约拿书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 Iô-ná ê Kî-tó
Iô-ná tī hî ê pak-tó͘ lāi tùi i ê Siōng-tè — Siōng-chú kî-tó, kóng:
2:2 Góa tú tio̍h hoān-lān kiû-kiò Siōng-chú, I chiū thiaⁿ góa; góa tùi im-hú ê pak-tó͘ lāi tōa-siaⁿ hoah, Lí chiū thiaⁿ góa ê siaⁿ.
2:3 In-ūi Lí bat kā góa hiat lo̍h-khì chhim-ian, to̍h-sī tī hái-té; tōa-chúi ûi góa, kông-pho tōa-éng lóng kā góa khàm ba̍t.
2:4 Góa siūⁿ kóng: Góa siū kóaⁿ-tio̍k, lī-khui Lí ê ba̍k-chiu chêng, chóng-.sī, góa iáu teh ǹg Lí ê sèng-tiān.
2:5 Chiahê chúi ûi góa, góa hiám-hiám bô sèⁿ-miā; chhim-ian ûi-khùn góa, hái-chháu pau góa ê thâu-khak.
2:6 Góa lo̍h-khì kàu soaⁿ-té, tē ê mn̂g-chhòaⁿ éng-oán kā góa koaiⁿ-.leh. Siōng-chú — góa ê Siōng-tè ah, chóng-.sī, Lí ū kiù góa ê sèⁿ-miā thoat-lī sí-bông.
2:7 Góa ê sim-sîn hūn-.khì ê sî, góa chiū siàu-liām Siōng-chú. Góa ê kî-tó kàu tī Lí ê bīn-chêng, ji̍p-khì Lí ê sèng-tiān.
2:8 Kiàn-nā chun-tiōng hi-ké ê lâng, khì-sak in chû-ài ê Chú.
2:9 Chóng-.sī, góa beh ēng kám-un ê siaⁿ hiàn chè hō͘ Lí, siā góa só͘ hē ê goān, chín-kiù chhut tī Siōng-chú.
2:10 Siōng-chú bēng-lēng hit bóe hî, i chiū kā Iô-ná thò͘ chhut-lâi tī ta tē.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。