版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

28:1

I-é-lí-miah kah Ha-na-niah Sian-ti

Tng hit nî, Iô-tah ông Che-ti-kiah khí-thâu chē-ūi ê tē-sì nî gō͘ goe̍h, Gi-bóng lâng A-chù-l ê kiáⁿ Ha-na-niah sian-ti tī Siōng-chú ê tiān, tng chiahê chè-si kah chèng lâng ê bīn-chêng, tùi góa kóng,
28:2 " Bān-kun ê Siōng-chú — I-su-la-el ê Siōng-tè ánne kóng: Góa í-keng at-tn̄g Ba-bú-lông ông ê ka-taⁿ.
28:3 Nn̄g-nî lāi, Góa beh kā Ba-bú-lông ông — Nep-kat-ne-chal tùi chit só͘-chāi chhiúⁿ khì-kàu Ba-bú-lông, to̍h-sī Siōng-chú ê tiān só͘-ū ê khì-kū, lóng beh hō͘ i tò tńg-lâi chit só͘-chāi.
28:4 Góa koh beh kā Iô-tah ông E-hō͘-iá-kim ê kiáⁿ — Ia-ko-niah kah siū lia̍h kàu Ba-bú-lông hiahê Iô-tah lâng, hō͘ in tò tńg-lâi chit só͘-chāi, in-ūi Góa beh at-tn̄g Ba-bú-lông ông ê ka-taⁿ. Che sī Siōng-chú kóng ê. "
28:5 Hit sî, I-é-lí-miah sian-ti tng chiahê chè-si kah khiā tī Siōng-chú ê tiān chèng lâng ê bīn-chêng, tùi sian-ti Ha-na-niah kóng,
28:6 " Sian-ti I-é-lí-miah kóng, A-men! Goān Siōng-chú ánne kiâⁿ, goān Siōng-chú chiâⁿ lí só͘ ī-giân chiahê ōe, hō͘ Siōng-chú chhù lāi ê khì-kū kah só͘-ū siū lia̍h-.khì ê lâng, tùi Ba-bú-lông tńg-lâi chit só͘-chāi.
28:7 Chóng-.sī, góa tùi lí kah chèng lâng só͘ kóng ê ōe, lí tio̍h thiaⁿ.
28:8 Tùi kó͘-chá í-lâi, lí góa í-chêng hiahê sian-ti, tùi chin chē só͘-chāi kah tōa kok ī-giân kau-chiàn, chai-hō, un-e̍k.
28:9 Sian-ti ī-giân pêng-an, hit-ê sian-ti ê ōe tit tio̍h èng-giām, chiū chai hit-ê sian-ti chin-chiàⁿ sī Siōng-chú só͘ chhe ê. "
28:10 Chiū ánne, sian-ti Ha-na-niah kā I-é-lí-miah sian-ti ām-kún ê ka-taⁿ the̍h khí-.lâi, kā i at-tn̄g.
28:11 Ha-na-niah koh tng chèng lâng ê bīn-chêng kóng, " Siōng-chú ánne kóng: Nn̄g nî lāi, Góa beh chiàu ánne tùi lia̍t kok ê ām-kún at-tn̄g Ba-bú-lông ông Nep-kat-ne-chal ê ka-taⁿ. " Sian-ti I-é-lí-miah chiū chò i khì.
28:12 Ha-na-niah Sian-ti kā I-é-lí-miah sian-ti ām-kún ê ka-taⁿ at-tn̄g liáu-āu, Siōng-chú ê ōe lîm-kàu I-é-lí-miah kóng,
28:13 " Lí tio̍h khì kā Ha-na-niah kóng, Siōng-chú ánne kóng: Lí at-tn̄g chhâ-ê ka-taⁿ, Góa beh chò thih ê ka-taⁿ lâi tāi-thè!
28:14 In-ūi bān-kun ê Siōng-chú — I-su-la-el ê Siōng-tè ánne kóng: Góa kā thih ê ka-taⁿ khòa tī lia̍t pang ê ām-kún, hō͘ in ho̍k-sāi Ba-bú-lông ông — Nep-kat-ne-chal, in lóng ē kā i ho̍k-sāi; Góa mā kā chhân-iá ê cháu-siù hō͘ i. "
28:15 Sian-ti I-é-lí-miah chiū tùi sian-ti Ha-na-niah kóng, " Ha-na-niah, lí tio̍h thiaⁿ! Siōng-chú pēng bô chhe lí, lí kèng-jiân hō͘ chiahê jîn-bîn óa-khò pe̍h-chha̍t.
28:16 Só͘-í, Siōng-chú ánne kóng: Lí khòaⁿ, Góa beh hō͘ lí lī-khui sè-kan, lí kin-nî it-tēng ē sí, in-ūi lí kóng pōe-ge̍k Siōng-chú ê ōe. "
28:17 Hit nî chhit-.goe̍h, sian-ti Ha-na-niah chiū sí.


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。