约伯记 36章22节 到 36章33节   背景资料  上一笔  下一笔
Tùi chit章第22节开始,一直到第三十七章24节止,lóng是teh歌颂上帝ê诗歌。然续后落来就是第三十八章到第四十一章,是上帝出面回答约伯ê疑问。Á上帝ê回答内容kah chit段经文ê内容非常连贯。

Tī chit段经文中,以利户提供另外一个思考中心题目:咱无法度知影上帝ê旨意。人对上帝ê认bat jú少,表示人jú渺小。

第22到24节,chit段经文特别强调上帝ê无限大,相对ê,就显示出人ê渺小,以利户透过chit种方式teh提醒约伯,无应该质疑地上帝ê公义。Tī chit段经文中,以利户特别kā重点khǹg-tī第22 kah 26 chit两节,lóng是用「上帝jōa-ni̍h-á ê伟大」chit种诗句开始。因为上帝「是siōng伟大ê导师」,万物lóng是出tī他ê手所造。因为án-ne,只有上帝chiah知影kui个他所造ê宇宙万物。因为án-ne,人若想beh了解性命ê问题,只有问上帝siōng清楚。人只是学生;学生siōng重要ê就是听从kah学习。以利户劝约伯ài kā家己ê角色弄清楚,m̄-thang混淆。因为上帝是kui个宇宙万物ê造物主,因为án-ne,无任何一个人thang「指定」上帝「该做」甚么事,á是teh指责上帝ê错误。换句话讲,人m̄-nā无法度批评上帝ê作为,而是beh知影谦卑,án-ne就会凡事感恩,并且知影「颂赞」上帝ê名。

第25到26节,以利户讲人「只有ē-tàng tùi远处观看」上帝奇妙ê作为,意思就是无法度明白清楚。Ná亲像远距离看事物仝款,雾雾无清不清。Koh讲,这mā teh表示卑微ê人无法度靠近伟大ê上帝(参考出埃及记二十:18—21)。Mā无法度估计无限ê上帝,单单以人ê岁数、时间来看就是án-ne(参考彼得后书三:8)。

第27到28节,落雨了后,阳光蒸发水气koh hō͘雨水重新降落大地,chit种宇宙之间ê循环不息,tú好讲出上帝创造ê奇妙。而且chiah-ê lóng是上帝眷顾人类ê作为。

第29到33节,chit段经文lóng teh描述kui个空中奇妙ê景象,大大超过人所ē-tàng明白ê范围。

以利户讲上帝「hō͘云彩移动」,m̄-koh人却只有ē-tàng tùi地上观看;上帝「雷电横扫天空」、「sìh-nà照耀天空」,m̄-koh「海ê深处犹原乌暗」,m̄-koh chiah-ê却带来丰沛ê雨水thang灌溉大地,hō͘地上ê农作物thang产生「丰富ê食物」好「养饲万民」。当人看见、听见「雷电」ê时,就会知影kā有「风暴ê来临」,连cheng-seⁿ mā知影怎样bih起来免得受害。以利户用chit种方式teh表达一个观念:chiah-ê sìh-nà、雷电、大雨等等,lóng是上帝手中ê工作,thang用来滋润大地,hō͘五谷丰收。仝款ê,上帝mā ē-tàng用chiah-ê雷电、sìh-nà、风暴等当做工具,惩罚悖逆他ê人。

重新查询 专卷研经 约伯记系列
错误回报,请联系