诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
58:1 Kiû Siōng-chú Têng-hoa̍t Pháiⁿ lâng
( Ta-bi̍t kim ê si, kau hō͘ ga̍k-koaⁿ; tiāu sī ēng " M̄-thang húi-hoāi. ")Sè-kan lâng, lín tiām-tiām, kám ū chin-chiàⁿ kóng kong-gī? Lín kám ū chiàu sêng-si̍t lâi sím-phòaⁿ?
58:2 Bô, lín chí-sī sim-lāi kè-bô͘ chò pháiⁿ; lín tī tē-chiūⁿ, ēng lín ê chhiú só͘ chò ê kiông-pō chhìn hō͘ lâng.
58:3 Pháiⁿ lâng chi̍t-ē chhut bó-sin, chiū kah Siōng-tè so͘-oán; chi̍t ē lī-khui lāu-bú ê pak-tó͘ chiū kiâⁿ oai-lō͘, kóng pe̍h-chha̍t.
58:4 In ê to̍k chhin-chhiūⁿ chôa ê to̍k; in chhin-chhiūⁿ chhàu-hīⁿ-lâng ê to̍k-chôa that-ba̍t kakī ê hīⁿ-khang,
58:5 M̄-thiaⁿ lāng chôa ê lâng ê siaⁿ, á-.sī gâu ōe hû liām chiù ê lâng ê siaⁿ.
58:6 Siōng-tè ah, kiû Lí phah-tn̄g in ê chhùi-khí! Siōng-chú ah, kiû Lí phah-tn̄g sai-á-thûn ê tōa ki gê!
58:7 Goān in chhin-chhiūⁿ chhoah lâu ê chúi siau-sit-khì; in ê chìⁿ teh beh siā ê sî, goān in ê chìⁿ-thâu tn̄g khì.
58:8 Goān in chhin-chhiūⁿ lō͘-lê sô kòe ê jiah liâmpiⁿ siau-sit-.khì, koh chhin-chhiūⁿ chabó͘ lâng ka-la̍uh bô kìⁿ tio̍h thiⁿ-ji̍t ê thai.
58:9 Lín ēng chhì-á hiâⁿ hóe, tiáⁿ iáu-bōe jia̍t, I beh ēng kńg-lê-á hong kā seⁿ ê kah teh to̍h ê chhì-á chò chi̍t-ē sàu-khì.
58:10 Gī lâng khòaⁿ tio̍h pò-èng ê tāichì chiū hoaⁿ-hí, i beh ēng pháiⁿ lâng ê hoeh sé i ê kha.
58:11 Lâng chiū ē kóng, gī lâng chin-chiàⁿ ū hó pò; tī tē-bīn chiūⁿ kó-jiân ū Siōng-tè teh sím-phòaⁿ.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。