弥迦书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
5:1 Si-óng chiâⁿ-tūi ê jîn-bîn, taⁿ lí chū-chi̍p chò kun-tūi; i beh ûi-ûi lâi kong-kek lán, in ēng koái-á phah I-su-la-el sím-phòaⁿ-koaⁿ ê chhùi-phóe.
5:2 Tùi Bia̍t-lé-hèm Lâi ê Thóng-tī-chiá
Siōng-chú kóng, " Bia̍t-lé-hèm E-hu-la̍t, lí tī Iô-tah chiahê chng-thâu tiong chò bî-sè ê, ē ū chi̍t-ê tùi lí hia chhut-.lâi, tī I-su-la-el tiong-kan kā Góa chò chiáng-koân ê; i ê kin-goân tùi kó͘-chá, tùi ke̍k khí-thâu to̍h ū. "
5:3 Só͘-í, Siōng-chú beh kā in kau hō͘ tùi-te̍k, kàu seng-sán ê chabó͘ lâng seⁿ kiáⁿ. Hit sî, i só͘ chhun lo̍h-.lâi ê hiaⁿ-tī ē tńg-lâi kui I-su-la-el.
5:4 I ē khiā-.leh, óa-khò Siōng-chú ê koân-lêng kah i ê Siōng-tè ui-giâm ê miâ, lâi chhī i ê iûⁿ-kûn. In ē an-jiân seng-oa̍h; i ē chò tōa, kàu tē ê ke̍k-thâu.
5:5 Chit-ê lâng beh chò lán ê pêng-an. Kái-kiù kah Têng-hoa̍t
A-siul ji̍p-lâi lán ê tē-kài thún-ta̍h lán ê kiong-tiān ê sî, lán ē heng-khí chhit-ê bo̍k-chiá, peh-ê siú-léng lâi kong-kek i.
5:6 In ē ēng to-kiàm húi-hoāi A-siul tē kah Nim-lo͘t ê tē, tī i chhut-ji̍p ê só͘-chāi. A-siul ji̍p-lâi lán ê tē thún-ta̍h lán ê tē-kài ê sî, i ē kiù lán thoat-lī.
5:7 Iâ-kop chhun lo̍h-.lâi ê lâng ē tī chin chē kok ê jîn-bîn tiong-kan, chhin-chhiūⁿ tùi Siōng-chú kàng-lo̍h ê lō͘-chúi, koh chhin-chhiūⁿ chu-jūn chháu ê hō͘, m̄-bián óa-khò lâng, mā bô thèng-hāu sè-kan lâng.
5:8 Iâ-kop só͘ chhun lo̍h-.lâi ê lâng ē tī chin chē kok ê jîn-bîn tiong-kan, chhin-chhiūⁿ chhiū-nâ lāi pah-siù tiong ê sai, mā chhin-chhiūⁿ sè chiah ióng-béng ê sai tī iûⁿ-kûn tiong. I nā keng-kòe, chiū ē thún-ta̍h thiah-li̍h, bô lâng ē kā i kiù.
5:9 Goān Lí ê chhiú gia̍h-khí tī Lí ê tùi-te̍k ê téng-bīn! Goān Lí ê tùi-te̍k lóng siū chián-tû!
5:10 Siōng-chú kóng, " Kàu hit ji̍t, Góa beh tùi lí tiong-kan tû-khì lí ê bé, húi-hoāi lí ê chhia.
5:11 Góa beh húi-bia̍t lí ê só͘-chāi — chiahê siâⁿ, chhia-tó lí só͘-ū ê siâⁿ-pó.
5:12 Góa mā beh tû-khì lí chhiú tiong ê siâ-su̍t, tī lí hia bô koh ū chiam-pok-chiá.
5:13 Góa beh tùi lí tiong-kan tû-bia̍t tiau-khek ê ngó͘-siōng kah thiāu-siōng, lí chiū bô koh kūi-pài kakī ê chhiú só͘ chō ê.
5:14 Góa beh tùi lí tiong-kan poe̍h-chhut lí chiahê chhâ-thiāu, koh húi-bia̍t lí chiahê siâⁿ. "
5:15 Góa beh hoat-chhut tōa siū-khì, lâi pò-èng hiahê bô sūn-ho̍k ê kok.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。