以斯帖记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
5:1 Ê-su-tel Ūi Ông kah Ha-mán Siat Iàn-se̍k
Tē-saⁿ ji̍t, Ê-su-tel chhēng ông-hō͘ ê lé-ho̍k, khiā tī ông-kiong ê lāi-īⁿ, tī ông-kiong ê tùi-bīn. Hit sî, ông tī ông-kiong lāi chē i ê ông-ūi, tī ông-kiong mn̂g ê tùi-bīn.
5:2 Ông khòaⁿ tio̍h ông-hō͘ Ê-su-tel khiā tī īⁿ lāi, i chiū tī ông ê ba̍k-chiu chêng tit tio̍h un-tián. Ông gia̍h-khí chhiú tiong só͘ gia̍h ê kim koái-á ǹg Ê-su-tel. Ê-su-tel chiū chìn-chêng, bong i koái-á ê bóe-liu.
5:3 Ông tùi i kóng, " Ông-hō͘ Ê-su-tel, lí beh ài siáⁿ-mi̍h, beh kiû siáⁿ-mi̍h? Chiū-sī kiû kok ê chi̍t-pòaⁿ, góa mā beh hō͘ lí. "
5:4 Ê-su-tel kóng, " Ông nā lia̍h-chò sī hó, chiū chhiáⁿ ông kah Ha-mán kin-á-ji̍t lâi hù góa ūi tio̍h i só͘ siat ê iàn-se̍k. "
5:5 Ông chiū kóng, " Bēng-lēng Ha-mán kóaⁿ-kín lâi, thang chiàu Ê-su-tel só͘ kóng ê khì kiâⁿ. " Ông kah Ha-mán chiū khì hù Ê-su-tel só͘ siat ê iàn-se̍k.
5:6 Tī iàn-se̍k ê tiong-kan, ông koh kā Ê-su-tel kóng, " Lí só͘ chhéng-kiû ê sī siáⁿ-mi̍h? Góa beh hō͘ lí; lí só͘ kiû ê sī siáⁿ-mi̍h, to̍h-sī kok ê chi̍t-pòaⁿ, góa mā beh hō͘ i chiâⁿ. "
5:7 Ê-su-tel ìn kóng, " Góa só͘ chhéng só͘ kiû ê sī ánne:
5:8 Góa nā tit tio̍h un-tián tī ông ê ba̍k-chiu chêng, ông nā hoaⁿ-hí ín-chún góa só͘ chhéng, kiâⁿ góa só͘ kiû ê, chiū chhiáⁿ ông kah Ha-mán lâi hù góa só͘ beh thè in siat ê iàn-se̍k; góa bîn-á-chài beh chiàu ông só͘ kóng ê lâi kiâⁿ. "
5:9 Ha-mán Im-bô͘ Thâi Mol-té-kái
Hit ji̍t, Ha-mán hoaⁿ-hí, sim-lāi khoài-lo̍k, chiū chhut-.lâi; chóng-.sī, Ha-mán khòaⁿ tio̍h Mol-té-kái tī ông-kiong ê mn̂g-kháu bô khí-.lâi, mā bô ūi tio̍h i lâi tín-tāng, chiū móa-sim siū-khì Mol-té-kái.
5:10 Chóng-.sī, Ha-mán kakī bián-kióng lún teh, tńg-khì in chhù, chiū chhe lâng khì kiò i ê pêng-iú kah i ê bó͘ Che-le-sih.
5:11 Ha-mán chiū kā i hù-jū ê êng-kng kah kiáⁿ-jî ê chē kah ông kā i ko-seng, kā i kí-khí pôaⁿ-kòe ông kî-tha hiahê siú-léng jîn-sîn ê téng-bīn, lóng kóng hō͘ in thiaⁿ.
5:12 Ha-mán koh kóng, " Ông-hō͘ Ê-su-tel, tû-khì góa í-gōa, m̄-chún siáⁿ lâng kah ông lâi hù i só͘ siat ê iàn-se̍k. Bîn-á-chài góa iū-koh beh kah ông hō͘ i chhiáⁿ;
5:13 chóng-.sī, góa khòaⁿ tio̍h Iô-tah lâng Mol-té-kái chē tī ông-kiong ê mn̂g, chiū chai chit-ê lóng tùi góa put-lī. "
5:14 I ê bó͘ Che-le-sih kah i ê chèng pêng-iú kā i kóng, " Tio̍h khiā chi̍t-ê koân gō͘-cha̍p tiú ê chhâ-kè, bîn-á chá-khí kiû ông kā Mol-té-kái tiàu tī hit téng-bīn, jiân-āu lí thang hoaⁿ-hoaⁿ hí-hí kah ông khì hù iàn-se̍k. " Ha-mán oló i ê ōe kóng liáu chin hó, chiū kiò lâng khiā chhâ-kè.
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。