诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
101:1 Kun-ông ê Hē-goān
( Ta-bi̍t ê si. )Góa beh chhiùⁿ chû-ài kah kong-pêⁿ ê koa; Siōng-chú ah, góa beh ǹg Lí chhiùⁿ oló ê koa!
101:2 Góa beh ēng tì-hūi kiâⁿ tī oân-choân ê lō͘. Lí siáⁿ-sî ē lâi-kàu góa chia? Góa beh ēng oân-choân ê sim kiâⁿ tī góa ê chhù lāi.
101:3 Siâ-ok ê tāichì, góa lóng bô beh pâi tī góa ê ba̍k-chiu chêng; pōe-ge̍k ê lâng só͘ chò ê tāichì, góa chin oàn-hūn; góa bô beh hō͘ i bak-.tio̍h.
101:4 Oan-khiau ê sim-su it-tēng hō͘ i lī-khui góa; só͘-ū ê pháiⁿ tāichì, góa lóng kā i kī-choa̍t.
101:5 Àm-tiong húi-pòng chhù-piⁿ ê lâng, góa beh kā i bia̍t-tiāu; ba̍k-thâu koân, sim kiau-ngō͘ ê lâng, góa bô iông-ín i.
101:6 Góa ê ba̍k-chiu beh khòaⁿ kok lāi sêng-si̍t ê lâng, hō͘ in kah góa chò-hóe tòa; kiâⁿ tī oân-choân ê lō͘ ê lâng ē ho̍k-sāi góa.
101:7 Kiâⁿ kúi-chà ê lâng bē tàng tòa góa ê chhù lāi; kóng pe̍h-chha̍t ê lâng bē tàng tī góa ê ba̍k-chiu chêng khiā-tiâu.
101:8 Ta̍k chá-khí góa beh siau-bia̍t kok lāi ê pháiⁿ lâng, thang kā só͘-ū chò pháiⁿ ê lâng tùi Siōng-chú ê siâⁿ tû-.khì.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。