约伯记 2章1节 到 2章13节   背景资料  上一笔  下一笔
Chit章mā是teh描述天庭开会ê景况。上帝就是天庭ê主人,他主持会议。值得注意ê是,chit章所描述ê天庭开会之情景,其实kah第一章真相近,而撒旦对约伯攻击ê态度kah手段,是koh khah强硬、残酷,这可能kah第一pái ê失败有关系。

第1到2节,上帝tī天庭开会ê时,koh一pái询问撒旦ê话,kah第一章7节所记载ê仝款。

第3节,上帝主动向撒旦提起,约伯是一个「正直ê好人」,是「敬畏」上帝ê人,无做过「任何pháiⁿ事」。尤其是上帝bat tī撒旦要求之下hō͘撒旦去测试约伯,而且hit-pái ê测试,hō͘约伯tú-tio̍h惨重ê损失kah打击,特别是伊ê十个kiáⁿ lóng因为án-ne而往生,m̄-koh约伯iáu是kah以往仝款,对上帝忠诚。

第4到5节,撒旦认为he是因为约伯想beh保全性命,宁可「弃sak其他一切」,撒旦认为只要ē-tàng侵害到约伯ê身躯,必定ē-tàng改变约伯对上帝ê态度。

Chia撒旦讲「以皮换皮」,这是流行tī当时ê一句俗语,mā是游牧民族siōng常用ê一种货物交易方式,是商场上「等值」买卖ê一种方式。撒旦ê意思是teh指chiah-ê外物ê伤害,不足为奇,m̄-koh若是侵害到伊ê身躯,表示身躯ê深处,结果就会无仝款,伊认为约伯一定会「咒骂」上帝。
第6节,听撒旦chit种讲法,上帝允准撒旦thang去伤害约伯ê身躯,m̄-koh bē-tàng伤害伊ê性命。这mā说明任何一个人ê性命tī上帝ê眼中,lóng是绝对珍贵ê(参考诗篇一一六:15)。上帝留落来约伯ê性命,是beh伊为tio̍h án-ne事做见证。

    第7到10节,撒旦开始tùi约伯ê肉体攻击开始,hō͘伊「tùi头到脚长了毒疮」,意思是teh指全身lóng受tio̍h病菌ê攻击。Chia ê「毒疮」一字,kah申命记第廿八章35节所用ê字仝款。因为án-ne,有kóa学者认为这是癞ko病。假使这chiâⁿ实是癞ko病,照当时ê观点,患chit种病症,就表示chit-ê人一定是大大得罪上帝,chiah会受tio̍h报应。逼kah约伯一定tio̍h去坐tī「粪埽堆」中家己疗伤。连伊ê bó͘ mā对伊chit种忠实tī上帝ê态度发出怨言,甚至iáu建议伊咒骂上帝,这显然是撒旦赢了一半,hō͘约伯ê bó͘咒骂上帝,m̄-koh约伯iáu是仝款无为所动,伊甚至kā伊谴责ê bó͘是「胡讲」。伊认为人无应该tī上帝赐福ê时,就欢喜;若tú-tio̍h灾祸,就埋怨上帝。这表示伊iáu-koh坚持对上帝忠诚。

    第11到13节,chit三节是tùi第三章开始,直到第廿七章ê序文,ná亲像第一到二章ê结构仝款。Tī chit段真长ê篇幅中,lóng是用对话ê方式来进行,探讨约伯和chit三个朋友,对性命ê苦难kah上帝之间关系ê看法。作者特别提起约伯chit三位朋友ê名是:提幔人以利法;书亚人比勒达,iáu有拿玛人琐法等。In陪tio̍h约伯坐tī土脚哀伤长到「七工七夜不讲一句话,因为in看见约伯ê痛苦hiah-ni̍h深重」。

重新查询 专卷研经 约伯记系列
错误回报,请联系