以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
11:1 Ê-lú-sa-lèm Hông Phòaⁿ-chōe
Siōng-chú ê Sèng Sîn chiū kā góa kí-khí, chhōa góa kàu Siōng-chú ê tiān ǹg tang ê tang-mn̂g. Lí khòaⁿ, tī mn̂g-kháu ū jī-cha̍p gō͘-ê lâng, góa khòaⁿ tio̍h in tiong-kan ū jîn-bîn ê kùi-cho̍k A-chù-l ê kiáⁿ Ia-cha-niah kah Be-ná-iah ê kiáⁿ Pe-la-tiah.
11:2 I kā góa kóng, " Jîn-chú, che to̍h-sī tô͘-bô͘ chōe-ok ê lâng, tī chit-ê siâⁿ lāi thê-chhiòng pháiⁿ tāi.
11:3 In kóng, ' Khí chhù ê kî iáu-bōe kàu, chit-ê siâⁿ sī tiáⁿ, goán sī hit lāi-bīn ê bah. '
11:4 Jîn-chú, in-ūi ánne, lí tio̍h soan-pò͘, tio̍h soan-pò͘ lâi kā in kong-kek. "
11:5 Siōng-chú ê Sèng Sîn lîm-kàu góa, tùi góa kóng, " Lí tio̍h kóng, Siōng-chú ánne kóng: I-su-la-el ê chú-bîn, lín kóng ánne, lín ê sim só͘ siūⁿ ê, Góa chai à.
11:6 Lín tī chit-ê siâⁿ lāi thâi-sí chin chē lâng, hō͘ sin-si móa ke-lō͘.
11:7 " Só͘-í, chì-koân Siōng-chú ánne kóng: Lín só͘ hē tī chit-ê siâⁿ lāi ê sí-lâng to̍h-sī bah, chit-ê siâⁿ to̍h-sī tiáⁿ; chóng-.sī, lín ē tùi hit tiong-kan hông kóaⁿ chhut-.khì.
11:8 Lín kiaⁿ to-kiàm, Góa beh hō͘ to-kiàm lîm-kàu lín. Che sī chì-koân Siōng-chú kóng ê.
11:9 Góa beh tùi hit tiong-kan chhōa lín chhut-.khì, kau tī gōa-pang lâng ê chhiú, koh beh tī lín tiong-kan kiâⁿ sím-phòaⁿ.
11:10 Lín ē tó tī to hā, Góa beh tī I-su-la-el ê kau-kài sím-phòaⁿ lín, lín chiū ē chai Góa sī Siōng-chú.
11:11 Chit-ê siâⁿ bô beh chò lín ê tiáⁿ, lín mā bô beh chò hit tiong-kan ê bah. Góa beh tī I-su-la-el ê kau-kài sím-phòaⁿ lín,
11:12 lín chiū ē chai Góa sī Siōng-chú, in-ūi lín bô kiâⁿ Góa ê lu̍t-lē, mā bô sūn-ho̍k Góa ê hoat-tō͘, to̍h-sī khì chun-siú lín sì-kho͘-ûi lia̍t kok ê hoat-tō͘. "
11:13 Góa tú-á teh soan-pò͘ ê sî, Be-ná-iah ê kiáⁿ Pe-la-tiah sí-.khì. Góa chiū phak tī thô͘-kha, tōa-siaⁿ hoah, " Hāiⁿ ah! Chì-koân Siōng-chú ah, Lí beh kā I-su-la-el ê lâng choân-pō͘ châu-bia̍t, sī-.bô? "
11:14 Siōng-tè Tùi Liû-bông-chiá ê Èng-ín
Siōng-chú ê ōe lîm-kàu góa, kóng,
11:15 " Jîn-chú, tòa tī Ê-lú-sa-lèm ê jîn-bîn, tùi lí ê hiaⁿ-tī — to̍h-sī lí ê hiaⁿ-tī, lí ê chhin-lâng kah I-su-la-el choân ke, to̍h-sī tùi kûn-chiòng kóng, ' Lín tio̍h lī-khui Siōng-chú! In-ūi chit-ê tē sī hō͘ goán chò sán-gia̍p ê. '
11:16 " Só͘-í, lí tio̍h kóng, ' Chì-koân Siōng-chú ánne kóng: Góa sûi-jiân kā in chhian-sóa khì hn̄g-hn̄g, tī lia̍t pang tiong, sì-sòaⁿ in tī lia̍t kok tiong, Góa iáu beh tī in só͘ kàu ê kok, chiām-sî chò in ê sèng-só͘. '
11:17 " Só͘-í lí tio̍h kóng, ' Chì-koân Siōng-chú ánne kóng: Góa beh tùi chiahê jîn-bîn tiong-kan chio-chi̍p lín, mā beh tùi lín sì-sòaⁿ khì-kàu ê lia̍t kok tiong kā lín chū-chi̍p óa-.lâi, koh beh kā I-su-la-el tē siúⁿ-sù hō͘ lín. '
11:18 In ē khì-kàu hia, mā ē tùi in tiong-kan tû-khì it-chhè khó-ò͘ⁿ koh thang oàn-hūn ê mi̍h.
11:19 Góa beh hō͘ in ū choan-it ê sim, mā beh kā sin ê sîn-lêng hē tī in ê lāi-bīn, koh beh tùi in ê jio̍k-thé tiong tû-khì hit khoán chhin-chhiūⁿ chio̍h-thâu ê sim, siúⁿ-sù hō͘ in hit khoán chhin-chhiūⁿ bah ê sim,
11:20 hō͘ in thang sūn-ho̍k Góa ê lu̍t-lē, chun-siú Góa ê hoat-tō͘ lâi kiâⁿ. In chò Góa ê chú-bîn, Góa mā beh chò in ê Siōng-tè.
11:21 Chóng-.sī, sim chun-thàn khó-ò͘ⁿ thang thó-ià-.ê ê sim hit khoán lâng, Góa beh chiàu in só͘ kiâⁿ ê pò-èng tī in ê thâu-khak téng. Che sī chì-koân Siōng-chú kóng ê. "
11:22 Siōng-tè ê Êng-iāu Lī-khui Ê-lú-sa-lèm
Hit sî, ki-lō͘-peng thí-khui in ê si̍t, hiahê lián mā tī in ê piⁿ-a; tī in ê téng-bīn ū I-su-la-el Siōng-tè ê êng-kng.
11:23 Siōng-chú ê êng-kng tùi siâⁿ tiong chiūⁿ-.khì, hioh tī siâⁿ gōa tang pêng ê soaⁿ.
11:24 Sîn-lêng kā góa kí-khí, tī ī-siōng tiong tùi Siōng-tè ê lêng chhōa góa kàu Kal-tí-ah siū lia̍h ê lâng hia; góa só͘ khòaⁿ-.tio̍h ê ī-siōng, chiū lī-khui góa chiūⁿ-.khì.
11:25 Góa chiū kā Siōng-chú só͘ chí-sī góa it-chhè ê tāichì, lóng kóng hō͘ siū lia̍h ê lâng thiaⁿ.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。