民数记 3章14节 到 3章39节   背景资料  上一笔  下一笔
Chit段经文记载利未族各支派ê人数,以及in负责ê工作。

第14到20节,chia规定利未族人出世一个月以上ê男性lóng tio̍h登记落来,这kah其他支派ê人tio̍h年满二十年以上ê cha-po͘人chiah登记,大大无仝。Chia mā提起利未有三个kiáⁿ,是革顺、哥辖、米拉利。然后mā列出了chit三个人ê后代。

第21到26节,记载革顺家族出世一个月以上ê cha-po͘人共计有七千五百人。同时mā记载这宗族扎营tī圣幕ê后面,in tio̍h负责看守圣幕、圣幕内面ê幕顶kah外面顶盖、门帘、圣幕kah祭坛周围庭园ê帷幔、院门ê门帘等等。

第27到32节,这是利未记第二个kiáⁿ哥辖。伊ê家族出世一个月以上ê cha-po͘人登记人数共计有八千六百人。In是扎营圣幕南边,负责ê工作是看守约柜、桌á、灯台、祭坛、祭司tī圣所用ê器皿,以及至圣所门口ê门帘。

顶面所讲两个家族lóng是负责kah圣幕内外有关ê工作,因为án-ne,in lóng需听从亚伦ê kiáⁿ以利亚撒ê指挥。因为伊等于是继承亚伦ê大祭司。

第33到37节,chit段是关系利未记第三个kiáⁿ米拉利ê家族,一个月以上ê男性登记人数共计有六千两百人。Chit-ê支族扎营tī圣幕ê北pêng。In是负责圣幕ê骨架、横木、柱子、插座,以及chiah-ê物件所有ê附件,iáu有圣幕外院ê柱子、插座、栓子,kah索á等。

第38到39节,由摩西、亚伦kah伊ê 众kiáⁿ扎营tī圣幕ê东边。In负责监督所有参与圣幕工作,并且严格执行不准任何其他支族ê人来「侵犯」圣幕ê工作。

Án-ne,利未支族出世一个月以上ê cha-po͘人ê总人数是「两万两千人」。

重新查询 专卷研经 民数记系列
错误回报,请联系