箴言 24章1节 到 24章34节   背景资料  上一笔  下一笔
Chit章第1到22节是继续前段ê 30则箴言,tī第22到34节是另外一段箴言语录。

第1到2节,这是第19则。Chit两节kah第廿三章17节、本章第19到20节仝款。一定tio̍h kah作恶ê人保持距离,因为chit种人kan-taⁿ会「做pháiⁿ事」。

第3到4节,chit两节是第20则。Tùi第八章21节,就thang看出有智慧ê人,ná亲像一个富人仝款,伊ê厝必定永远不欠缺,而且因为有智慧,而hō͘厝里ná亲像充满贵重ê珠宝一般hō͘人欣慕。

第5到6节,chit两节是第21则。Thang参考第十一章14节、第二十章18节、第廿一章22节。

第7节,chit节是第22则。Chit节用「明智」kah「愚戆」相对照。愚戆ê人永远无法度了解有智慧ê人所讲ê话。Tī重要ê「会议」场合,愚戆ê人只有ē-tàng听明智ê人讲,m̄-koh in即使听mā听m̄-bat。Chia ê「会议」,mā thang当做圣经时代ê「城门口」,表示众人聚集ê所在。

第8到9节,chit两节是第23则。Thang对照第1到2节来看,就会清楚知影为甚么作者ài明智ê人远离作恶ê人。

第10节,这是第24则。Chit节thang参考耶利米书第十二章5节。表示tī「患难ê日子」里,就需要koh khah坚定ê信心,chiah ē-tàng hō͘家己khiā稳,bē摇动而倒落去。

第11到12节,chit两节是第25则。Mā thang参考第十六章2节、第廿一章2节。Chia真清楚teh强调一个明智ê人,会知影伸手救助无辜ê人。无人thang只顾家己,因为人是群居ê,每一个人lóng kah别人有连带关系。

第13到14节,这是第26则。Chia所讲ê「蜂蜜」有另外一种含意,就是teh指tio̍h智慧ê意思。Á智慧乃是上帝ê话语,其甜美ná亲像蜂蜜一般。Thang参考诗篇第十九篇7到10节所讲ê,上主ê律法、命令、法则、训诲、规范、判断等,「比金子可贵,赢过siōng精纯ê金子;in比蜂蜜甘甜,赢过siōng纯净ê蜂蜜。」作者tī chia讲「智慧kah知识」对一个人ê心灵就ná亲像蜂蜜仝款甘甜,会带hō͘人ê性命看见「希望」、「光明」。

第15到16节,chit两节是第27则。Chit两节koh一pái提起「义人」kah「邪恶」者之间ê互动关系。Chia ê「跋倒」是teh指失败,m̄是犯罪。作者提醒邪恶者,m̄-thang kā邪恶ê思维动到义人ê身上去,因为义人是kah上帝有亲密关系ê人。义人受害,上帝必定会替伊伸冤。

第17到18节,这第28则。Thang参考第十七章5节。Chit两节ná亲像俗语所讲ê,m̄-thang幸灾乐祸,而是beh心存怜悯。

第19到20节,这是第29则。Thang参第三章31到32节、第廿三章17节、第廿四章1节。另外thang参考诗篇第三十七篇1节。Chiah-ê经文lóng有提起m̄-thang羡慕作恶ê人,因为上帝自有一把尺会回应chiah-ê作恶ê人。

第21到22节,这是第30则。Ná亲像头前已经有提起过ê,chit段智者之言30则,是tùi「敬畏上主」开始,然后tī中间提起「敬畏上主」(参考第17节),tī最后chia用「敬畏上主」做结尾。表示一切lóng需要tùi「敬畏上主」做起。会敬畏上主ê人,必定bē kah作恶ê人仝伴,因为知影上帝必定会伸手制裁chit种人。若kah chit种作恶ê人做伙,mā会连带受惩罚面临灾害。

第廿四章23到34节,这是另外一部分智慧者ê言语。

第23到25节,thang参考箴言十七章23节,阿摩司书第五章10到15节。摩西律法mā有明确规定法官bē-tàng收受o͘-se,因为收o͘-se会hō͘人chheⁿ-mê、心不正(参考申命记十六:19—20)。Chia则讲按照公义审判ê法官,会得tio̍h众人ê赞誉,而且会事事亨通。

第26节,「诚实」ê话,连国王mā会欢喜听(参考十六:13)。讲话诚实ê朋友,chiah是真诚恳ê友谊ê表现。

第27节,chit节讲tio̍h一个人一定tio̍h衡量家己ê能力有jōa-chē,不虚张声势,用真踏实ê脚步建造家业。

第28到29节,thang参考第廿五章18节。Tī十诫ê第九诫之「bē-tàng做假证陷害人」(参考出埃及记二十:16),以及bē-tàng存有报复ê心,这mā是耶稣基督ê教示所讲ê「bē-tàng向欺负lín ê人报复」(参考马太福音五:39)。使徒保罗讲beh「以善胜恶」(参考罗马书十二:21)。

第30到34节,chit段经文主要teh说明「pîn-tōaⁿ人」kah「愚昧人」ê态度,就是m̄知性命随时会发生患难来致使sàn-chhiah,ná亲像「带武器ê匪类来打击」人ê性命仝款忽然来临,hō͘人措手不及。Chit两节mā thang参考第六章6到11节。

重新查询 专卷研经 箴言系列
错误回报,请联系