约伯记 31章29节 到 31章40节   背景资料  上一笔  下一笔
Chit段经文是约伯讲述伊ê心思意念是绝对清气ê,并且teh对待tú-tio̍h困境ê人,伊m̄-nā无幸灾乐祸,却是心中充满tio̍h同情,而且是用确实ê行动表现伊对别人ê慈爱,甚至tī仇敌tú-tio̍h灾难ê时,m̄-nā bē tùi án-ne欢喜,反tńg会伸手去帮助伊(参考箴言廿五:21—22)。Tī chia,伊koh一pái向上帝表白伊ê心迹,伊期待上帝ē-tàng为伊做主,作审判者,恢复伊ê清白。因为伊深信上帝是公义ê,必定会做出公义ê审判。

第29到30节,chit两节tú好讲出约伯和伊chit三位朋友之间ê差别;伊ê朋友看tio̍h约伯án-ne落魄ê时,反为认为伊hō͘ 上帝惩罚,约伯是罪有应得。M̄-koh约伯和伊ê chiah-ê朋友作法完全无相仝;当伊ê朋友受难ê时,伊从来m̄-bat加添in任何ê苦难,m̄-koh伊ê chiah-ê朋友却是án-ne对待伊,增加伊ê重担(参考十六:2、十九:2)。

第31到32节,约伯koh一pái表示家己bat对生活陷入困境ê人,一再伸出援手救助,以表示伊并无亲像第29到30节所讲述ê hit种,对遭遇困境而生活落魄ê人采取讥笑ê态度,反tńg是hō͘ in极大ê帮忙,并随时伸手救助。

第33到34节,约伯强烈表示家己确实是无辜受难,伊并m̄是一个会伪装ê人,却是用真实、坦荡荡ê态度面对审判。Mā因为án-ne,伊讲即使上了法庭mā是仝款,伊一定会为家己ê清白辩护,因为伊确实无犯罪。

第35到36节,约伯koh一pái表示用性命严肃ê态度发出誓言,表明家己所讲ê lóng「句句真实」。chit-má伊仝款ê祈求,希望hiah-ê控告伊犯罪ê人,特别是伊ê chiah-ê朋友,kā in对约伯ê控告写出来,伊语带讽刺地讲ài kā众朋友ê告状当做荣耀ê冠冕戴tī头壳顶。原因是chiah-ê控告lóng是无中生有,因为约伯都无犯chiah-ê错误。Á公义ê审判者必定会清楚知影伊是清白无罪ê。因为án-ne,chiah-ê虚假ê控告,对伊m̄-nā无损害,反tńg会加添伊ê荣耀。

第37节,chit节thang对照第十九章25到27节。

第38到40节,chit三节是teh指有人是用侵占别人土地ê方式,来扩充家己ê财富收入。M̄-koh约伯koh一pái以chiù-chōa ê方式表示,愿意不计代价证明家己绝对无做过chit款tāi-chì,伊用家己拥有ê田园、土地作担保,表示绝对无做chit种事。

第40节c句,表明约伯ê话就到chia有一个段落。

重新查询 专卷研经 约伯记系列
错误回报,请联系