那鸿书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 Koan-hē Ni-ne-beh ê be̍k-sī, El-ko-si lâng Ná-hôm só͘ khòaⁿ-.tio̍h ê ī-siōng, kì tī chheh-.ni̍h.
1:2 Siōng-chú Tùi Ni-ne-beh Siū-Khì
Siōng-chú sī jia̍t-sim ê Siōng-tè, mā kiâⁿ pò-siû. Siōng-chú sī pò-siû koh tōa siū-khì; Siōng-chú tùi I ê tùi-te̍k pò-siû, ūi tio̍h I ê siû-te̍k lâi khǹg siū-khì.
1:3 Siōng-chú bô khoài siū-khì, ū tōa lêng-le̍k, choa̍t-tùi bô lia̍h ū chōe ê chò bô chōe. Siōng-chú ê lō͘ tī kńg-lê-á hong kah kông hong ê tiong-kan, hûn sī I ê kha-ē ê thô͘-soa hún.
1:4 I chek-pī hái hō͘ i ta, mā hō͘ chiahê hô lóng bô chúi. Ba-siáng kah Kal-mel soe-pāi, Le-ba-nòng ê hoe-ba̍k mā soe-pāi.
1:5 Soaⁿ-thâu in-ūi I tín-tāng, soaⁿ-niá mā lóng siau-iûⁿ, tāi-tē tī I ê bīn-chêng phòng khí-.lâi, sè-kài kah tiàm tī hit tiong-kan ê mā sī ánne.
1:6 I chi̍t-ē thòng-hūn, siáⁿ lâng ē khiā-.leh? I tōa siū-khì, siáⁿ lâng tng ē khí? I ê siū-khì chhin-chhiūⁿ hóe piàⁿ chhut-.lâi, chio̍h-pôaⁿ in-ūi I piak-li̍h.
1:7 Siōng-chú sī hó, tī hoān-lān ê ji̍t, I chò siâⁿ-pó, koh bat hiahê óa-khò I ê lâng.
1:8 Chóng-.sī, I ē ēng hoàn-lām ê tōa-chúi kā i ê tē im bia̍t-tiāu, kóaⁿ tùi-te̍k ji̍p-khì o͘-àm.
1:9 Lín siat siáⁿ-mi̍h kè-bô͘ lâi kah Siōng-chú chò tùi-te̍k? I ē chò-kàu chīn-thâu, bián koh ū tē-jī pái ê chai-hō.
1:10 In kô-kô tîⁿ chhin-chhiūⁿ chhì-phè, chhin-chhiūⁿ lim chiú lim kah chùi-chùi, in iáu koh ē sio-.khì, chhin-chhiūⁿ ta-ta ê chháu.
1:11 Ū chi̍t-ê tùi lí hia chhut-.lâi, tô͘-bô͘ kan-ok, siat pháiⁿ kè-bô͘ lâi kong-kek Siōng-chú.
1:12 Siōng-chú ánne kóng, " In sûi-jiân sè-le̍k chhiong-chiok, lâng-gia̍h chin chē, mā ē siū chián-tû, kui tī bô. Góa sûi-jiân bat hō͘ lí siū khó͘, í-āu bô koh hō͘ lí siū khó͘.
1:13 Taⁿ Góa beh tùi lí ê ām-kún at-tn̄g i ê ka-taⁿ, kā pa̍k lí ê soh-á chhoah-tn̄g. "
1:14 Siōng-chú bat chhut bēng-lēng, kóng tio̍h A-siul lâng, I kóng, " Sio̍k lí ê lâng it-tēng bô koh thoân chéng; Góa beh tùi lí ê sîn-bêng ê biō lāi tû-bia̍t tiau-khek ê ngó͘-siōng kah chù-chō ê siōng; Góa beh kā lí chún-pī hûn-bōng, in-ūi lí sī pi-chiān. "
1:15 Lí khòaⁿ, ū pò hó siau-sit lâi thoân hô-pêng ê lâng, i ê kha kiâⁿ chiūⁿ soaⁿ téng. Iô-tah, lí tio̍h siú lí ê cheh-kî, siā lí ê goān! In-ūi pháiⁿ lâng bô koh tùi lí ê tiong-kan keng-kòe, in-ūi i choân-pō͘ bia̍t-bông à.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。