那鸿书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 Ū chai-hō ah! Hō͘ lâng lâu hoeh ê siâⁿ, ū kúi-chà kiông-pō móa-móa, chhiúⁿ-kiap bô soah.
3:2 Ū bé-piⁿ ê siaⁿ, ū chhia-lián hū-hū háu ê siaⁿ, bé phut-phut thiàu, chhia khōng-khōng háu;
3:3 bé-peng chìn-chêng, to-kiàm kng nà-nà, i ê chhiuⁿ iām-iām sih, siū thâi ê put-chí chē, sin-si chiâⁿ tōa tui, sin-si sǹg bē liáu, lâng poa̍h-tó tī sí-lâng ê téng-bīn.
3:4 In-ūi súi ê chhiong-ki ū chin chē îm-hēng, si̍p-koàn chò ang-î, ēng i ê îm-hēng bê-he̍k lia̍t kok, ēng i ê siâ-su̍t bê-he̍k chin chē cho̍k.
3:5 Bān-kun ê Siōng-chú kóng: Lí khòaⁿ, Góa kong-kek lí, Góa beh hian lí ê kûn, khàm lí ê bīn, hō͘ lia̍t kok khòaⁿ tio̍h lí ê chhiah-theh, hō͘ lia̍t pang khòaⁿ tio̍h lí ê kiàn-siàu.
3:6 Góa beh kā khó-ò͘ⁿ ù-òe ê mi̍h hiat tī lí ê sin chiūⁿ, kā lí lêng-jio̍k, hō͘ lâng ba̍k-chiu khòaⁿ-.tio̍h.
3:7 Chiū ánne, kiàn-nā khòaⁿ tio̍h lí ê lóng ē tô-cháu lī-khui lí, kóng: Ni-ne-beh pha-hng à, ū siáⁿ lâng ūi i pi-siong? Góa tio̍h tùi tó-ūi lâi chhōe tio̍h an-ùi lí ê lâng?
3:8 Lí kám ū khah iâⁿ No͘-a-móng（ Chù, tong-sî Ai-gi̍p ê siú-to͘ ）? I chē tī chiahê hô ê tiong-kan, sì-kho͘-ûi ū chúi, hái chò i ê hô-kau, hái chò i ê siâⁿ chhiûⁿ.
3:9 Kú-si̍t kah Ai-gi̍p chò i bô hān-liōng ê khùi-la̍t; Put kah Lu-bí cho̍k （ Chù, Goân e̍k-pún sī " Lu-bí ", to̍h-sī " Li-bí-a "）, sī pang-chān lí ê.
3:10 Chóng-.sī, i siū chhian-sóa hō͘ lâng lia̍h-.khì; i ê eⁿ-á hō͘ lâng siak-sí tī ke-lō͘ thâu. Lâng ūi tio̍h i chun-kùi ê lâng liam-khau ; i ê tōa koaⁿ-oân lóng hō͘ thih-liān pa̍k khí-.lâi.
3:11 Lí ē lim kàu chùi, mā ē siū ún-ba̍t, koh ē in-ūi siám-phiah tùi-te̍k lâi chhōe siâⁿ-pó.
3:12 Lí só͘-ū hiám-iàu ê só͘-chāi ē chhin-chhiūⁿ bû-hoa-kó chhiū, ū khí-thâu se̍k ê bû-hoa-kó, chi̍t-ē kā i iô, chiū ka-la̍uh tī chia̍h ê lâng ê chhùi.
3:13 Lí khòaⁿ, lín tiong-kan ê jîn-bîn sī chhin-chhiūⁿ chabó͘ lâng; lí kéng lāi ê mn̂g lóng khui tī tùi-te̍k ê bīn-chêng; hóe sio lí ê mn̂g-chhòaⁿ.
3:14 Lí tio̍h chhiūⁿ chúi, chún-pī siū ûi-khùn; tio̍h kian-kò͘ lí ê siâⁿ-pó, tio̍h kàu thô͘-khut ta̍h thô͘, siu-lí chng-iô.
3:15 Tī hia, hóe ē kā lí sio-bia̍t, to ē kā lí thâi, chhin-chhiūⁿ tō͘-kâu kā lí thun-bia̍t. Chhut-chāi lí ke-thiⁿ chē-chē chhin-chhiūⁿ tō͘-kâu, ke-thiⁿ chē-chē chhin-chhiūⁿ chháu-meh.
3:16 Lí ke-thiⁿ lí ê senglí lâng, pí thiⁿ-téng ê chheⁿ khah chē; tō͘-kâu sún-hāi liáu chiū poe-.khì.
3:17 Lí ê kùi-cho̍k chhin-chhiūⁿ chháu-meh, lí ê tōa koaⁿ-oân chhin-chhiūⁿ kui tīn ê chháu-meh, thiⁿ-khì léng ê sî chiū hioh tī lî-pa, ji̍t chhut chiū poe-.khì, lâng m̄-chai i khì tó-ūi.
3:18 A-siul ông, lí ê bo̍k-chiá teh khùn; lí ê kùi-cho̍k tó-.leh; lí ê jîn-bîn sì-sòaⁿ tī soaⁿ-.ni̍h, bô lâng khì chio-chi̍p.
3:19 Lí ê siong bē i-tit; lí siū phah chin thiám. Kiàn-nā thiaⁿ tio̍h lí ê siau-sit ê, ē in-ūi lí lâi phah chhiú. Lí só͘ kiâⁿ ê pháiⁿ, siáⁿ lâng bô tú-.tio̍h?
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。