何西阿书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
5:1 " Chè-si, lín tio̍h thiaⁿ chit-ê ōe! I-su-la-el ê chú-bîn, lín tio̍h chù-ì! Ông-chhin, lín tio̍h àⁿ hīⁿ-khang thiaⁿ! In-ūi sím-phòaⁿ koan-hē tī lín, in-ūi lín chò oa̍h-tauh tī Mi-su-peh, chò lô-bāng tiuⁿ tī Tha-bo͘l soaⁿ.
5:2 Chiahê pōe-ge̍k ê lâng tōa kiâⁿ thâi lâng, Góa beh kā in chek-hoa̍t.
5:3 Góa bat E-hu-laim; I-su-la-el mā bē ún-ba̍t tī Góa. E-hu-laim, taⁿ lí kiâⁿ kan-îm, I-su-la-el bak tio̍h lahsap. "
5:4 Hô-se-a Kéng-kò Pài Ngó͘-siōng ê Lâng
In só͘ chò ê chó͘-tòng in kui tī in ê Siōng-tè; in-ūi îm-loān ê sim tī in lāi-bīn, in mā m̄ bat Siōng-chú.
5:5 I-su-la-el ê kiau-ngō͘ tng-bīn kā in kiàn-chèng. Só͘-í, I-su-la-el kah E-hu-laim, ē in-ūi in ê chōe-kò lâi kha that tio̍h; Iô-tah mā ē kah in chò-hóe kha that tio̍h.
5:6 In ē tòa gû-kûn, iûⁿ-kûn khì cháu-chhōe Siōng-chú, chóng-.sī, chhōe bē tio̍h; in-ūi I í-keng lī-khui in.
5:7 In ǹg Siōng-chú kiâⁿ kúi-chà, thau-seⁿ kiáⁿ. Taⁿ kàu goe̍h ê chhe-it, in kah in ê sán-gia̍p ē siū thun-bia̍t.
5:8 Iô-tah Kok kah I-su-la-el Kok ê Chiàn-cheng
Lín tio̍h tī Gi-be-at pûn sàu-kak, tī La̍h-má pûn kó͘-chhoe, tī Bia̍t-a-biân chhut kéng-kò ê siaⁿ, kóng: Biān-iá-mín, tī lí ê āu-bīn ū tùi-te̍k!
5:9 Tī chek-hoa̍t ê ji̍t, E-hu-laim ē pha-hng; góa tī I-su-la-el chiahê chi-cho̍k tiong, hō͘ in chai chiong-lâi it-tēng ē hoat-seng ê tāichì.
5:10 Siōng-chú kóng, " Iô-tah ê siú-léng chhin-chhiūⁿ chhian-sóa tē-kài ê lâng, Góa beh kā Góa ê siū-khì piàⁿ tī in ê sin chiūⁿ, chhin-chhiūⁿ teh piàⁿ chúi ánne.
5:11 E-hu-laim siū pō-gio̍k, siū sím-phòaⁿ, ap-chè, in-ūi i kam-sim chun-thàn bēng-lēng.
5:12 Só͘-í, Góa tùi E-hu-laim chhin-chhiūⁿ chiù-thâng, tùi Iô-tah chhin-chhiūⁿ teh kā i hiú-hoāi ê.
5:13 " E-hu-laim khòaⁿ tio̍h kakī ū pēⁿ, Iô-tah khòaⁿ pún-sin ū siong, E-hu-laim chiū khì A-siul, chhe lâng khì kìⁿ Ia-le-buh ông, i bē tàng kā lí i hó, mā bē tàng hō͘ lí ê siong hó khí-.lâi.
5:14 " Góa tùi E-hu-laim beh chhin-chhiūⁿ sai, tùi Iô-tah ke beh chhin-chhiūⁿ ióng ê sai. Góa beh kā in thiah-li̍h chia̍h-.khì, Góa beh kā in kā-khì, bô lâng ē-tàng kiù i.
5:15 " Taⁿ Góa beh khì, tńg-khì Góa ê só͘-chāi, ti̍t-kàu in jīn kakī ê chōe, lâi kiû kìⁿ Góa ê bīn; in tī kip-lān ê sî, ē pek-chhiat cháu-chhōe Góa. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。