约伯记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
36:1 E-li-hu koh sòa-chiap kóng:
36:2 Lí koh iông-ín góa chi̍t-sî-á, góa chiū ē kā lí chí-sī, in-ūi iáu-ū ōe beh ūi tio̍h Siōng-tè lâi kóng.
36:3 Góa beh tùi hn̄g-hn̄g chhú góa ê tì-sek, kā gī kui hō͘ chhòng-chō góa ê Siōng-tè.
36:4 In-ūi góa ê ōe si̍t-chāi bô pe̍h-chha̍t, ū tì-sek chê-pī ê lâng kah lí tông-chāi.
36:5 Lí khòaⁿ, Siōng-tè tōa koân-lêng lóng bô biáu-sī lâng; I ê sim-su kah lêng-le̍k lóng chin tōa.
36:6 I bô pó-hō͘ pháiⁿ lâng ê sèⁿ-miā, sī hō͘ khó͘-lān ê lâng tit tio̍h kong-pêⁿ.
36:7 I ê ba̍k-chiu bô lī-khui gī lâng; hō͘ in kah kun-ông chò-hóe chē-ūi kàu éng-oán; In chiū tit tio̍h ko-seng.
36:8 In nā hō͘ só-liān pa̍k-.leh, hō͘ khó͘-lān ê soh liù tio̍h;
36:9 I chiū chí-sī in chai in ê só͘ chò, í-ki̍p in só͘ hoān ê tāng chōe.
36:10 I mā khui in ê hīⁿ-khang lâi siū kà-sī, hoan-hù in oa̍t tò tńg-.lâi, lī-khui chōe-ok.
36:11 In nā chun-thàn lâi ho̍k-sāi, chiū ē heng-thong kòe hó ji̍t-chí, nî-nî an-lo̍k.
36:12 Nā m̄ chun-thàn chiū ē hō͘ to-kiàm thâi, gōng-gōng lâi sí.
36:13 Hiahê sim bô kèng-khiân ê lâng chek-chū siū-khì, I kā in khún-pa̍k ê sî, in mā bô hoah kiù lâng.
36:14 I ē tī siàu-liân ê sî sí-.khì, in ê sèⁿ-miā sòng-sit ná chhin-chhiūⁿ gín'á piàn pháiⁿ-.khì.
36:15 I ēng khùn-khó͘ lâi kiù khùn-khó͘ ê lâng, ēng pō-gio̍k lâi khui in ê hīⁿ-khang.
36:16 I ín-chhōa lí thoat-chhut gûi-kip, ji̍p-khì tī khui-khoah ê só͘-chāi; ū iû but-but ê chia̍h-mi̍h pâi tī lí ê toh téng.
36:17 Lí chhiong-móa pháiⁿ lâng ê gí-gī, gí-gī kah phòaⁿ-toàn chiū ē lia̍h lí.
36:18 M̄-thang iông-ín siū-khì kek-tōng lí, tì-sú lí bú-bān; mā m̄ thang in-ūi sio̍k-hôe ê kè-chîⁿ tōa, lâi kiâⁿ phian lō͘.
36:19 Lí ê chîⁿ-châi, á-.sī lí it-chhè ê sè-le̍k, kám ū hāu-giām hō͘ lí bô tú tio̍h hoān-lān?
36:20 M̄-thang him-bō͘ hit-ê àm-mê, to̍h-sī jîn-bîn tī in ê só͘-chāi tú tio̍h tû-bia̍t ê sî.
36:21 Lí tio̍h kín-sīn, m̄ thang ì-hiòng chōe-ok; in-ūi lí kéng chit tiâu lō͘ iâⁿ-kòe khó͘-lān.
36:22 Lí khòaⁿ, Siōng-tè ēng I ê lêng-le̍k lâi kiâⁿ tōa sū; siáⁿ lâng chò kàu-su ū chhin-chhiūⁿ I?
36:23 Siáⁿ lâng ē tiāⁿ tio̍h I ê lō͘? Siáⁿ lâng ē kóng, Lí ū kiâⁿ put-gī?
36:24 Lí tio̍h ē kì-tit oló I só͘ kiâⁿ ê chò tōa, to̍h-sī lâng só͘ chhiùⁿ koa oló ê.
36:25 Lâng lóng khòaⁿ tio̍h I; lâng tùi hn̄g-hn̄g khòaⁿ tio̍h I.
36:26 Lí khòaⁿ, Siōng-tè chì-tōa, lán m̄ bat I; I ê nî-gia̍h sǹg bē liáu.
36:27 In-ūi I khip-ín chi̍t tih chi̍t tih ê chúi, chiū tùi i ê sip-khì piàn-sêng hō͘;
36:28 to̍h-sī thiⁿ só͘ lo̍h ê hō͘, lâi ak chèng lâng.
36:29 Siáⁿ lâng ē bêng-pe̍k hûn án-chóaⁿ thí-khui kah Siōng-tè hêng-kiong ê lûi siaⁿ?
36:30 Lí khòaⁿ, I hoat-chhut I ê kng tī hit téng-bīn; I koh kā hái-té jia-khàm.
36:31 In-ūi I ēng chiahê lâi sím-phòaⁿ jîn-bîn; koh siúⁿ-sù hong-sēng ê bí-niûⁿ.
36:32 I ēng sihnà jia chhiú, bēng-lēng i phah tio̍h tùi-te̍k.
36:33 I ê siaⁿ sī piáu-bêng I, mā ēng só͘ beh khí ê tōa hong-hō͘ chí-sī chengseⁿ.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。