诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
76:1 Tek-sèng ê Chú — Siōng-tè
( A-sah ê si-koa, kau hō͘ ga̍k-koaⁿ; ēng si-hiân ê ga̍k-khì. ) Tī Iô-tah, lâng-lâng lóng bat Siōng-tè; tī I-su-la-el, I ê miâ siū chun chò tōa.
76:2 Tī Sa-lèm, ū I ê tiùⁿ-pâng; tī Si-óng, ū I tòa ê só͘-chāi.
76:3 I tī hia at-tn̄g tùi-te̍k ê kiong-chìⁿ, tîn-pâi, to-kiàm kah kau-chiàn ê ke-si. [Sè-la̍h]
76:4 Lí tùi chhiúⁿ mi̍h ê soaⁿ-chē lâi, ū êng-kng kah ui-giâm.
76:5 Ióng-kám ê lâng lóng siū chhiúⁿ-kiap; in lóng khùn-khì bô koh chhéⁿ, eng-hiông mā bô kah chi̍t-ê ē-tàng chhut-chhiú.
76:6 Iâ-kop ê Siōng-tè ah, Lí ê chek-pī chi̍t-ē hoat-chhut, chhia kah bé lóng khùn tāng-bîn.
76:7 Chí-ū Lí sī thang kiaⁿ-ùi ê! Lí ê siū-khì chi̍t-ē hoat-chhut, siáⁿ lâng tī Lí ê bīn-chêng khiā ē tiâu?
76:8 Lí tùi thiⁿ-.ni̍h soan-pò͘ sím-phòaⁿ, tē chiū kiaⁿ-hiâⁿ, lóng tiām-tiām;
76:9 Siōng-tè khí-lâi sím-phòaⁿ, beh kiù tē-chiūⁿ só͘-ū khiam-pi ê lâng. [Sè-la̍h]
76:10 Lâng ê siū-khì it-tēng ē hō͘ Lí tit tio̍h oló; kî-î ê siū-khì, Lí ē kìm-chí.
76:11 Lín tio̍h tùi lín ê Siōng-tè — Siōng-chú hē goān, mā tio̍h siā goān; sì-kho͘-ûi ê lâng tio̍h tòa lé-mi̍h lâi hiàn hō͘ thang kèng-ùi ê Chú.
76:12 I beh hō͘ kùi-cho̍k ê kiau-ngō͘ làu-khùi; I beh hō͘ sè-chiūⁿ ê lia̍t ông kiaⁿ-ùi.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。