诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
128:1 Sūn-ho̍k Siōng-chú Ē Tit Chióng-siúⁿ
(Peh kiā-á ê si. )Kiàn-nā kèng-ùi Siōng-tè, kiâⁿ tī I ê lō͘ ê lâng chin ū hok-khì!
128:2 Lí ē chia̍h lí ê chhiú lô-khó͘ só͘ tit tio̍h ê chia̍h-mi̍h, lí ē hióng-hok, sū-sū heng-thong.
128:3 Lí ê bó͘ tī lí ê chhù lāi chhin-chhiūⁿ kiat chin chē kóe-chí ê phû-tô chhiū; lí ê kiáⁿ-jî chhin-chhiūⁿ kaⁿ-ná-chai ûi teh kah lí chò-hóe chē-toh.
128:4 Lí khòaⁿ, kèng-ùi Siōng-chú ê lâng, tek-khak ē ánne tit tio̍h hok-khì!
128:5 Siōng-chú ē tùi Si-óng kā lí sù-hok! Lí it-seng ē khòaⁿ tio̍h Ê-lú-sa-lèm ê hok-khì!
128:6 Lí ē khòaⁿ tio̍h lí ê kiáⁿ-kiáⁿ sun-sun! Goān pêng-an kui tī I-su-la-el!
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。