以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
6:1 Siōng-chú Chek-pī Pài Ngó͘-siōng
Siōng-chú ê ōe lîm-kàu góa kóng,
6:2 " Jîn-chú, lí tio̍h bīn ǹg I-su-la-el chiahê soaⁿ, lâi tùi in soan-pò͘,
6:3 kóng: I-su-la-el chiahê soaⁿ, lín tio̍h thiaⁿ chì-koân Siōng-chú ê ōe. Chì-koân Siōng-chú tùi tōa soaⁿ, sió soaⁿ, chúi-kau, soaⁿ-kok ánne kóng: Lí khòaⁿ, Góa, Góa beh ēng to-kiàm lîm-kàu lín, mā beh húi-bia̍t lín ê soaⁿ-thâu tôaⁿ.
6:4 Lín ê chè-tôaⁿ it-tēng ē hong-hùi, lín ê ji̍t-thâu siōng ê thiāu ē siū phah-chhùi; Góa beh hō͘ lín siū thâi ê lâng tó tī lín ê ngó͘-siōng ê bīn-chêng.
6:5 Góa mā beh kā I-su-la-el cho̍k ê sin-si hē tī in ê ngó͘-siōng ê bīn-chêng, kā lín ê kut-thâu sì-kè hiat tī lín ê tôaⁿ ê sì-kho͘-ûi.
6:6 Tī lín só͘-ū tòa ê só͘-chāi, siâⁿ ē pha-hng, soaⁿ-thâu tôaⁿ ē hong-hùi; hō͘ lín ê chè-tôaⁿ pha-hng, hong-hùi, lín ê ngó͘-siōng siū phah-chhùi bia̍t-bông, lín ê ji̍t-thâu siōng ê thiāu ē hông chhò lo̍h-.lâi, lín ê só͘ chò lóng ē hòe-bô.
6:7 Siū thâi ê lâng ē tó tī lín tiong-kan, lín chiū ē chai Góa sī Siōng-chú.
6:8 " Lín sì-sòaⁿ tī lia̍t kok ê sî, Góa beh tī lia̍t pang tiong hō͘ só͘ chhun lo̍h-.lâi ê lâng thoat-lī to-kiàm.
6:9 Lín tiong-kan tit tio̍h thoat-lī ê lâng ē tī in siū lia̍h-.khì ê lia̍t kok tiong kì-liām Góa, in-ūi Góa beh húi-hoāi in ūi tio̍h îm-loān lâi lī-khui Góa ê sim, í-ki̍p in loân-ài ngó͘-siōng ê ba̍k-chiu; in ē ūi tio̍h só͘ kiâⁿ ê pháiⁿ kah khó-ò͘ⁿ ê tāichì, lâi oàn-hūn kakī.
6:10 In ē chai Góa sī Siōng-chú; Góa kóng beh kàng chai-hō hō͘ in, m̄-sī khang-khang ê ōe.
6:11 " Chì-koân Siōng-chú ánne kóng: Lí tio̍h phah chhiú tǹg kha, kóng: Chhám ah! I-su-la-el ê chú-bîn kiâⁿ it-chhè khó-ò͘ⁿ ê pháiⁿ tāi; in ē tùi to-kiàm, tùi ki-hng, tùi un-e̍k lâi sí.
6:12 Tòa tī hn̄g ê lâng ē tùi un-e̍k lâi sí; tòa tī kīn ê lâng ē tùi to-kiàm lâi sí; lâu-.leh siū ûi-khùn ê lâng ē tùi ki-hng lâi sí; ánne Góa beh tī in ê sin chiūⁿ choân-pō͘ chiâⁿ Góa siū-khì só͘ beh chò ê tāichì.
6:13 In siū thâi ê lâng tó tī in chè-tôaⁿ sì-kho͘-ûi ê ngó͘-siōng tiong, to̍h-sī ta̍k-ê koân soaⁿ, ta̍k-ê soaⁿ téng, ta̍k-ê chheⁿ chhiū ê chhiū kha, ta̍k-ê ām-ām ê siōng chhiū kha, to̍h-sī in hiàn phang-phang ê chè-sū hō͘ só͘-ū ngó͘-siōng ê só͘-chāi. Hit sî, lín to̍h ē chai Góa sī Siōng-chú.
6:14 Góa beh chhun Góa ê chhiú kā in kong-kek, hō͘ in tòa ê só͘-chāi pha-hng, hi-bî, tùi khòng-iá kàu Ti-bu-la̍h, in to̍h ē chai Góa sī Siōng-chú. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。