箴言 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
29:1 Lâng tiāⁿtiāⁿ siū chek-hoa̍t, iû-goân ngē i ê ām-kún, i ē hut-jiân-kan pāi-hoāi, lóng bô hoat-tō͘ thang i-tī.
29:2 Gī lâng ke-thiⁿ chin chē ê sî, jîn-bîn chiū khoài-lo̍k; pháiⁿ lâng chiáng-koân ê sî, jîn-bîn chiū thó͘-khùi.
29:3 Him-bō͘ tì-hūi ê lâng hō͘ lāu-pē khoài-lo̍k; kah ki-lí kiat-kau ê lâng khui lāu-pē ê chîⁿ-châi.
29:4 Ông chiàu kong-pêⁿ ē hō͘ kok kian-kò͘; ài chiap-siū o͘-se ê ông chiū ē kā kok chhia-tó.
29:5 Phô͘-tháⁿ i chhù-piⁿ ê lâng, to̍h-sī siat lô-bāng tîⁿ kakī ê kha.
29:6 Pháiⁿ lâng ê chōe sī in ê lô-bāng; to̍k-to̍k gī lâng ē-tàng chhiùⁿ koa hoaⁿ-hí.
29:7 Gī lâng chhâ-bêng sànchhiah lâng ê àn-kiāⁿ; pháiⁿ lâng bô bêng-lí lóng bô koan-sim.
29:8 Bú-bān ê lâng kiáu-jiáu siâⁿ, ná chhin-chhiūⁿ teh pàng hóe sio; to̍k-to̍k tì-sek ê lâng ē hō͘ siū-khì lóng soah.
29:9 Tì-hūi ê lâng kah gōng lâng sio-cheⁿ, á-.sī siū-khì á-.sī kiàn-siàu lóng bē tàng an-chēng.
29:10 Ài thâi lâng ê lâng oàn-hūn oân-siān ê lâng; to̍k-to̍k chèng-ti̍t ê lâng ē-tàng pó-siú kakī ê sèⁿ-miā.
29:11 Gû-gōng ê lâng ū siū-khì chiū lóng hián-chhut; m̄ koh, tì-sek ê lâng chiū iok-sok kakī hō͘ i soah.
29:12 Chiáng-koân ê lâng nā chun-thàn pe̍h-chha̍t ōe, i ê jîn-sîn chiū lóng sī pháiⁿ.
29:13 Sàn-chhiah lâng kah pō-gio̍k ê lâng sio tú-.tio̍h; Siōng-chú pêⁿ-pêⁿ chiò-kng in nn̄g chióng lâng ê ba̍k-chiu.
29:14 Ông nā chiàu sêng-si̍t phòaⁿ-toàn sànchhiah lâng, i ê chō-ūi chiū ē éng-oán kian-kò͘.
29:15 Koái-á kah chek-pī ē ke-thiⁿ tì-hūi; pàng chhut-chāi i ê gín'á, ē hō͘ lāu-bú kiàn-siàu.
29:16 Pháiⁿ lâng ke-thiⁿ ê sî, chōe-kò mā ke-thiⁿ; gī lâng ē khòaⁿ tio̍h in sit-pāi.
29:17 Kàu-tok lí ê kiáⁿ, i chiū ē hō͘ lí an-sim; i mā ē hō͘ lí ê sim hoaⁿ-hí.
29:18 Nā bô Siōng-tè be̍k-sī ī-siōng, jîn-bîn chiū hòng-chhiòng; chí ū chip-siú lu̍t-hoat ê lâng ū hok-khì.
29:19 Kan-taⁿ ēng ōe, lô͘-po̍k m̄-khéng siū kàu-tok; i sûi-jiân bêng-pe̍k, mā bô teh tì-ì.
29:20 Lí khòaⁿ tio̍h kóng-ōe chhong-pōng ê lâng bô? Gōng lâng pí i khah ū ǹg-bāng.
29:21 Lâng nā kā lô͘-po̍k tùi sè-hàn to̍h khoán-thāi kòe-thâu; chit-ê lô͘-po̍k kàu lō͘-bóe ē piàn-chò i ê kiáⁿ lâi tit châi-sán.
29:22 Ài siū-khì ê lâng khí sio-cheⁿ, tōa siū-khì ê lâng chin chē ē tì-sú hoān chōe.
29:23 Lâng ê kiau-ngō͘ ē hō͘ i kàng kē; sim khiam-pi ê lâng ē hō͘ i tit tio̍h êng-kng.
29:24 Kah chha̍t hun-chong ê lâng sī oàn-hūn kakī ê sèⁿ-miā; i thiaⁿ tio̍h kiò lâng chiùchōa ê ōe, mā bē kóng-chhut si̍t-ōe.
29:25 Kiaⁿ lâng bô kiaⁿ Siōng-tè ê lô͘-po̍k to̍h-sī chū siat lô-bāng; to̍k-to̍k óa-khò Siōng-chú ê lâng ē tit tio̍h an-ún.
29:26 Chin chē lâng kiû chiáng-koân-chiá ê un-tián; to̍k-to̍k lâng ê siū phòaⁿ-toàn sī tùi Siōng-chú lâi.
29:27 Bô kong-tō ê lâng sī gī lâng só͘ thó-ià; kiâⁿ chèng-ti̍t ê lâng sī pháiⁿ lâng só͘ thó-ià.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。