马可福音 2章18节 到 2章20节   背景资料  上一笔  下一笔
行洗礼约翰ê门徒kah法利赛人lóng有「禁食」ê习惯,因为前者本身就是属tī顶真ê灵修团体,后者可能是属tī保守派ê法利赛人,有ê人甚至每一个礼拜会禁食两pái(参考路加福音十八:12)。照摩西律法ê规定,每年有一pái是国家禁食日,就是「赎罪日」(参考利未记廿三:26—32)。Á除了chit-ê犹太人lóng会遵守ê赎罪日禁食外,耶稣并无教导他ê门徒像行洗礼约翰á是一kóa保守派ê法利赛人hit种常禁食。其实在马太福音第六章16到18节,耶稣mā谈过禁食应该是一件真隐密ê事,无需要hō͘人看见á是知影。因为真实ê禁食,是teh向上帝表示忏悔、认罪ê意思,并m̄是用来展宝家己tī信仰上是jōa-ni̍h-á敬虔。另外,禁食mā是一种表示悲伤ê方式。

Tī chia,耶稣用犹太人ài用ê「婚宴」来譬喻。婚宴,是喜乐ê时chūn,当然无人会禁食。因为禁食是teh表示苦难、忏悔,á是苦修ê方式。

「Ē-sái讲是日子将到」,chit句话通常表示审判ê时间,m̄-koh耶稣无指明是甚么时chūn。耶稣tī chia将家己比喻为「新郎」,用来预言伊会受难,ná时chūn「就beh禁食了」,表示哀伤、难过ê时chūn会来临。

重新查询 专卷研经 马可福音系列
错误回报,请联系