圣经阅读

版本选择有地理

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

历代志下线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

2:1

Chún-pī Khí Sèng-tiān

( LOS 5: 1-18)

Só͘-lô-móng tiāⁿ tio̍h ì-sù beh ūi Siōng-chú ê miâ khí sèng-tiān, mā ūi kakī ê kok khí hông-kiong.
2:2 Só͘-lô-móng chiū kéng-soán taⁿ-kang chhit bān lâng, chiūⁿ soaⁿ phah chio̍h ê peh bān lâng, tok-kang ê saⁿ-chheng la̍k-pah lâng.
2:3 Só͘-lô-móng chhe lâng khì kìⁿ Tu-lô ông Hi-lâm, kóng, " Lí bat ūn pek-hiuⁿ chhâ hō͘ góa ê lāu-pē Ta-bi̍t khí chhù lâi tòa, kiû lí mā chiàu ánne khoán-thāi góa.
2:4 Lí khòaⁿ, góa beh ūi tio̍h Siōng-chú — góa ê Siōng-tè ê miâ khí tiān, hun-pia̍t chò sèng hiàn hō͘ I, thang tī I ê bīn-chêng sio phang-liāu ê hiuⁿ, tiāⁿtiāⁿ kiong-kip pâi-lia̍t ê piáⁿ, ta̍k chá-àm, An-hioh-ji̍t, goe̍h ê chhe-it kah Siōng-chú — goán ê Siōng-tè só͘ tiāⁿ tio̍h ê cheh-kî, hiàn sio-chè. Che sī I-su-la-el lâng éng-oán ê lē.
2:5 Góa só͘ beh khí ê tiān chin tōa, in-ūi goán ê Siōng-tè chin tōa, iâⁿ-kòe só͘-ū ê sîn-bêng.
2:6 Thiⁿ kah thiⁿ-téng ê thiⁿ siōng-chhiáⁿ bô kàu-gia̍h thang hō͘ I tòa, siáⁿ lâng ē ūi tio̍h I khí tiān? Góa sī siáⁿ-mi̍h hō lâng thang kā I khí tiān? Chí-put-kò sī tī I ê bīn-chêng sio hiuⁿ niā-niā.
2:7 Taⁿ kiû lí chhe chi̍t-ê lâng lâi-kàu góa chia, to̍h-sī gâu chò kim, gîn, tâng, thih kah chí-sek, chu-âng sek, nâ-sek ê liāu ê, mā chhiú-kang iù tī ta̍k hāng tiau-khek ê kang, thang kah hiahê kah góa tī Iô-tah Ê-lú-sa-lèm gâu ê sai-hū chò-hóe chò-kang, to̍h-sī góa ê lāu-pē Ta-bi̍t só͘ chún-pī ê.
2:8 Koh kiû lí tùi Le-ba-nòng ūn pek-hiuⁿ chhiū, siông chhiū, tôaⁿ-hiuⁿ chhiū lâi-kàu góa chia, in-ūi góa chai lí ê lô͘-po̍k gâu chhò Le-ba-nòng ê chhiū. Lí khòaⁿ, góa ê lô͘-po̍k beh kah lí ê lô͘-po̍k chò-hóe chò.
2:9 Án-ne thang kā góa chún-pī chin chē chhâ-liāu, in-ūi góa só͘ beh khí ê tiān sī tōa koh kî-biāu ê.
2:10 Lí ê lô͘-po̍k chhò chhiū, lí khòaⁿ, góa beh hō͘ in hó ê sió-be̍h nn̄g bān kol, tōa-be̍h nn̄g bān kol, chiú nn̄g bān bat, iû nn̄g bān bat （ Chù, e̍k-thé ê iông-liōng tan-ūi, téng-î ta-mi̍h tan-ūi ê e-hoat ）. "
2:11 Tu-lô ông Hi-lâm hôe-phoe ìn Só͘-lô-móng kóng, " In-ūi Siōng-chú thiàⁿ I ê chú-bîn, chiū siat-li̍p lí chò in ê ông. "
2:12 Hi-lâm koh kóng, " Chhòng-chō thiⁿ-tē ê Siōng-chú, I-su-la-el ê Siōng-tè, sī eng-kai oló ê! I siúⁿ-sù Ta-bi̍t ông chi̍t-ê tì-hūi ê kiáⁿ, hō͘ i ū chhong-bêng gâu kè-bô͘, thang ūi tio̍h Siōng-chú khí tiān koh ūi i ê kok khí hông-kiong.
2:13 " Taⁿ góa chhe chi̍t-ê chhiú-kang iù koh chhong-bêng ê lâng khì, i sī góa chhin sìn ê sai-hū Hō͘-lân,
2:14 i sī Tàn ê chi-cho̍k chi̍t-ê chabó͘ lâng ê kiáⁿ, i ê lāu-pē sī Tu-lô lâng, i gâu chò kim, gîn, tâng, thih, chio̍h, chhâ kah chí-sek, nâ-sek, chu-âng sek ê iù-tē pò͘, mā ē liáu-kái ta̍k chióng ê tiau-khek, mā ē siūⁿ-chhut ta̍k chióng ê kang. Hō͘ i kah lí hiahê gâu ê sai-hū, í-ki̍p lí ê lāu-pē — góa ê chú Ta-bi̍t hiahê gâu ê sai-hū chò-hóe chò.
2:15 Taⁿ góa ê chú só͘ kóng ê sió-be̍h, tōa-be̍h, iû, chiú, goān ē-tàng sūn-sū ūn lâi hō͘ chiahê lô͘-po̍k.
2:16 Goán ē chiàu lí só͘ su-iàu ê tùi Le-ba-nòng chhò chhiū, ká kui pâi phû tī hái-.ni̍h ūn lâi-kàu Io̍p-pe, lí chiū thang ūn khì-kàu Ê-lú-sa-lèm. "
2:17

Tāng-kang Khí Sèng-tiān

( LOS 6: 1-38)

Só͘-lô-móng tiám-sǹg tòa tī I-su-la-el tē ê chhut-gōa lâng, chiàu i ê lāu-pē Ta-bi̍t só͘ sǹg ê, chóng-kiōng ū cha̍p-gō͘-bān saⁿ-chheng la̍k-pah miâ.
2:18 I hō͘ chhit bān lâng chò taⁿ-kang, peh bān lâng tī soaⁿ-.ni̍h phah chio̍h, saⁿ-chheng la̍k-pah lâng kàm-tok in ê chò-kang.

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.