tī hái-.ni̍h, to̍h-sī ta̍h tī giâ éng ê tōa-chúi.
3:16 Góa thiaⁿ tio̍h góa ê sim-tn̂g kiáu-ká, ūi tio̍h hit-ê siaⁿ, góa ê chhùi-tûn sih-sih chùn, kut-hâi hiú-nōa; góa tī góa ê só͘-chāi phi̍h-phi̍h chhoah. Góa chí ū tiām-tiām thèng-hāu chai-lān ê ji̍t-chí kàu, chhim-hoān kéng lāi ê jîn-bîn chiūⁿ-.lâi.
3:17 Sûi-jiân bû-hoa-kó chhiū bô hoat m̂, phû-tô chhiū bô kiat kóe-chí, kaⁿ-ná chhiū mā bô siu-sêng, chhân-hn̂g bô chhut ngó͘-kok, tiâu lāi bô pòaⁿ chiah iûⁿ, gû-tiâu mā bô gû;
3:18 góa iáu koh beh in-ūi Siōng-chú lâi hoaⁿ-hí, in-ūi kiù góa ê Siōng-tè lâi khoài-lo̍k.
3:19 Chì-koân Siōng-chú sī góa ê khùi-la̍t; I hō͘ góa ê kha chhin-chhiūⁿ lo̍k-bú, koh hō͘ góa kiâⁿ tī góa koân ê só͘-chāi. Chit-ê koa kau hō͘ koaⁿ, ēng góa si-hiân ê ga̍k-khì lâi chhiùⁿ.
3:20 Chit-ê koa kau hō͘ ga̍k-koaⁿ, ēng góa si-hiân ê ga̍k-khì lâi chhiùⁿ.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。