版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

何西阿书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

13:1

I-su-la-el Chòe-āu ê Sím-phòaⁿ

Chá-chêng E-hu-laim kóng-ōe, lâng lóng phi̍h-phi̍h chhoah; i tī I-su-la-el tiong tiàm tī koân ūi; chóng-.sī, i tī Ba-al ê tāichì hoān chōe, chiū tì-kàu sí-bông.
13:2 Taⁿ in ê chōe-kò ná hoān ná chē, ēng in ê gîn ūi kakī chng pu̍t, in chiàu in ê kî-khiáu lâi chō ngó͘-siōng, lóng sī sai-hū só͘ chò ê. In gī-lūn kóng, hiàn chè ê lâng tio̍h kah gû-á chim-chhùi.
13:3 In-ūi ánne, in beh chhin-chhiūⁿ chá-khí sî ê hûn, mā chhin-chhiūⁿ khoài-khoài ta ê lō͘-chúi, chhin-chhiūⁿ tiūⁿ-tiâⁿ ê phàⁿ chhek hō͘ kông hong chhoe-.khì, koh chhin-chhiūⁿ ian tùi thang-á chhèng chhut-.khì.
13:4 Siōng-chú kóng, " Tùi lí chhut Ai-gi̍p tē ê sî, Góa chò lí ê Siōng-tè — Siōng-chú. Góa í-gōa lí m̄ thang jīn-bat pa̍t-ê sîn-bêng, jî-chhiáⁿ Góa í-gōa bô ū kî-tha Kiù-chú.
13:5 Tī khòng-iá ta-sò ê tē, Góa í-keng bat lí.
13:6 In chiàu in ê bí-niûⁿ tit tio̍h chia̍h pá; í-keng chia̍h pá, in ê sim chiū kiau-ngō͘, chiū ánne bē kì-tit Góa.
13:7 Só͘-í, Góa tùi in chhin-chhiūⁿ sai, koh chhin-chhiūⁿ pà bih tī lō͘ piⁿ.
13:8 " Góa tú tio̍h in chhin-chhiūⁿ sit-lo̍h kiáⁿ ê hîm-bú, thiah-li̍h in ê heng-khám. Tī hia, Góa beh chhin-chhiūⁿ bó ê sai kā in thun-chia̍h; iá-siù ē kā in thiah-li̍h.
13:9 " I-su-la-el lâng, lí ê bia̍t-bông to̍h-sī in-ūi hoán-tùi Góa, to̍h-sī hoán-tùi pang-chān lí ê.
13:10 Hiān-kim lí ê ông tī tó-ūi, hō͘ i tī lí chiahê siâⁿ kā lí chín-kiù? Lí ê sū-su to̍h-sī lí só͘ bat kóng: Kā goán siat-li̍p chi̍t-ê ông kah siú-léng ê, taⁿ in tī tó-ūi?
13:11 Góa tī siū-khì tiong kā lí siat-li̍p chò ông, mā tī Góa ê tōa siū-khì kā lí ê ông-ūi hùi-tû.
13:12 " E-hu-laim ê chōe-kò kì tiâu-.leh, i ê chōe-ok siu-chông-.leh.
13:13 Cha-bó͘ lâng seⁿ kiáⁿ ê thàng-thiàⁿ ē kàu tī i; i sī- bô tì-hūi ê kiáⁿ, in-ūi i ê sî í-keng kàu, bô eng-kai iân-chhiân tī chú-kiong kháu.
13:14 Góa beh sio̍k-hôe in thoat-lī im-hú ê koân, Góa beh kā in chín-kiù thoat-lī sí-bông. Sí-bông, lí ê chai-hāi tī tó-ūi? Im-hú, lí ê húi-bia̍t tī tó-ūi? Góa choa̍t-tùi bô hō͘-hóe.
13:15 I tī hiaⁿ-tī tiong, sûi-jiân kiat kóe-chí chin chē, chóng-.sī, ē ū tang hong chhoe-.lâi, to̍h-sī Siōng-chú ê hong tùi khòng-iá chhoe-.khí, i ê chúi-chôaⁿ ē ta-.khì, i ê goân-thâu ē toān-choa̍t, i ē chhiúⁿ-toa̍t só͘ chek-chū só͘-ū thang hoaⁿ-hí ê pó-khì.
13:16 Sa-má-lī-a tio̍h tam-tng i ê chōe, in-ūi i pōe-ge̍k i ê Siōng-tè. I ē tó tī to hā, in ê eⁿ-á ē hō͘ lâng siak-sí, in ū sin-ê chabó͘ lâng ē hō͘ lâng phòa-pak. "


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。