版本选择 有地理sitephoto 查字典 本章地图 影像 [ 条列 | 表格 | 整段 ] 繁 简 语态 度量衡 其他 阅读计画

新版上一章 下一章    查询或移至： 说明

历代志上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

17:1

Ná-than hō͘ Ta-bi̍t ê Sìn-sit

( SMH 7: 1-17)

Ta-bi̍t tòa tī i ê kiong lāi, Ta-bi̍t tùi Ná-than sian-ti kóng, " Lí khòaⁿ, góa tòa tī pek-hiuⁿ chhâ ê kiong lāi, chóng-.sī, Siōng-chú ê iok-kūi tī tiùⁿ-pâng lāi. "
17:2 Ná-than kā Ta-bi̍t kóng, " Kiàn-nā tī lí sim-lāi só͘ siūⁿ ê, thang chiàu ánne kiâⁿ, in-ūi Siōng-chú kah lí tông-chāi. "
17:3 Hit mê, Siōng-chú ê ōe lîm-kàu Ná-than kóng,
17:4 " Lí khì kā Góa ê lô͘-po̍k — Ta-bi̍t kóng: Siōng-chú ánne kóng, ' Lí m̄ thang khí chhù hō͘ Góa tòa,
17:5 in-ūi tùi Góa chhōa I-su-la-el khí-.lâi ê ji̍t kàu kin-á-ji̍t, Góa m̄ bat tòa tī chhù lāi, sī tùi chit-ê pò͘-pêⁿ kàu hit-ê pò͘-pêⁿ, tùi chit-ê tiùⁿ-pâng kàu hit-ê tiùⁿ-pâng.
17:6 Kiàn-nā Góa kah I-su-la-el lâng só͘ kàu ê só͘-chāi, tī Góa só͘ hoan-hù chiàu-kò͘ Góa ê jîn-bîn ê I-su-la-el ê sū-su tiong, Góa kám bat tùi in chi̍t-ê lâng kóng, ' Lí ná ē bô kā Góa khí pek-hiuⁿ chhâ ê chhù? '
17:7 " Taⁿ lí tio̍h khì kā Góa ê lô͘-po̍k — Ta-bi̍t kóng: Bān-kun ê Siōng-chú ánne kóng, ' Góa bat tī iûⁿ-tiâu, tùi teh kò͘ iûⁿ lâi tiàu lí, chò Góa ê chú-bîn — I-su-la-el lâng ê kun-ông.
17:8 Kiàn-nā lí só͘ bat khì ê só͘-chāi, Góa tiāⁿtiāⁿ kah lí tông-chāi, tī lí ê bīn-chêng châu-bia̍t lí só͘-ū ê tùi-te̍k; Góa beh hō͘ lí tōa chhut-miâ, chhin-chhiūⁿ tē-chiūⁿ chiahê úi-jîn ê miâ-siaⁿ.
17:9 Jî-chhiáⁿ Góa ē kā Góa ê chú-bîn — I-su-la-el lâng tiāⁿ tio̍h chi̍t-ê só͘-chāi, lâi chai-pôe in, hō͘ in tòa kakī ê só͘-chāi, bô koh chhian-sóa; hiong-ok ê lâng mā bô chhin-chhiūⁿ khí-thâu ánne kā in hām-hāi,
17:10 mā bô chhin-chhiūⁿ Góa bēng-lēng sū-su tī-lí Góa ê chú-bîn — I-su-la-el lâng ê sî. Góa ē hō͘ lí ê tùi-te̍k lóng khut-ho̍k. Góa koh kā lí kóng, Siōng-chú ē kā lí kiàn-li̍p chi̍t-ê ke.
17:11 Kàu lí ê ji̍t-chí boán-chiok, tńg-khì lí ê chó͘-sian hia, Góa ē hō͘ lí ê kiáⁿ-sun sòa-chiap lí ê ūi, Góa mā ē kian-kò͘ i ê kok-ūi.
17:12 I ē kā Góa khí chhù, Góa ē kian-kò͘ i ê chō-ūi kàu éng-oán.
17:13 Góa ē chò i ê Thiⁿ-pē, i ē chò Góa ê kiáⁿ; Góa bô beh hō͘ Góa ê chû-ài lī-khui i, chhin-chhiūⁿ Góa chá-chêng hō͘ i lī-khui hit-ê lí chêng chi̍t-ê ông.
17:14 Góa mā ē éng-oán kian-kò͘ i tī Góa ê ke, tī Góa ê kok; i ê chō-ūi mā ē kian-kò͘ kàu éng-oán. '"
17:15 Ná-than chiū chiàu chiahê ōe, chiahê be̍k-sī, khì kā Ta-bi̍t kóng.
17:16

Ta-bi̍t Kám-un ê Kî-tó

( SMH 7: 18-29)

Ta-bi̍t ông chiū ji̍p-.khì, chē tī Siōng-chú ê bīn-chêng, kóng, " Siōng-chú — Siōng-tè ah, góa sī siáⁿ lâng, góa sī siáⁿ-mi̍h hō ê ke, Lí chiah chhōa góa kàu chit-ê tē-pō͘?
17:17 Siōng-tè ah, Lí khòaⁿ chit-ê iáu lia̍h-chò sī sió-khóa, in-ūi Lí koh kóng tio̍h Lí ê lô͘-po̍k ê ke kàu tī kú-tn̂g. Siōng-chú — Siōng-tè ah, Lí khoán-thāi góa chhin-chhiūⁿ chun-kùi ê lâng ê tē-ūi.
17:18 Ta-bi̍t iáu ū siáⁿ-mi̍h ōe thang tùi Lí kóng-kàu Lí ê lô͘-po̍k só͘ tit tio̍h ê chun-kùi? In-ūi Lí chin liáu-kái Lí ê lô͘-po̍k.
17:19 Siōng-chú ah, in-ūi Lí ê lô͘-po̍k ê iân-kò͘, koh chiàu Lí ê sim-ì, Lí ū kiâⁿ chit-ê tōa sū, koh hián-chhut chiahê tōa sū.
17:20 Siōng-chú ah, chiàu goán ê hīⁿ-khang só͘ thiaⁿ-.tio̍h ê, bô chi̍t-ê chhin-chhiūⁿ Lí, Lí í-gōa bô pa̍t-ê chin-sîn.
17:21 Tē chiūⁿ ū tó chi̍t kok chhin-chhiūⁿ Lí ê chú-bîn — I-su-la-el lâng, to̍h-sī Siōng-chú chá-chêng khì kiù-sio̍k in lâi chò kakī ê jîn-bîn, hō͘ Lí tùi ke̍k tōa koh thang kiaⁿ ê tāichì tit tio̍h miâ, in-ūi kóaⁿ-tio̍k lia̍t kok lī-khui Lí ê chú-bîn, to̍h-sī Lí só͘ kiù-sio̍k chhut Ai-gi̍p hiahê jîn-bîn ê bīn-chêng.
17:22 In-ūi Lí hō͘ Lí ê chú-bîn — I-su-la-el lâng chò Lí ê chú-bîn, it-ti̍t kàu éng-oán; Siōng-chú ah, Lí mā chò in ê Siōng-tè.
17:23 Siōng-chú ah, taⁿ Lí só͘ kóng tio̍h Lí ê lô͘-po̍k kah i ê ke ê ōe, goān i kian-kò͘ kàu éng-oán, kiû Lí chiàu Lí só͘ kóng-lâi kiâⁿ.
17:24 Goān Lí ê miâ éng-oán kian-kò͘, siū chun chò tōa, kóng, ' Bān-kun ê Siōng-chú sī I-su-la-el ê Siōng-tè, sī chò I-su-la-el ê Siōng-tè. ' Lí ê lô͘-po̍k — Ta-bi̍t ê ke ē tī Lí ê bīn-chêng kian-kò͘.
17:25 Góa ê Siōng-tè ah, in-ūi Lí ū khé-sī hō͘ Lí ê lô͘-po̍k chai, Lí ē kā i kiàn-li̍p chi̍t-ê ke, só͘-í, Lí ê lô͘-po̍k hó-táⁿ tī Lí ê bīn-chêng kî-tó.
17:26 Siōng-chú ah, chí ū Lí sī Siōng-tè, Lí ēng chit-ê hok-khì èng-ín Lí ê lô͘-po̍k.
17:27 Taⁿ Lí hoaⁿ-hí sù-hok hō͘ Lí ê lô͘-po̍k ê ke, hō͘ i éng-oán tī Lí ê bīn-chêng. Siōng-chú ah, in-ūi Lí í-keng sù-hok, góa it-tēng éng-oán tit tio̍h hok-khì. "

上一章 下一章    查询或移至： 说明

[ 条列 | 表格 | 整段 ] 繁 简 语态 重新查询 影像 本章地图 度量衡 其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本


各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.