圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

传道书线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

5:1

M̄-thang Sûi-piān Hē Goān

Lí khì-kàu Siōng-tè ê tiān, tio̍h kín-sīn lí ê kha-pō͘. In-ūi kiâⁿ óa-lâi thiaⁿ ê iâⁿ-kòe gōng lâng hiàn chè, in-ūi in m̄-chai só͘ kiâⁿ ê sī pháiⁿ.
5:2 Lí tī Siōng-tè ê bīn-chêng m̄ thang sûi-piān kóng-ōe, mā m̄ thang sim tio̍h-kip lâi kóng-ōe. In-ūi Siōng-tè tī thiⁿ-.ni̍h, lí tī tē-.ni̍h, só͘-í, lí ê giân-gí tio̍h khah chió.
5:3 In-ūi tāichì chē chiah ē bîn-bāng; giân-gí chē chiah ū gōng lâng ê siaⁿ.
5:4 Lí tùi Siōng-tè hē goān, siā goān m̄ thang iân-chhiân; in-ūi I bô hoaⁿ-hí gû-gōng ê lâng, lí só͘ hē ê goān eng-kai tio̍h siā.
5:5 Lí hē goān nā bô siā goān, lêng-khó bô hē.
5:6 M̄-thang hō͘ lí ê chhùi tì-sú jio̍k-thé hoān chōe, mā m̄ thang tī sù-chiá ê bīn-chêng kóng lí ê hē goān sī chhò-gō͘ ê; lí ná ē hō͘ Siōng-tè in-ūi lí ê siaⁿ siū-khì, lâi pāi-hoāi lí ê chhiú só͘ chò ê tāichì?
5:7 In-ūi bîn-bāng chin chē, giân-gí chin chē, kî-tiong ū khang-hi; chóng-.sī, tio̍h kèng-ùi Siōng-tè.
5:8

Jîn-seng ê Khang-hi

Lí nā tī séng lāi khòaⁿ tio̍h sànchhiah lâng siū ap-pek, á-.sī ēng kiông-koân chhiúⁿ-toa̍t kong-gī kong-pêⁿ ê tāichì, m̄ thang in-ūi ánne lâi tio̍h-kiaⁿ kah gāng-.khì; in-ūi ū chi̍t ūi pí hit-ê chē koân ūi khah koân-.ê teh kàm-chhat; chóng-.sī, tī lâng ê téng-bīn iáu ū pí in khah koân ê Siōng-tè.
5:9 Jî-chhiáⁿ tē-.ni̍h ê lī-ek sī kui tī kûn-chiòng, to̍h-sī kun-ông mā ū siū tio̍h chhân-tē ê kiong-kip.
5:10 Tui-kiû chîⁿ-châi ê lâng bô in-ūi ū chîⁿ lâi ti chiok; ì-ài hù-jū ê lâng bô in-ūi tit lī lâi ti chiok; che mā sī khang-hi.
5:11 Châi-bu̍t ke-thiⁿ, chia̍h i ê lâng mā ke-thiⁿ, gia̍p-chú ū tit tio̍h siáⁿ-mi̍h lī-ek? Put-kò sī ba̍k-chiu khòaⁿ tio̍h niā-niā.
5:12 Lô-lo̍k ê lâng put-koán chia̍h chē chia̍h chió, lóng chin hó khùn; hó-gia̍h lâng ê hong-sēng hō͘ i bē khùn-.tit.
5:13 Góa khòaⁿ tio̍h ji̍t-kng ê ē-bīn ū chi̍t kiāⁿ tōa chai-hō, to̍h-sī châi-chú tiāⁿtiāⁿ siú i ê chîⁿ-châi lâi hāi tio̍h kakī.
5:14 In-ūi tú tio̍h bô phah-sǹg ê tāichì, chiahê chîⁿ-châi chiū siau-sit-khì; hit-ê lâng nā seⁿ kiáⁿ, chhiú lāi mā ē bô pòaⁿ-hāng.
5:15 I án-chóaⁿ tùi lāu-bú ê thai chhut-.lâi, mā ē chhin-chhiūⁿ ánne thǹgpaktheh tńg-.khì. I lô-lo̍k só͘ tit tio̍h ê, chhiú lāi bē tàng tòa kah pòaⁿ sián chîⁿ khì.
5:16 I lâi ê chêng-hêng án-chóaⁿ, i khì ê sî mā sī ánne; che mā sī chi̍t hāng tōa chai-hō. I ūi tio̍h hong lâi lô-lo̍k ū siáⁿ-mi̍h lī-ek?
5:17 Jî-chhiáⁿ i chi̍t-sì-lâng tī o͘-àm tiong teh chia̍h, ū chin chē hoân-ló, koh ū pēⁿ-thiàⁿ kah siū-khì.
5:18 Lí khòaⁿ, góa só͘ khòaⁿ-chò hó kah bí-biāu ê, to̍h-sī lâng tī Siōng-tè siúⁿ-sù i it-seng ê ji̍t-chí lâi lim-chia̍h, hióng-siū tī ji̍t-kng ê ē-bīn lô-lo̍k só͘ tit tio̍h ê hó pò-siúⁿ, in-ūi che sī i ê hūn-gia̍h.
5:19 Kiàn-nā tit tio̍h Siōng-tè hō͘ i ū chîⁿ-châi lâi hó-gia̍h, hō͘ i ē-tàng hióng-siū, chhú i ê hūn-gia̍h, tī i ê lô-khó͘ tiong lâi khoài-lo̍k, che sī Siōng-tè ê siúⁿ-sù.
5:20 I m̄-bián su-sióng it-seng ê nî-ji̍t, in-ūi Siōng-tè ū chiàu i sim só͘ ì-ài ê kā i pò-siúⁿ.

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.