以赛亚书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
19:1 Siōng-chú beh Têng-hoa̍t Ai-gi̍p
Koan-hē Ai-gi̍p ê be̍k-sī. Lí khòaⁿ, Siōng-chú chē chin kín ê hûn lîm-kàu Ai-gi̍p. Ai-gi̍p ê ngó͘-siōng tī I ê bīn-chêng phi̍h-phi̍h chhoah; Ai-gi̍p lâng ê sim tī hit lāi-bīn siau-iûⁿ.
19:2 Góa beh kek-tōng Ai-gi̍p lâng kong-kek Ai-gi̍p lâng, hiaⁿ-tī kong-kek hiaⁿ-tī, chhù-piⁿ kong-kek chhù-piⁿ, siâⁿ kong-kek siâⁿ, kok kong-kek kok.
19:3 Ai-gi̍p lâng ê sim-sîn ē tī lāi-bīn sit táⁿ, góa beh pāi-hoāi in ê kè-bô͘. In ē kiû ngó͘-siōng kah liām chiù ê, chò tâng-ki ê, í-ki̍p kiâⁿ siâ-su̍t ê.
19:4 Góa beh kā Ai-gi̍p lâng kau tī chân-jím ê chú-lâng ê chhiú, kiông-pō ê ông ē kā in koán-hat. Che sī Chú — bān-kun ê Siōng-chú kóng ê.
19:5 Hái tiong ê chúi ē choa̍t-tn̄g, hô chúi ē siau-sit ta-.khì.
19:6 Kang-hô ē piàn chhàu, Ai-gi̍p ê hô chúi ē kiám-chió, koh ta-ta-.khì; lô͘-úi kah lô͘-tek lóng ē ta-.khì.
19:7 Hô piⁿ kah hô kháu ê chháu-po͘, í-ki̍p hô-piⁿ só͘ chai-chèng ê lóng ē ta-.khì, siū sàu-tû, siau-sit-.khì.
19:8 Thó hî ê lâng ē thî-khàu, pàng tiò-jī tī hô-.ni̍h ê lâng ē pi-siong; pha bāng tī chúi-.ni̍h ê lâng ē soe-pāi.
19:9 Chit iù-tē pò͘ kah chit pe̍h-pò͘ ê lâng lóng ē kiàn-siàu.
19:10 Kok-ka ê chio̍h-thiāu ē tú tio̍h phah-chhùi, só͘-ū chhiàⁿ-kang ê sim ē hoân-ló.
19:11 Chó-an ê siú-léng hui-siông gû-gōng! Hôa-láu tōa tì-hūi ê bô͘-sū só͘ kè-ōe ê chiâⁿ-chò gû-chhún. Lín ná káⁿ tùi Hôa-láu kóng: Góa sī tì-hūi lâng ê kiáⁿ-sun, góa sī kó͘-chá kun-ông ê kiáⁿ-sun?
19:12 Lí ê tì-hūi lâng chitmá tī tó-ūi? Bān-kun ê Siōng-chú koan-hē Ai-gi̍p só͘ tiāⁿ tio̍h ê chí-ì, in thang lâi hō͘ lí chai, thang kā lí kóng à.
19:13 Chó-an ê siú-léng lóng ē piàn-chò gōng lâng, Nó͘-hu ê siú-léng lóng ē siū bê-he̍k; Ai-gi̍p chi-cho̍k ê chhù-kak-thâu ê chio̍h chhōa i ê jîn-bîn tī bê-lō͘.
19:14 Siōng-chú ēng lāmsám ê sîn-lêng chham ji̍p-khì tī in tiong-kan, tì-sú in chhōa Ai-gi̍p só͘ kiâⁿ ê it-chhè lóng chhut chha-chhò, chhin-chhiūⁿ chia̍h-chiú-chùi ê lâng teh tang-tó sai-oai.
19:15 Ai-gi̍p ê tiong-kan bô-lūn thâu kah bóe, chang-ki kah lô͘-úi só͘ chò ê kang, bô chi̍t hāng ē chiâⁿ.
19:16 Ai-gi̍p ē Kèng-pài Siōng-chú
Kàu hit ji̍t, Ai-gi̍p ē chhin-chhiūⁿ chabó͘ lâng, koh ē kiaⁿ-hiâⁿ phi̍h-phi̍h chhoah. In-ūi bān-kun ê Siōng-chú ê chhiú ê bú-lāng, to̍h-sī I tī in ê téng-bīn só͘ bú-lāng ê, ē lâi kā in hêng-hoa̍t.
19:17 Iô-tah tē ē chiâⁿ-chò Ai-gi̍p só͘ kiaⁿ-hiâⁿ ê, kiàn-nā tùi i kóng-khí Iô-tah tē, i chiū kiaⁿ-hiâⁿ. Che sī bān-kun ê Siōng-chú tùi Ai-gi̍p só͘ tiāⁿ tio̍h ê chí-ì.
19:18 Tng hit ji̍t, Ai-gi̍p tē ē ū gō͘-ê siâⁿ kóng Ka-nân ê khiuⁿ-kháu, koh kí bān-kun ê Siōng-chú lâi chiùchōa. Ē ū chi̍t-ê kiò-chò bia̍t-bông ê siâⁿ.
19:19 Tng hit ji̍t, tī Ai-gi̍p tē ê tiong-kan, ē ūi tio̍h Siōng-chú khí chi̍t chō tôaⁿ; tī Ai-gi̍p ê pian-kài, ē ūi Siōng-chú khiā chi̍t ki thiāu.
19:20 Che lóng ē tī Ai-gi̍p tē ūi bān-kun ê Siōng-chú chò kì-hō kah chèng-kì. Ai-gi̍p lâng in-ūi siū lâng ê chè-ap, ai-kiû Siōng-chú, I chiū chhe chi̍t ūi hiàn-sin-chiá, to̍h-sī ū châi-lêng ê lâi kā in chín-kiù.
19:21 Siōng-chú beh hō͘ Ai-gi̍p lâng bat I, tī hit ji̍t, Ai-gi̍p lâng it-tēng ē bat Siōng-chú, mā ē hiàn chè-mi̍h kah lé-mi̍h kā I kèng-pài, koh tùi Siōng-chú hē goān kah siā goān.
19:22 Siōng-chú ē phah Ai-gi̍p, iân-lō͘ phah iân-lō͘ i-tī, in ē chiū ánne kui-ǹg Siōng-chú. I ē thiaⁿ in ê kî-tó, lâi kā in i-tī.
19:23 Tng hit ji̍t, ē ū tōa lō͘ tùi Ai-gi̍p thàu kàu A-siul. A-siul lâng ē ji̍p-khì Ai-gi̍p, Ai-gi̍p lâng mā ē ji̍p-khì A-siul; Ai-gi̍p lâng ē kah A-siul lâng chò-hóe ho̍k-sāi Siōng-chú.
19:24 Tng hit ji̍t, I-su-la-el ē kah Ai-gi̍p chham A-siul, saⁿ-ê pêng-téng chò-hóe chûn-chāi, hō͘ tē-chiūⁿ ê lâng lóng tit tio̍h hok-khì.
19:25 In-ūi bān-kun ê Siōng-chú sù-hok in, kóng, " Ai-gi̍p — Góa ê jîn-bîn, A-siul Góa ê chhiú só͘ chō ê, I-su-la-el Góa ê sán-gia̍p, lâng-lâng lóng ū hok-khì! "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。