诗篇 29章1节 到 29章11节   背景资料  上一笔  下一笔
这是一首古老ê诗歌,有ê圣经学者认为chit首诗歌原本是迦南人teh歌颂in ê神明「巴力」ê,后来以色列人进入迦南后,kā它kā它修改用来歌颂上帝伟大ê作为。Mā有kóa诗篇学者认为chit首诗歌有出埃及记第十五章ê背景,原因是摩西带领以色列人出埃及后,行过红海,hō͘ chit首诗歌后来被归类做凯旋ê诗歌,每pái以色列军队phah赢tńg来,就唱chit首诗歌。

第1到2节,「神ê众子ah」,这是teh指上帝身边真chē随从ê天使(参考诗篇九十七:7,约伯记一:6)。第2节讲tio̍h「歌颂上主荣耀ê尊名」,这是teh指bē-tàng乱使用上帝ê圣名,只有ē-tàng歌颂,而且是beh用siōng-kài敬虔ê态度敬拜他。

第3到4节,表明连海洋lóng tio̍h听从上帝ê命令,ná亲像创造ê时,上帝命令一出,海洋ê大水就汇集做伙,hō͘陆地出现。当上帝ê命令一出,红海ê水随时分开,然后koh因为上帝ê命令,海水koh复合起来,强大ê埃及军队因为án-ne葬生海底。

第5到6节,「香柏树」,这是黎巴嫩siōng贵重ê树木,mā是siōng koân等ê建材。当上帝ê命令一出,m̄-nā是海洋ê水听从,连黎巴嫩高山顶ê大树mā为之折断,表示顺服。Á「乌门山」因为终年积雪,每pái春季来临,雪融化变成水,山泉因为án-ne流窜落来,hit种声音ná亲像野牛teh奔走所发出ê响声仝款。

第7到9节,chit三节说明tī旷野,mā到处看见上帝发出命令后ê反应,雷电交加发出巨响ê声音,ná亲像敬拜上帝ê子民聚集做伙tī圣殿吟唱诗歌所发出ê声音仝款。

Tùi天顶ê天使,到海洋,koh再到高山,koh到平原ê旷野,诗人beh说明一件事:只要是受造物,lóng tio̍h歌颂上帝ê圣名。

第10到11节,「大水」,这是以色列人民看做危害性命siōng大ê气力,ná亲像创世记第七到八章,上帝用大水淹灭所有世间一切万物。M̄-koh chiah-ê大水tī上帝命令之下,mā会顺服。因为án-ne,听从上帝命令ê子民,上帝会赏赐hō͘ in「力量」kah「平安」。表示有上帝庇护ê人,必定会得tio̍h平安,而hō͘性命永远延续落去。

重新查询 专卷研经 诗篇系列
错误回报,请联系