诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
59:1 Kî-kiû Pó-iū
( Sàu-lô chhe lâng khì bâi-ho̍k Ta-bi̍t ê chhù, beh thâi i; hit sî, Ta-bi̍t chò chit-ê kim ê si, kau hō͘ ga̍k-koaⁿ; tiāu ēng " M̄-thang húi-hoāi. ")Góa ê Siōng-tè ah, kiû Lí kiù góa thoat-lī góa ê tùi-te̍k, kā góa an-tì tī koân ê só͘-chāi, hō͘ góa thoat-lī khí-lâi kong-kek góa ê lâng.
59:2 Kiû Lí kiù góa thoat-lī chò pháiⁿ ê lâng, koh kiù góa thoat-lī ài hāi lâng sèⁿ-miā ê lâng!
59:3 In bâi-ho̍k beh hāi góa ê sèⁿ-miā; ū hiong-ok ê lâng chū-chi̍p lâi beh kong-kek góa. Siōng-chú ah, che m̄-sī in-ūi góa ê kòe-sit, mā m̄-sī in-ūi góa ê chōe-kò.
59:4 Góa sûi-jiân bô kòe-sit, in chhiong lâi chún-pī beh hāi góa. Kiû Lí cheng-sîn khí-lâi pang-chān góa, lâi kàm-chhat góa ê khùn-kéng.
59:5 Bān-kun ê Siōng-tè — Siōng-chú, to̍h-sī I-su-la-el ê Siōng-tè ah, kiû Lí khí-lâi chhú-hoa̍t bān-kok! M̄-thang liân-bín hiahê kiâⁿ kan-chà ê pháiⁿ lâng! [Sè-la̍h]
59:6 In àm-sî tò tńg-.lâi, chhin-chhiūⁿ káu teh pūi, tī siâⁿ lāi sì-kè kiâⁿ.
59:7 In ê chhùi thò͘-chhut pháiⁿ ōe, chhùi-tûn ū to; in siūⁿ kóng, siáⁿ lâng ū thiaⁿ-.tio̍h?
59:8 M̄ koh, Lí — Siōng-chú ē chhiò in, Lí ē thí-chhiò lia̍t pang.
59:9 Siōng-tè — góa ê khùi-la̍t ah, góa beh gióng-bōng Lí, in-ūi Lí sī góa ê siâⁿ-pó.
59:10 Góa ê Siōng-tè ē ēng chû-ài gêng-chiap góa; Siōng-tè ē hō͘ góa khòaⁿ tio̍h góa ê tùi-te̍k siū pò-èng.
59:11 M̄-thang kā in châu-bia̍t, chiah bián-tit góa ê jîn-bîn bē kì-.tit. Chú — goán ê tîn-pâi ah, kiû Lí ēng Lí ê khùi-la̍t hō͘ in sì-sòaⁿ koh kàng kē.
59:12 In-ūi in chhùi ê chōe-kò kah chhùi-tûn ê ōe, í-ki̍p in só͘ kóng ê chiù-mē kah pe̍h-chha̍t, goān in tī kiau-ngō͘-ê tiong-kan hō͘ lâng lia̍h tio̍h.
59:13 Kiû Lí siū-khì lâi kā in châu-bia̍t, kā in thiat-té siau-bia̍t, hō͘ in chai Siōng-tè tī Iâ-kop ê tiong-kan chiáng-koân, sīm-chì kàu tī tē-ke̍k. [Sè-la̍h]
59:14 In àm-sî tò tńg-.lâi, chhin-chhiūⁿ káu teh pūi, tī siâⁿ lāi sì-kè kiâⁿ.
59:15 In ē cháu-lâi cháu-khì chhōe chia̍h-mi̍h, nā bô chia̍h pá, chiū kui mê thèng-hāu.
59:16 M̄ koh, góa beh chhiùⁿ koa oló Lí ê khùi-la̍t, chá-khí sî beh tōa-siaⁿ oló Lí ê chû-ài; in-ūi Lí bat chò góa ê siâⁿ-pó, tī hoān-lān ê ji̍t, chò góa tô-siám ê só͘-chāi.
59:17 Siōng-tè — góa ê khùi-la̍t ah, góa beh chhiùⁿ koa oló Lí; in-ūi Lí sī góa ê siâⁿ-pó, sī góa chû-ài ê Siōng-tè.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。