诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
122:1 Siōng-chàn Ê-lú-sa-lèm
(Peh kiā-á ê si, Ta-bi̍t chò ê. )Lâng tùi góa kóng, lán lâi-khì Siōng-chú ê tiān, góa chiū hoaⁿ-hí.
122:2 Ê-lú-sa-lèm, goán ê kha khiā tī lí ê mn̂g lāi.
122:3 Ê-lú-sa-lèm siū khí-chō, chhin-chhiūⁿ liân-kiat chéng-chê ê siâⁿ.
122:4 Chiahê chi-cho̍k, to̍h-sī Siōng-chú ê chi-cho̍k, chiàu I-su-la-el tiāⁿ tio̍h ê lē, khì hia beh oló Siōng-chú ê miâ.
122:5 In-ūi tī hia siat-li̍p sím-phòaⁿ ê pó-chō, to̍h-sī Ta-bi̍t ke ê pó-chō.
122:6 Tio̍h thè Ê-lú-sa-lèm kiû pêng-an! Só͘-ū thiàⁿ Lí ê lâng it-tēng pêng-an khoài-lo̍k!
122:7 Goān Lí ê siâⁿ lāi pêng-an! Goān Lí ê kiong lāi an-lo̍k!
122:8 In-ūi góa ê hiaⁿ-tī kah tâng-phōaⁿ ê iân-kò͘, góa beh kóng, goān lín pêng-an!
122:9 In-ūi Siōng-chú — lán ê Siōng-tè ê tiān ê iân-kò͘, góa beh thè lí kiû hok-khì.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。