阿摩司书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 Tùi Mô͘-ap ê Sím-phòaⁿ
Siōng-chú ánne kóng, " Ūi tio̍h Mô͘-ap hoān chōe kàu tē-saⁿ pái, mā kàu tē-sì pái, Góa bô beh bián-tû i ê hêng-hoa̍t; in-ūi i kā E-tóm ông ê kut-thâu sio-chò hoe.
2:2 Góa beh kàng hóe tī Mô͘-ap, sio-bia̍t Ka-lio̍k ê kiong-tiān. Mô͘-ap ē tī hōa-hōa háu, hoah-hiàm, pûn sàu-kak ê tiong-kan sí-bông.
2:3 Góa beh tùi i ê tiong-kan chián-tû sím-phòaⁿ-koaⁿ, sòa kā in só͘-ū ê siú-léng thâi-sí. Che sī Siōng-chú kóng ê. "
2:4 Tùi Iô-tah ê Sím-phòaⁿ
Siōng-chú ánne kóng, " Ūi tio̍h Iô-tah lâng hoān chōe kàu tē-saⁿ pái, mā kàu tē-sì pái, Góa bô beh bián-tû i ê hêng-hoa̍t; in-ūi in khì-sak Siōng-chú ê kà-sī, bô chun-siú I ê lu̍t-lē. In ê chó͘-sian só͘ chun-thàn ê hi-ké hō͘ in kiâⁿ bê-lō͘.
2:5 Góa beh kàng hóe tī Iô-tah, kā Ê-lú-sa-lèm ê kiong-tiān sio-bia̍t. "
2:6 Siōng-chú beh Sím-phòaⁿ I-su-la-el
Siōng-chú ánne kóng, " Ūi tio̍h I-su-la-el lâng hoān chōe kàu tē-saⁿ pái, mā kàu tē-sì pái, Góa bô beh bián-tû i ê hêng-hoa̍t; in-ūi in chhut-bē gī lâng lâi tit tio̍h gîn, chhut-bē sànchhiah lâng lâi tit tio̍h chi̍t siang ê.
2:7 Sàn-chhiah lâng thâu-khak téng ê tîn-ai sī in só͘ ì-ài ê, óng-khut un-jiû ê lâng ê chò lâng tō-lí. Pē-kiáⁿ chò-hóe chhin-kīn chi̍t-ê siàu-liân ê chabó͘ lâng, tì-sú siat-to̍k Góa ê sèng-miâ.
2:8 In tī ta̍k-ê tôaⁿ piⁿ tó tī lâng chò chún-tǹg ê saⁿ, koh tī in ê Siōng-tè ê tiān lāi lim siū-hoa̍t ê lâng ê chiú.
2:9 " Góa tùi in ê bīn-chêng tû-bia̍t A-mô͘-lī lâng, hiahê lâng koân-tōa chhin-chhiūⁿ pek-hiuⁿ chhiū, ióng-béng chhin-chhiūⁿ siōng chhiū. Chóng-.sī, Góa kā i téng-bīn ê kóe-chí bia̍t-tiāu, kā ē-bīn ê kin choa̍t-tn̄g.
2:10 Góa mā kā lín tùi Ai-gi̍p tē tòa chhut-.lâi, tī khòng-iá chhōa lín sì-cha̍p nî, hō͘ lín tit tio̍h A-mô͘-lī lâng ê tē chò sán-gia̍p.
2:11 Góa tùi lín ê kiáⁿ-jî tiong-kan heng-khí sian-ti, koh tùi lín ê siàu-liân lâng ê tiong-kan heng-khí hiàn-sin-chiá （ Chù, goân e̍k-pún im-e̍k chò " Na-chil lâng "）. I-su-la-el lâng, lín kám m̄-sī ánne? Che sī Siōng-chú kóng ê.
2:12 Chóng-.sī, lín hō͘ hiàn-sin-chiá lim chiú, hoan-hù sian-ti kóng: M̄-thang kóng sian-ti ōe.
2:13 Lí khòaⁿ, tī lín só͘ tiàm ê tē, Góa beh kā lín teh lo̍h-.khì, chhin-chhiūⁿ kā chng móa tiū-khún ê chhia teh tāng.
2:14 Gâu cháu ê bē tàng tô-thoat, ióng-chòng ê bô la̍t bóe, ióng-béng ê bē tàng kakī kiù sèⁿ-miā.
2:15 Gia̍h kiong ê bē tàng khiā chāi, kha-pō͘ kín ê bē tàng kakī kiù, khiâ bé ê bē tàng kakī kiù miā.
2:16 Kàu hit ji̍t, ióng-sū tiong ū tám-liōng ê ē thǹgpaktheh tô-cháu. Che sī Siōng-chú kóng ê. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。