版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

44:1

Kî-kiû Pó-hō͘

( Khó-la̍h kiáⁿ-sun kà-sī ê si, kau hō͘ ga̍k-koaⁿ. )Siōng-tè ah, Lí tī kó͘-chá, goán ê chó͘-sian ê sî só͘ chò ê tāichì, goán ū chhin-hīⁿ thiaⁿ-.tio̍h, goán ê chó͘-sian mā ū tùi goán kóng-khí.
44:2 Lí bat ēng Lí ê chhiú kā lia̍t pang kóaⁿ-cháu, lâi chai-pôe goán ê chó͘-sian, Lí khó͘-to̍k hiahê bîn-cho̍k lâi hō͘ goán ê chó͘-sian heng-khí.
44:3 In-ūi in m̄-sī tùi in ê to-kiàm lâi tit tio̍h thó͘-tē, mā m̄-sī in ê chhiú kiù kakī; sī Lí ê chiàⁿ chhiú, Lí ê chhiú-kut, Lí ê bīn ê kng kiù in; in-ūi Lí ì-ài in.
44:4 Siōng-tè ah, Lí sī góa ê ông; kiû Lí chhut bēng-lēng lâi chín-kiù Iâ-kop.
44:5 Goán óa-khò Lí lâi phah-tó goán ê tùi-te̍k; goán óa-khò Lí ê miâ lâi thún-ta̍h hiahê kong-kek goán ê lâng.
44:6 In-ūi góa bô óa-khò góa ê kiong, góa ê to mā bē kiù góa.
44:7 To̍k-to̍k Lí bat kiù goán thoat-lī tùi-te̍k, hō͘ oàn-hūn goán ê lâng kiàn-siàu.
44:8 Goán kui ji̍t in-ūi Siōng-tè lâi khoa-kháu, goán beh oló Lí ê miâ kàu éng-oán. [Sè-la̍h]
44:9 Chóng-.sī, chitmá Lí pàng-sak goán, hō͘ goán siū lêng-jio̍k; Lí bô kah goán ê kun-peng chò-hóe chhut-chiàn.
44:10 Lí hō͘ goán tī tùi-te̍k ê bīn-chêng oa̍t tńg-sin tô-cháu; chhut-chāi hiahê oàn-hūn goán ê lâng lâi chhiúⁿ-toa̍t goán.
44:11 Lí hō͘ goán chhin-chhiūⁿ iûⁿ chò lâng ê chia̍h-mi̍h, hō͘ goán sì-sòaⁿ tī lia̍t pang tiong.
44:12 Lí bô thàn chîⁿ to̍h kā Lí ê chú-bîn bē tiāu, só͘ tit tio̍h ê kè-chîⁿ kám ū ke-thiⁿ Lí ê hó-gia̍h?
44:13 Lí hō͘ goán siū keh-piah kok ê lêng-jio̍k, hō͘ goán siū sì-kho͘-ûi ê lâng thí-chhiò, khau-sé.
44:14 Lí hō͘ goán tī lia̍t pang tiong chò ōe-pèⁿ, hō͘ chèng lâng tùi goán iô thâu.
44:15 Góa ê lêng-jio̍k kui ji̍t tī góa ê thâu-chêng, góa ê bīn ê kiàn-siàu jia-khàm góa,
44:16 Sī in-ūi hiahê chhoh-mē, húi-pòng ê lâng ê siaⁿ, koh in-ūi tùi-te̍k kah pò-oan ê lâng ê iân-kò͘.
44:17 Chiahê lóng lîm-kàu goán, goán bô bē kì-tit Lí, mā bô ké-iáⁿ siú Lí ê iok.
44:18 Goán ê sim bô ûi-pōe Lí; goán ê kha-pō͘ bô phian-lī Lí ê lō͘.
44:19 Lí kèng-jiân pàng goán tī iá-káu chhut-ji̍p ê só͘-chāi, ēng sí-bông ê ìm-ńg jia-khàm goán.
44:20 Siat-sú goán bē kì-tit goán ê Siōng-tè ê miâ, á-.sī gia̍h chhiú lâi pài pa̍t-ê sîn-bêng,
44:21 Siōng-tè kám bô kàm-chhat chit-ê tāichì? I chai lâng sim-lāi ê pì-bi̍t.
44:22 Goán in-ūi Lí ê iân-kò͘ kui ji̍t siū sat-hāi; lâng khòaⁿ goán chhin-chhiūⁿ beh hông thâi ê iûⁿ.
44:23 Chú ah, kiû Lí cheng-sîn, Lí ná ē iáu teh khùn? Kiû Lí khí-.lâi, m̄ thang éng-oán khì-sak goán!
44:24 Lí ná ē am Lí ê bīn? Sī án-chóaⁿ bē kì-tit goán só͘ siū ê khó͘-lān kah ap-chè?
44:25 Goán ê sèⁿ-miā í-keng phak tī thô͘-soa hún, goán ê pak-tó͘ liân tī thô͘-kha.
44:26 Kiû Lí khí-lâi pang-chān goán! In-ūi Lí ê chû-ài lâi kiù-sio̍k goán!


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本现代台语2013版全罗现代台语2013版汉字巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语2019圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本俄罗斯正教文理译本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。