版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

雅歌 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

8:1 Khó͘-bē thang lí chò góa ê hiaⁿ-tī, sī bat suh góa lāu-bú ê leng ê; ánne, góa nā tī gōa-bīn tú tio̍h lí, to̍h-sī kah lí chim-chhùi, mā bô lâng ē khòaⁿ-khin góa.
8:2 Góa beh ín-chhōa lí, chhōa lí ji̍p-khì góa lāu-bú ê ke, i ē kà-sī góa; góa beh hō͘ lí lim tiâu-hô ê chiú kah sia̍h-liû ê chiap.
8:3 I ê tò chhiú ē hû góa ê thâu-khak, i ê chiàⁿ chhiú beh phō góa.
8:4 Ê-lú-sa-lèm ê chèng chabó͘ gín'á, góa pek-chhiat hoan-hù lín: M̄-thang kā i phah chhéⁿ, m̄ thang kiáu-jiáu góa só͘ ài ê, tio̍h thèng-hāu i kakī chêng-goān.
8:5 [chèng chabó͘ gín'á] Hitê khò tī i ê lông-kun, tùi khòng-iá khí-.lâi ê, che sī siáⁿ lâng? [siàu-lí] Góa tī phông-kó chhiū-ē kiò-chhéⁿ lí, lí ê lāu-bú tī hia keng-kòe thòng-khó͘, tī hia keng-kòe thòng-khó͘ chiah seⁿ lí.
8:6 Kiû lí kā góa khek tī lí ê sim, chhin-chhiūⁿ ìn-á; khek tī lí ê chhiú-kut, chhin-chhiūⁿ ìn-á; in-ūi ài-chêng kiông-lia̍t kah kiông-beh sí-.khì, chi̍t-tò͘ chân-jím kah chhin-chhiūⁿ im-hú. I só͘ hoat-chhut ê jia̍t-khì chhin-chhiūⁿ hóe-iām, sī ke̍k béng-lia̍t ê hóe-iām.
8:7 Koh khah chē ê chúi mā bē tàng siau-bia̍t ài-chêng; tōa-chúi mā bē tàng kā i im-ba̍t. Nā ū lâng beh ēng chhù lāi choân-pō͘ ê sán-gia̍p lâi ōaⁿ ài-chêng, i tek-khak ē hō͘ lâng biáu-sī.
8:8 [siàu-lí ê hiaⁿ-tī] Goán ū chi̍t-ê sè-hàn sió-mōe, i iáu-bōe tióng-sêng, lâng lâi kóng chhin-chiâⁿ ê ji̍t-chí, goán tio̍h án-chóaⁿ thè goán ê sió-mōe siat-hoat?
8:9 I nā-sī chhiûⁿ, goán beh tī i ê téng-bīn khí gîn thah; i nā-sī mn̂g, goán beh ēng pek-hiuⁿ chhâ pán kā i ûi khí-.lâi.
8:10 [siàu-lí] Góa sī chhiûⁿ, góa ê leng chhin-chhiūⁿ lâu-koh. Hit sî, góa tī i ê ba̍k-chiu tiong chhin-chhiūⁿ tit tio̍h pêng-an ê lâng.
8:11 [chùn-lâm] Só͘-lô-móng tī Ba-al-Ha-móng ū chi̍t khu phû-tô hn̂g, i kā chit-ê phû-tô hn̂g cho͘ hō͘ lâng khì kò͘-siú; ta̍k lâng ūi tio̍h in siu-sêng ê kóe-chí tio̍h la̍p chi̍t chhìn gîn.
8:12 Góa ū kakī ê phû-tô hn̂g; Só͘-lô-móng, hit chi̍t chheng kui hō͘ lí, nn̄g pah kui hō͘ kò͘-siú kóe-chí ê lâng.
8:13 Tiàm tī hn̂g tiong ê tâng-phōaⁿ lóng ài thiaⁿ lí ê siaⁿ, kiû lí hō͘ góa mā ē-tàng thiaⁿ-.tio̍h.
8:14 [siàu-lí] Góa ê lông-kun, lí tio̍h kóaⁿ-kín lâi, chhin-chhiūⁿ lêng-iûⁿ á-.sī lo̍k-á tī phang chháu ê soaⁿ.


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。