以赛亚书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
27:1 Kàu hit ji̍t, Siōng-chú ē ēng I giám-ngē ū la̍t ê tōa ki to lâi hêng-hoa̍t go̍k-hî, to̍h-sī hit khoán gâu cháu ê chôa, koh hêng-hoa̍t go̍k-hî, to̍h-sī hit khoán oan-oan oat-oat ê chôa, mā ē thâi-sí hái tiong ê koài-bu̍t.
27:2 Tng hit ji̍t, ū chhut hó chiú ê phû-tô hn̂g, lín tio̍h kí chit-ê hn̂g chhiùⁿ koa, kóng,
27:3 " Góa — Siōng-chú sī kò͘-siú phû-tô hn̂g ê; góa sî-khek kā i koàn-ak, mê-ji̍t kā i kò͘-siú, bián-tit lâng lâi kā i sún-hāi.
27:4 Góa bô chûn siū-khì. Goān ū chhì-phè, chi̍t-lê kah Góa kau-chiàn, Góa chiū hó táⁿ chìn-chêng khì chhōe i, kā i chò chi̍t-ē sio-.khì.
27:5 Nā bô, hō͘ i khîⁿ tio̍h góa ê lêng-le̍k lâi kah góa hô-hó. Goān i kah góa hô-hó."
27:6 Chiong-lâi Iâ-kop ē tèng i ê kin; I-su-la-el ē hoat-gê khui hoe, in ê kóe-chí ē chhiong-móa sè-kài.
27:7 Chú phah I-su-la-el, kám chhin-chhiūⁿ phah hiahê bat kā i phah ê lâng? I siū thâi, kám chhin-chhiūⁿ hiahê thâi i ê lâng siū thâi?
27:8 Lí kóaⁿ in lī-khui khì, sī chiàu só͘ ha̍p-gî ê teh kah in sio-cheⁿ; khí tang-hong ê ji̍t, Lí chiū ēng tōa hong kā in kóaⁿ chhut-.khì.
27:9 Só͘-í, Iâ-kop ê chōe-ok ē ánne tit tio̍h sé-tû; i ê chōe-kò ē tit tio̍h tû-khì ê goân-in sī chāi tī chit-ê, i hō͘ chè-tôaⁿ ê chio̍h-thâu piàn-chò phah-chhùi ê hoe-chio̍h, tì-sú chhâ-thiāu kah ji̍t-thâu ê ngó͘-siōng bô koh khiā-.leh.
27:10 In-ūi kian-kò͘ ê siâⁿ piàn-chò hi-bî, pha-hng ê chhù-the̍h chhin-chhiūⁿ khòng-iá; gû-á ē tī hia chia̍h chháu, tó tī hia, mā ē kā chhiū-ki ê hio̍h chia̍h liáu-liáu.
27:11 I ê ki ta-.khì siū at-tn̄g, chabó͘ lâng ē lâi kā i sio-sio-.khì. In-ūi chiahê jîn-bîn gōng-gōng, só͘-í, chhòng-chō in ê Siōng-tè bô beh liân-bín in, kā in chō-sêng ê bô beh si un hō͘ in.
27:12 Kàu hit ji̍t, Siōng-chú ē khà i ê kóe-chí, tùi tōa hô kàu Ai-gi̍p ê khe, lín I-su-la-el lâng, ē chi̍t-ê chi̍t-ê hō͘ I siu-khioh khí-.lâi.
27:13 Tng hit ji̍t, tōa kó͘-chhoe ē pûn, kiàn-nā phiau-liû tī A-siul tē kah siū kóaⁿ tī Ai-gi̍p tē ê lâng, lóng ē lâi tī sèng-soaⁿ, tī Ê-lú-sa-lèm kèng-pài Siōng-chú.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。