以赛亚书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
7:1 Tùi A-khà-chuh Ông Kóng ê Ōe
O͘-chi-a ê sun, Iô-thàm ê kiáⁿ, Iô-tah ông A-khà-chuh chē-ūi ê sî, A-lâm ông Le-chín kah I-su-la-el ông Le-má-liah ê kiáⁿ Pe-kah, khí-lâi kong-kek Ê-lú-sa-lèm, chóng-.sī, kong bē phòa.
7:2 Ū lâng kā Ta-bi̍t ê ke kóng, " A-lâm kah E-hu-laim í-keng kiat-bêng, ông ê sim kah jîn-bîn ê sim lóng iô-tāng, chhin-chhiūⁿ chhiū-nâ lāi ê chhiū hō͘ hong chhoe tín-tāng. "
7:3 Siōng-chú tùi I-sá-iah kóng, " Taⁿ lí kah lí ê kiáⁿ Sial-ia-siup tio̍h chhut-.khì, kàu téng tî ê chúi-kau kháu, tī phiò-pò͘ sai-hū ê chhân ê tōa lō͘, khì gêng-chiap A-khà-chuh,
7:4 tùi i kóng, ' Lí tio̍h kín-sīn an-chēng, m̄ thang in-ūi chit nn̄g ki chhut ian ê hóe-pé thâu, to̍h-sī A-lâm ê Le-chín kah Le-má-liah ê kiáⁿ, ke̍k-lia̍t ê siū-khì lâi kiaⁿ-hiâⁿ sit táⁿ.
7:5 In-ūi A-lâm kah E-hu-laim, í-ki̍p Le-má-liah ê kiáⁿ siat-kè pháiⁿ ê kè-bô͘ beh lâi hāi lí,
7:6 kóng: Lán tio̍h khí-.lâi, khì kong-kek Iô-tah, kā i jiáu-loān kong-phòa, koh tī i ê tiong-kan siat-li̍p Tha-bi-el ê kiáⁿ chò ông.
7:7 " Góa — chì-koân Siōng-chú kóng: Chit-ê kè-bô͘ bē kiàn-li̍p, mā bē sêng-kong.
7:8 In-ūi Ta-má-su-ko chò A-lâm ê thâu, Le-chín chò Ta-má-su-ko ê thâu; tī la̍k-cha̍p gō͘ nî lāi, E-hu-laim it-tēng siū phò-hoāi, tì-sú bē chiâⁿ-chò kok.
7:9 Jî-chhiáⁿ Sa-má-lī-a chò E-hu-laim ê thâu, Le-má-liah ê kiáⁿ chò Sa-má-lī-a ê thâu. " Siat-sú lín m̄-sìn, chiū it-tēng bē tàng khiā chāi. "
7:10 Em-má-nu-el ê Kì-hō
Siōng-chú koh hoan-hù A-khà-chuh kóng,
7:11 " Lí tio̍h tùi Siōng-chú — lí ê Siōng-tè kiû chi̍t-ê tiāu-thâu, thang tī chhim-ian á-.sī ke̍k koân ê thiⁿ tùi I kiû. "
7:12 A-khà-chuh kóng, " Góa m̄ kiû, mā m̄ chhì-thàm Siōng-chú. "
7:13 I-sá-iah kóng, " Ta-bi̍t ê ke, lín tio̍h thiaⁿ; lín hō͘ lâng ûi-lân, kám sǹg-chò sī sió-khóa sū, mā ē hō͘ góa ê Siōng-chú ûi-lân?
7:14 In-ūi ánne, Chú pún-sin ē hō͘ lín chi̍t-ê tiāu-thâu, lí khòaⁿ, ū chāi-sek-lí ē hoâi-īn seⁿ kiáⁿ, koh kā I hō-miâ kiò-chò ' Em-má-nu-el'.
7:15 Kàu I ē-hiáu pàng-sak pháiⁿ lâi kéng hó ê sî, I chiah beh chia̍h leng-iû kah bi̍t.
7:16 In-ūi tī chit-ê gín'á iáu bē hiáu pàng-sak pháiⁿ lâi kéng hó ê chìn-chêng, lí só͘ kiaⁿ ê hit nn̄g-ê ông ê tē ē tú tio̍h siū pàng-sak.
7:17 " Siōng-chú ē hō͘ hoān-lān ê ji̍t lîm-kàu tī lí kah lí ê jîn-bîn, í-ki̍p lín lāu-pē ê ke; tùi E-hu-laim lī-khui Iô-tah í-lâi, m̄ bat ū chit khoán ê ji̍t-chí, to̍h-sī A-siul ông lâi kong-kek lín.
7:18 " Hit sî, Siōng-chú ē hoah hō-lēng, ho͘-kiò Ai-gi̍p kang-hô ê goân-thâu ê hô͘-sîn kah A-siul tē ê phang.
7:19 In lóng ē poe-.lâi, hioh tī pha-hng ê soaⁿ-kok, chio̍h-phāng kah só͘-ū ê chhì-phè, í-ki̍p it-chhè ê chháu-tiûⁿ.
7:20 " Hit sî, Chú ē ēng tùi hô gōa chhiàⁿ-.lâi ê thì thâu to, to̍h-sī A-siul ông lâi thì in ê thâu kah kha ê mn̂g, mā beh choân-pō͘ khun in ê chhùi-chhiu.
7:21 " Hit sî, chi̍t-ê lâng ē chhī chi̍t chiah gû-bó kah nn̄g chiah mî-iûⁿ-bó.
7:22 In-ūi chhut leng chē, i ē-tàng chia̍h leng-iû; tī kéng lāi só͘ chhun lo̍h-.lâi ê lâng lóng ē-tàng chia̍h leng-iû kah bi̍t.
7:23 " Chá-chêng só͘-ū chai chi̍t chheng châng phû-tô chhiū ta̍t chi̍t chhìn gîn, kàu hit sî ē seⁿ chhì-phè kah chi̍t-lê.
7:24 Lâng beh chiūⁿ-khì hia tio̍h tòa kiong-chìⁿ, in-ūi choân tē chhiong-móa chhì-phè kah chi̍t-lê.
7:25 Só͘-ū ēng tî-thâu ku̍t ê soaⁿ-tē, lí in-ūi kiaⁿ chhì-phè kah chi̍t-lê m̄-káⁿ chiūⁿ-khì hia, chí-put-kò sī chò pàng gû chia̍h chháu ê só͘-chāi, chò iûⁿ thún-ta̍h ê ūi. "
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。